Dokʉ̈ Tësälönîke 2:19 - Mbëtï Ndjapä: TÄFO MADƗ̈

¹⁹ Käko tə̂ lo ndə̂kə̂ ka ndə̂ Gbölö Gbïɛ̈ Jezü, giamâ kä ndə̂ ârâ za su ârâ pânə̈, giamâ kä âkə̂ watə̂ mômô ndə̂ ârâ, giamâ kä ndə̂ ârâ gbo rə̂ ngbâ kua ndə̂ ârâ mbô rə̂ ndjoa etə̂ manə̈? Âdə̂âbo nyê?

Dokʉ̈ Tësälönîke 2:19 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Mâreke 8:38

Bëte âdə ngâ akrə âmbo ganô mê la apö ndə̂ mê lə̂ la azü ndə̂ tchô angêta ndə̂ andjë kôsə̂ pö ma Ndjapä lakə̂ mbo ngbongbo rə, Modô ndə̂ Akrə mboadje ndjë ganô yê lo nə̈ ndə̂ tchê kadje lə̂ gbôgbô ndə̂ Bha nə̈ la aânje ndə̂ yê ndə̂ andjë wâ ngbî tiî bëte Ndjapä.»

Jâan 21:22

Jezü tô rə̂ sə̈ tchë päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa tə̂ lo kə̂ ka ndə̂ mê, äwün mö? Momö, amö za tchêngbâ mê.»

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 1:14

Batə̂ rə̂ ndə̂ nyë djê tchə̂lə̂ angâ atchâkalâ pö nə̈, tə̂ ârâ kradje lə̂ köbosə̂ nyê, ânyë nyënyê ndjë gbɛ̂, tə̂ nyê kradje lə̂ köbosə̂ ârâ, lö nə̈ ndə̂ Gbölö Gbïɛ̈ ndə̂ azə̂ Jezü kangbâ yê.

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Dokʉ̈ Tësälönîke 2:20

Ɛn-ɛn, tə̂ pö ndə̂ nyê kä ndə̂ a lusə̂ ârâ, ânyë ârâ wâ la mômô.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 4:15

Pö ndə̂ ârâ nyîndə̂ kə̂ to rə̂ sə̈ nyê, ndə̂ Gbölö Gbïɛ̈ tô rə̂ sə̈ ârâ kä âtə: Azəzə̂ ndə̂ azə̈ sə la tʉ̈rʉ̂ la azə̂ ndjoa ëtə̂ lo kə̂ ka ndə̂ Gbölö Gbïɛ̈, andjanə̈ ndə̂ andjë tchû lâme, azə̂ roabô dokʉ̈tchê tə̂ andjê tee-a.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.

Bïchuû Tësälönîke 1:7

tchê zadje kə̂ yatə̂ sə̈ nyê, nyënyê ndə̂ azü ndə̂ a yûku nyê, ndjë la ârâ. Rə lâme âmbo tə̂ lo nə̈ ndə̂ Gbölö Gbïɛ̈ Jezü to bhâ lafô ndə̂kə̂ jre la aânje ndə̂ yê ndə̂ andjë wâ la gbôgbô.

Bïchuû Tësälönîke 2:1

Arə̂mä, âdə andə̂ pö ndə̂ lö kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la pö ndə̂kə̂ pala azə̂ ndrotə̂ yê lâme, ârâ yü nyê kâkë:

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Jâke 5:7

Arə̂mä, nyë rʉ̈ätə̂ su nyê zoo ëtə̂ lo kə̂ ka ndə̂ Gbölö Gbïɛ̈. Nyë wünsa köbo ndə̂ earə̂ kə̂ djo kɨ̈ndɨ̈ rʉatə̂ su yê ndə̂kə̂ krʉ bëte tchôtchô lêlê rəgʉ tchə̂lə̂ kɨ̈ndɨ̈ ndə̂ yê. Tche rʉ̈ätə̂ su yê ndə̂kə̂ krʉ bëte kə̂ nyi ndə̂ adokʉ̈ anyïvrö, la adɨ̂ anyïvrö.

Jâke 5:8

Nyënyê ndjë gbɛ̂, äwäpä nyë rʉatə̂ su nyê, kə̂ kpokpo tə̂ nyê, bëte lö kə̂ ka ndə̂ Gbölö Gbïɛ̈ ndô nə̂.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.

Bïchuû Pîêre 3:4

andjê toadje rə̂ päkëdə̂: «Kə̂ za bâlâ ndə̂ Gbölö Gbïɛ̈ zâ rə̂ alême tə̂ pö ndə̂ kə̂ ka ndə̂ yê lâme, pö ndə̂nə̈ wä atöko? Bëte ndə̂nə̈ gû nə̂ ndə̂ arabha azə̂ tchû, gbô arə gbɛ̂ kä gbɛ̂ kpôsə̂nə̈, ndə̂kə̂ to tə̂ lo nə̈ ndə̂ Ndjapä mbô arə gbɛ̂!»

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 22:12

Jezü tö rə̂ päkëdə̂: «Dje pö âtə, mê âka angaâtə! Mê kadje la arə ndə̂ mê potə̂ mê ndə̂kə̂ kʉ rə̂ sə̈ akrə balë balë gundə̂sə̂ kua ndə̂ tche mbô rə̂.