Dokʉ̈ Tësälönîke 2:2 - Mbëtï Ndjapä: TÄFO MADƗ̈

² Nyë wûn ndjë sə̂nə̈ nə̂ pä dokʉ̈tchê ârâ wün yûkü ânyë a drô ârâ bhâlə̂ gö ndə̂ Fïlîpe. Praâbalë Ndjapä zä gbôgbô tə̂ su ârâ ndə̂kə̂ mu Tchôtchô Pö ndə̂ yê sə̈ nyê lə̂ arə yûkü lâme.

Dokʉ̈ Tësälönîke 2:2 Iomraidhean Croise

Abadjângele 14:3

Lə̂ arə lâme gbɛ̂, Pôlo la Bärnäbâse sə̂ bhâ Ïkönïwûme ndə̂nə̈ gû. Andjë mûâbo pö ndə̂ Gbölö Gbïɛ̈ la wa-a, bëte andjë zä su andjê gbɛ̂ pâ yê. Tche zä gbôgbô sə̈ andjê ndə̂kə̂ mbo akpɨ̈ngbɨ̈ rə la arə ndə̂ âropâ küma azü, ndə̂kə̂ nyisə̂ nə̈ sə̈ azü päkëdə̂: Apö ndə̂ a tô rə̂ pâ pö ndə̂ tchôtchô su yê wätə̂ lëge nə̈.

Abadjângele 14:5

Azü ndə̂ andjë wâbô wâtə̂ ajuîfu la ajuîfu la amakündji ndə̂ andjê, djêtə̂ andjê ndə̂kə̂ mbo abadjângele la gbôgbô, ndə̂kə̂ nye andjê la täme.

Abadjângele 16:12

Ârâ âlafô tchâme kə̈ ê atə̂ Fïlîpe, ndə̂ âwâtə̂ ngâ tchâkalâ gö ndə̂ Mäsëdöâne, ädə̈ ndjë ngâ gö ndə̂ azü ndə̂ Rômo zâ rə̂ alême la ngbâa. Ârâ sə̂ tchâme lə̂ angâ alö.

Abadjângele 16:19

Ndə̂ agbölö azü ndə̂ ɛ̈chë lâme wûn rə̂ pä köbo kə̂ gbo makətche ndə̂ andjê lə̂ köbosə̂ yê yû nə̂, andjë zâ Pôlo la Sïlâse kə̈ ê la andjê bhâ sə̂nə̈ ndə̂ azü ngbo tchê tə̂ andjê tâ tchâtchu agbölö azü gö.

Abadjângele 16:37

Praâbalë Pôlo tô rə̂ päkëdə̂: «Andjë wâbo ngbanga lə̂ küma ârâ-a, praâbalë andjë bhï ârâ lə̂ la azü gbɛ̂, kə̈ yî ârâ lə̂ nda kânga, ârâ ndə̂ ârâ wâtə̂ azü gö ndə̂ Rômo. Ndə̂ azə̈ sə̂ âtə, andjë nyîndə̂ kə̂ ji ârâ lə̂ küwû nə̈, âdəabô käko tee-a, äwäpä andjendjê la tə̂ andjê, andjë nə kə̂ ji ârâ!»

Abadjângele 17:1

Pôlo la Sïlâse rö lə̂ gö ndə̂ Änfïpölîse la Apolonï kə̈ wûtu bhâ Tësälönîke. Ngâ nda kə̂ voga Ndjapä ndə̂ ajuîfu kä bhâye.

Abadjângele 17:17

Tche tô pö sə̈ ajuîfu lə̂ nda kə̂ voga Ndjapä ndə̂ ajuîfu, la azü ndə̂ andjë wâbô wâtə̂ ajuîfu ânyë kə̂ voga Ndjapä. Logbɛ̂ tche tö ndjë pö sə̈ azü ndə̂ andjë nə sə̂ tchô ndə̂ azü pala tchê tə̂ andjê tâ.

Abadjângele 19:8

Pôlo ë tchê atə̂lə̂ nda kə̂ voga Ndjapä ânyë, lə̂ nyîpï vötaâ tche mû pö Ndjapä la gbôgbô. Tche mü pö pâ Gbölö gö-gbïɛ̈ ndə̂ Ndjapä, kə̈ mbô rə̂ gbɛ̂ ndə̂kə̂ pa azü nə̈ gamba rə̂.

Abadjângele 4:13

Ndə̂ a-earə̂ kə̂ wa ngbanga nə̈ wûn rə̂ pä Pîêre la Jâan tö pö la gbôgbô, ânyë kə̈ wûn ndjë sə̂nə̈ pä, andjë də̈ ambämbä azü ndə̂ andjë wûn-âbo sə̂ mbëtï-a, tchə̂lə̂ küma andjê gbɛ̂ djîngɨli. Andjë wûnsə̂ nə̈ pä, aköchë âtə sə̈ alêe ndrotə̂ Jezü.

Abadjângele 4:20

Andə̂ ârâ, rə ndə̂ ârâ wûn rə̂ ânyë kə̈ djê rə̂ âtə, ârâ wâbo ndə̂kə̂ ngbo ma ârâ pânə̈-a.»

Abadjângele 4:31

Pânə̈ ndə̂ andjë tô pö sə̈ Ndjapä, sə̂nə̈ ndə̂ andjë pâlatə̂ andjê tâ trô-ê. Kpɨ̂ki Yingö sɨ̂ andjê ânyë andjë mû pö Ndjapä la gbôgbô.

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Bïchuû Körɛ̂nte 3:12

Batə̂ azə̈ zâ su azə̂ gbɛ̂ ndə̂kə̂ krʉ bëte arə käko, wawa ngâ rə balë mbôâbo azə̂-a.

Kölôse 2:1

Bëte më nyïndə̂ nə̈ pä nyë wunsə̂ pö ndə̂ gbôgbô kʉ̈ʉ̈ ndə̂ më sə̂ lakə̂ mbo rə̂ bëte nyê, bëte azü ndə̂ Laodisë, ndjë bëte azü gbɛ̂ ndə̂ andjë wûn-âbô la mê wûn lo balë-ê.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Jûde 1:3

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më nyï âme ndə̂kə̂ mbo mbëtï sə̈ nyê tə̂ pö ndə̂nə̈ ndə̂ Ndjapä tchâ mê la nyê gbɛ̂ lə̂ kuzü lâme. Praâbalë su mê yükû nə̈ sə̈ mê la gbôgbô ndə̂kə̂ pa më mbo mbëtï âtə sə̈ nyê, ndə̂kə̂ za gbôgbô tə̂ su nyê ânyë nyê mbo kʉ̈ʉ̈ ndə̂ pö ndə̂kə̂ za su sə̈ Ndjapä, ndə̂ tche zâ rə̂ sə̈ azü sûsunə̈ balë tratralë.