Dokʉ̈ Tësälönîke 2:3 - Mbëtï Ndjapä: TÄFO MADƗ̈

³ Kə̂ mu pö ndə̂ ârâ nə̈ krʉ̂âbo pâ yepa-a, âwâbo lə̂ köbosə̂ ngbongbo pö tə̂ su akrə-a, kə̈ wâbo ndjë ndə̂kə̂ bolo azü-a.

Dokʉ̈ Tësälönîke 2:3 Iomraidhean Croise

Abadjângele 13:15

Pânə̈ ndə̂ a dɨ̂ a-Mbëtï-ndïɛ̈ la andə̂ earə̂ ndə̂ma Ndjapä, amakündji ndə̂ nda kə̂ voga Ndjapä tô rə̂ sə̈ Pôlo la Bärnäbâse päkëdə̂: «Arə̂mä, âdə nyë âwa la angâ apö ndə̂ âza gbôgbô tə̂ su azü gö nə̈, nyë tö rə̂!»

Abadjângele 4:36

Ngâ köchë kä tâ ndə̂ rə̈ yê wû pä Jozêfu, abadjângele ë rə̂ tə̂ yê pä Bärnäbâse ndə̂ ânyîndə̂ kə̂ to rə̂ pä: «Earə̂ kə̂ za gbôgbô tə̂ su.» Tche də̈ ngâ akrə pâ mawo ndə̂ Levï, a zɨ̈ tchë bhâ Chîpre.

Bïchuû Körɛ̂nte 11:13

Azü nə̈ lâme də̈ abadjângele ndə̂ yepa, andjë də̈ a-earə̂ kua ndə̂ andjë bolo azü, ânyë kə̈ mbôtə̂ andjê batə̂ abadjângele ndə̂ Krîsiti.

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Bïchuû Körɛ̂nte 4:5

Bëte pö ndə̂ ârâ mu rə̂, ârâ mûâbo pö pâ ârâ la tə̂ ârâ-a, praâbalë Jezü Krîsiti Gbölö Gbïɛ̈ kä ndə̂ ârâ mu pö ndə̂ yê. Ârâ nyïsə̂ nə̈ sə̈ nyê pä ârâ də̈ a-earə̂ kua ndə̂ nyê bëte Jezü.

Bïchuû Körɛ̂nte 6:8

Angâ azü lüsə̂ ârâ ânyë angânə̈ yî ganô lə̂ la ârâ, angâ azü tö tchôtchô pö tə̂ ârâ ânyë angânə̈ to ngbongbo pö tə̂ ârâ, angâ azü wün ârâ tə̂ a-earə̂ yepa dëkë ârâ tö lëge pö.

Bïchuû Körɛ̂nte 7:2

Nyë nyïkrə tchô bhâlə̂ su nyê bëte ârâ. Ârâ mbôâbo ngbongbo rə tə̂ ngâ akrə balë-a, kə̈ ndɨ̂âbo tchə̂lə̂ kə̂ sə ndə̂ ngâ akrə-a, kə̈ kʉ̂âbo rə ndə̂ ngâ akrə la gbôgbô-a.

Dokʉ̈ Tësälönîke 2:11

Nyë wûn ndjë sə̂nə̈ nə̂ pä ârâ mbö rə tə̂ akrə balë balë batə̂ rə̂ ndə̂ bha bechë mbo rə̂ tə̂ abechë ndə̂ yê.

Dokʉ̈ Tësälönîke 4:7

Bëte Ndjapä êâbo azə̂ ndə̂kə̂ mbo rə ndə̂ ndïɛ̈ ndə̂ yê kôsə̂ nə̈-a, praâbalë tche ë azə̂ ndə̂kə̂ wa ngbî bëte tchë ânyë kə̂ daka gbɛ̂.

Bïchuû Tësälönîke 2:11

Bëte rə̂ kä ndə̂ Ndjapä wân ngâ gbôgbô ndə̂ âmbo rə̂ pä andjë tcha köbo, kə̂ mbo rə̂ pä andjë gamba pö yepa.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.