Dokʉ̈ Tësälönîke 2:4 - Mbëtï Ndjapä: TÄFO MADƗ̈

⁴ Praâbalë ârâ mü pö nə̈ batə̂ rə̂ ndə̂ su Ndjapä nyîndə̂ nə̈, bëte tche wün rə̂ pä ârâ kʉ̂sə̂ nə̈ nə̂, ânyë kə̈ zâ köbo sə̈ ârâ ndə̂kə̂ mu Tchôtchô Pö. Ârâ pûâbo köbo ndə̂kə̂ wa djîrə̂ lə̂ la azü-a, praâbalë ârâ pü köbo ndə̂kə̂ wa djîrə̂ lə̂ la Ndjapä, ndə̂ tche wun tchô bhâlə̂ su azü.

Dokʉ̈ Tësälönîke 2:4 Iomraidhean Croise

Lûke 12:42

Gbölö Gbïɛ̈ tô rə̂ ndə̂nə̈ sə̈ tche päkëdə̂: «Tchabâ kä ndə̂ âdə̂ djîrə̂ earə̂ kə̂ bata rə, ânyë kə̈ wûnsə̂ rə? Tche də̈ tchanə̈ ndə̂ gbölö akrə ndə̂ yê gbôtə̂ yê ndə̂kə̂ wun tchô pâ a-earə̂ kua ndə̂ yê, ânyë âdə lo nə̈ âta tâ, tche kʉ kɨ̈zɨ̂ ndə̂ andjê sə̈ andjê.

Lûke 16:11

Âdə nyê âmboabô rə mbô djîrə̂ la arə tchêbêche âtə ndə̂ âbolo azü, tchabâ kä ndə̂ âkʉadje alëge arə sə̈ nyê ndə̂kə̂ pa nyë wun tchô pânə̈?

Jâan 21:17

Jezü kâ tô rə̂ sə̈ tchë tə̂ vötaâ nə̈ päkëdə̂: «Chemön, modô ndə̂ Jâan, mo nyîndə̂ mê nə̂?» Pîêre wâ la nyonyo bëte rə̂ ndə̂ Jezü kâ tô rə̂ sə̈ tchë tə̂ vötaâ nə̈ päkëdə̂: «Mo nyîndə̂ mê nə̂?» Tche tô rə̂ sə̈ Jezü päkëdə̂: «Gbölö Gbïɛ̈, mo wünsə̂ rə gbɛ̂, mo wûnsə̂ nə̈ nə̂ pä më nyïndə̂ zə̈!» Jezü tô rə̂ sə̈ tchë päkëdə̂: «Amö bata aɛ̈bro-ngbaga ndə̂ mê.

Rômo 8:27

Ndjapä ndə̂ tche wun tchə̂lə̂ su akrə, tche wünsə̂ rə ndə̂ Yingö nyîndə̂ nə̈. Yingö tö pö sə̈ Ndjapä bëte azü ndə̂ Ndjapä, lə̂ köbosə̂ nə̈ ndə̂ Ndjapä nyîndə̂ nə̈.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Dokʉ̈ Körɛ̂nte 9:17

Âdə mëmê la tə̂ mê kä ndə̂ âpû köbo kua nə̈ lâme, dëkë më wä ndə̂kə̂ gbo makətche-kua ngbânə̈. Praâbalë ngâ rə ngbî ndə̂kə̂ pa më mbo rə̂ wâbo-a, më âmbo kütû kua ndə̂ a zâ rə̂ sə̈ mê lâme.

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Bïchuû Körɛ̂nte 5:11

Ndə̂ azə̈ wûnsə̂ köbo ndə̂kə̂ kpe wa Gbölö Gbïɛ̈ lâme, bëte rə̂ kä ndə̂ azə̈ sə̂ lakə̂ pu köbo ndə̂kə̂ mbo rə̂ gbɛ̂ pä azü gamba pö ndə̂ yê. Ndjapä wünsə̂ azə̂ djîrə̂, më wün ndjë sə̂nə̈ pä bhâlə̂ kə̂ rɨ tchə̂lə̂ su nyê, nyë wün ndjë sə̂ mê djîrə̂ nə̂.

Bïchuû Körɛ̂nte 5:16

Bëte rə̂ kä angaâtə, ârâ kä wâbo ndə̂kə̂ ka wun ngâ akrə lə̂ la ârâ batə̂ kə̂ wun tchô ndə̂ akrə-a. Âdə rə̂ ndə̂ ârâ wûn Krîsiti alêe batə̂ kə̂ wun tchô ndə̂ akrə, angaâtə ârâ kä wun bata tchë käko tee-a.

