Dokʉ̈ Tësälönîke 2:5 - Mbëtï Ndjapä: TÄFO MADƗ̈

⁵ Nyë wûnsə̂ nə̈ nə̂ gbɛ̂ pä ârâ tôâbo ngâ pö balë ndə̂kə̂ bolo azü-a; ârâ zâbo ndjë gʉ kə̂ gbo rə ndə̂ ârâ wü dəkêlê kə̂ mu pö nə̈-a, Ndjapä wûnsə̂ nə̈ nə̂.

Dokʉ̈ Tësälönîke 2:5 Iomraidhean Croise

Matiyə̈ 22:16

Andjë wân angâ adjisîpili ndə̂ andjê la angâ azü tchâtchâ Hërôde ndə̂kə̂ to rə̂ sə̈ Jezü päkëdə̂: «Earə̂ kə̂ nyisə̂ rə, ârâ wûnsə̂ nə̈ nə̂ pä pö ndə̂ mo tô rə̂, la rə ndə̂ mo nyîsə̂ nə̈ pâ köbo Ndjapä wätə̂ lëge nə̈. Mo mbôâbo ganô ndə̂ la akrə-a, kə̈ wûn-âbo kə̂ ge ndə̂ akrə-a.

Matiyə̈ 23:13

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë tchü manda Gbölö gö-gbïɛ̈ ndə̂ tchêlafô tə̂ azü. Nyënyê la tə̂ nyê, nyë nyîâbo ndə̂kə̂ li bhâye-a, praâbalë nyë kïtə̂ köbo tə̂ azü ndə̂ andjë nyîndə̂ kə̂ li bhâye. [

Abadjângele 20:33

Më mbôâbo gʉ makətche âdəndjë lôlo âdəndjë lə̂ba ndə̂ ngâ akrə balë-a.

Rômo 1:9

Ndjapä ndə̂ më zâ su mê gbɛ̂ ndə̂kə̂ mbo kua ndə̂ yê lə̂ köbosə̂ nə̈ ndə̂ mê mu Tchôtchô Pö ndə̂ Modô ndə̂ yê, tche wûnsə̂ nə̈ nə̂ pä më tö lëge pö. Më tö pö ndə̂ nyê logbɛ̂,

Rômo 16:18

Bëte azü nə̈ lâme mbôâbo kua ndə̂ Krîsiti Gbölö Gbïɛ̈ ndə̂ azə̂-a. Praâbalë andjë pü kütû kɨ̈zɨ̂ tchə̂lə̂ andjê. Atchôtchô pö la apö ndə̂ âfû wütu lə̂ ma andjê ndə̂kə̂ bolo azü ndə̂ tchə̂lə̂ la andjê krâbô krâ-ê.

Rômo 9:1

Pö ndə̂ më nyîndə̂ kə̂ to rə̂ âtə, më tö lëge pö, më môâbo yepa-a, bëte më wä balë la Krîsiti. Kpɨ̂ki Yingö nyïsə̂ köbosə̂ kə̂ rɨ tchə̂lə̂ su mê, ânyë su mê nyîsə̂ nə̈ päkëdə̂, rə nə̈ wätə̂ lëge pö.

Bïchuû Körɛ̂nte 12:17

Lə̂ gbâtə̂ azü ndə̂ më wân andjê sə̈ nyê bhâye, më mbö rə̂ pä ngânə̈ balë gbo ngâ rə tchânə̂ nyê?

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Bïchuû Körɛ̂nte 7:2

Nyë nyïkrə tchô bhâlə̂ su nyê bëte ârâ. Ârâ mbôâbo ngbongbo rə tə̂ ngâ akrə balë-a, kə̈ ndɨ̂âbo tchə̂lə̂ kə̂ sə ndə̂ ngâ akrə-a, kə̈ kʉ̂âbo rə ndə̂ ngâ akrə la gbôgbô-a.

Gälâte 1:20

Pö ndə̂ më mbô rə̂ lə̂ mbëtï sə̈ nyê âtə, më tö rə̂ lə̂ la Ndjapä, më môâbo yepa-a.

Dokʉ̈ Tësälönîke 2:10

Nyë wûnsə̂ arə ndə̂ ârâ mbô rə̂ nə̂, Ndjapä ndjë gbɛ̂ wûnsə̂ nə̈ nə̂: Kə̂ sə ndə̂ ârâ lə̂ gbâtə̂ nyê azü ndə̂ Krîsiti däka gbɛ̂, kə̈ wâ djîrə̂ ânyë ngâ pö balë wâbo lə̂ küma ârâ-a.

Dokʉ̈ Timotë 3:3

Tche zâbo tə̂ yê gbɛ̂ ndə̂kə̂ ndjo pî-a, kə̈ wâbo tə̂ earə̂ kʉ̈ʉ̈-a, praâbalë tche wä zɨtɨ-ë. Tche wâbo tə̂ earə̂ kə̂ po la azü-a, kə̈ wâbo tə̂ akrə ndə̂ tche nyîndə̂ makətche tə̂ gbölösə̂nə̈-a.

Dokʉ̈ Timotë 3:8

Äwäpä adiâkere wa ndjë tə̂ azü ndə̂ andjë lûsə̂tə̂ andjê, pö ma andjê wa kütû balë, andjë zabô tə̂ andjê zâ gbɛ̂ ndə̂kə̂ ndjo pî-î, kə̂ puabô köbo pû ndə̂kə̂ gbo makətche lə̂ köbosə̂ ngbongbo köbo-ê.

Tîte 1:7

Akrə ndə̂ tche sə̂ tə̂ küma Egilîze, tche wätə̂ akrə ndə̂ tche wun tchô pâ arə ndə̂ Ndjapä, âwâbo pä ngâ pö ndə̂kə̂ gbɨtɨ tü balë wa lə̂ küma yê-a. Tche də̂âbo akrə ndə̂ tche bhi gogo yê-a, âdəndjë akrə ndə̂ mêrâ-a. Tche də̂âbo akrə ndə̂ tche zâtə̂ yê gbɛ̂ ndə̂kə̂ djo pî-a, âdəndjë akrə ndə̂kə̂ mbo kʉ̈ʉ̈-a. Tche də̂âbo akrə ndə̂ tche gbo arə ndə̂ yê lə̂ köbosə̂ ngbongbo kə̂ gbo rə-a.

Dokʉ̈ Pîêre 5:2

Nyë bäta kpûlû azü ndə̂ Ndjapä ndə̂ tche gbôtə̂ andjê ëtchânə̂ nyê, batə̂ a-earə̂ kə̂ bata aɛ̈bro-ngbaga ndə̂ andjë bata kpûlû aɛ̈bro-ngbaga. Nyë wün tchô pâ andjê la tchôtchô su, batə̂ rə̂ ndə̂ su Ndjapä nyîndə̂ nə̈, äwäpä nyë mbo rə̂ la tə̂ nyê. Nyë mböäbô rə̂ mbô la gʉ ndə̂kə̂ gbo makətche tə̂ gbölösə̂nə̈-ê, praâbalë nyë zä su nyê gbɛ̂ pâ kua nə̈.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.