Gälâte 1:10

Bëte angaâtə, më pü köbo ndə̂kə̂ mbo tchôtchô rə lə̂ la azü âdəndjë lə̂ la Ndjapä? Më pü köbo ndə̂kə̂ wa djîrə̂ lə̂ la azü? Âdə mê âpu köbo ndə̂kə̂ daka lə̂ la azü, dëkë mê kä wa bata tə̂ earə̂ kua ndə̂ Krîsiti tee-a.

Gälâte 2:7

Praâbalë andjë wünsə̂ nə̈ pä Ndjapä zä rə̂ sə̈ mê ndə̂kə̂ mu Tchôtchô Pö sə̈ azü ndə̂ andjë wâbô gasa wâ, batə̂ rə̂ ndə̂ tche zâ rə̂ sə̈ Pîêre ndə̂kə̂ mu rə̂ sə̈ azü ndə̂ andjë wâ gasa.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Ëfêze 6:6

Nyë mböäbô kua nə̈ mbô kütû ndə̂ la andjê-ê, ndə̂kə̂ pa a wun rə̂ pä nyë pü köbo ndə̂kə̂ daka lə̂ la azü-î. Praâbalë nyë mbö rə batə̂ angbâa ndə̂ Krîsiti ndə̂ andjë zâ su andjê gbɛ̂ ndə̂kə̂ mbo rə ndə̂ su Ndjapä nyîndə̂ nə̈.

Kölôse 3:22

Angbâa, nyë djë ma a-earə̂ nyê bêche âtə lə̂ arə gbɛ̂. Nyë mböäbô kua nə̈ mbô gundə̂sə̂ la andjê âwûntî pä nyë nyïndə̂ kə̂ daka lə̂ la azü-î, praâbalë nyë mbö kua la su nyê balë, bëte nyë kpë wa Gbölö Gbïɛ̈.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Bïchuû Timotë 1:14

Tchôtchô rə nə̈ lâme, amö bata rə̂ lə̂ köbosə̂ Kpɨ̂ki Yingö ndə̂ âwâ lə̂ azə̂.

Bïchuû Timotë 2:2

Rə ndə̂ mo djê rə̂ alême lə̂ ma mê tchâtchu angbängbä azü, äwäpä mo gbotâ ëtchânə̂ adjîrə̂ azü, ndə̂ andjê la tə̂ andjê kʉ̂sə̂ kə̂ nyisə̂ nə̈ sə̈ angâ azü.

Tîte 1:3

Ndə̂ lo nə̈ tâ tâ, Ndjapä ndə̂ tche wâtə̂ Earə̂ kə̂ tcha azə̂, tche nyîsə̂ pö ndə̂ yê nə̈. Tche nyïsə̂ nə̈ lə̂ köbosə̂ pö ndə̂ yê, ndə̂ tche zâ rə̂ sə̈ mê, gundə̂sə̂ kə̂ zama ndə̂ tche zâ rə̂ sə̈ mê.

Aheborö 4:13

Ngâ rə balë ndə̂ Ndjapä mbô rə̂ ndə̂ âwâ wü tchâtchu yê wâbo-a. Lə̂ la Ndjapä arə gbɛ̂ wä kpändëwä, tche wün tchô pâ arə gbɛ̂, azəzə̂ kä ndə̂ âtosə̂ tchêngbâ arə ndə̂ azə̈ mbô rə̂ sə̈ tchë.

Dokʉ̈ Pîêre 4:11

Âdə ngâ akrə âsə lakə̂ to pö, äwäpä tche to apö ndə̂ Ndjapä. Âdə ngâ akrə âsə lakə̂ mbo kua sə̈ angâ yê, äwäpä tche mbo rə̂ la gbôgbô ndə̂ Ndjapä zâ rə̂ sə̈ tchë, käko ânyë lə̂ köbosə̂ Jezü Krîsiti, azü voga Ndjapä lə̂ arə gbɛ̂. Gbölö la gbôgbô wätə̂ andə̂ Ndjapä tə̂ logbɛ̂ logbɛ̂! Amin.

Apökälîbïchi 2:23

Pâ arə lâme gbɛ̂ më âkä won abechë ndə̂ yê. Käko a-Egilîze gbɛ̂ wun-adje sə̂nə̈ pä më də̈ akrə ndə̂ mê wunsə̂ apö ndə̂ âwâ lə̂ su akrə, la gʉ tə̂ su azü. Mê kʉadje rə sə̈ akrə balë balë lə̂ gûtə̂ nyê gundə̂sə̂ arə ndə̂ tche mbô rə̂.