Dokʉ̈ Tësälönîke 2:17 - Mbëtï Ndjapä: TÄFO MADƗ̈

¹⁷ Âdə andə̂ ârâ arə̂mä, azə̈ krʉ̈ tchə̂lə̂ tə̂ azə̂ la nyê tə̂ angâ alö, ndə̂ ârâ sə̂ tə̂ nyê ngrɨ̈, praâbalë gbô su ârâ kä pâ nyê. Ârâ mbö rə̂ gbɛ̂ ndə̂kə̂ e kə̂ wun nyê, bëte gʉ nyê nyü ârâ tə̂ gbölösə̂nə̈.

Dokʉ̈ Tësälönîke 2:17 Iomraidhean Croise

Lûke 12:58

Âdə momö la earə̂ kə̂ kosə̂ zə̈ nyë âsə̈ e atə̂lə̂ ngbanga, äwäpä mo mbo rə̂ gbɛ̂ ndə̂kə̂ pa nyë nyikrə pö lâme lə̂ köbo. Ârə̂ âdəabô də̂ käko, tche e la mö atə̂ tchâtchu gbölö earə̂ kə̂ wa ngbanga, ânyë earə̂ kə̂ wa ngbanga nə̈ za mö sə̈ aturûgu, aturûgu nə̈ yi mö atə̂lə̂ nda kânga.

Lûke 22:15

Jezü tô rə̂ sə̈ andjê päkëdə̂: «Më nyïndə̂ nə̈ tə̂ gbölösə̂nə̈ ndə̂kə̂ zɨ kɨ̈zɨ̂ Pâke âtə la nyê dokʉ̈tchê ndə̂kə̂ pa më wun yûkü!

Abadjângele 17:10

Ârə̂ âsə̈ wutu lə̂ bütchî, arə̂mâ lə̂ Krîsiti mbô rə̂ pä Pôlo la Sïlâse ro atə̂ Berë. Ndə̂ andjë wûtu bhâye, andjë ê atə̂lə̂ nda kə̂ voga Ndjapä ndə̂ ajuîfu.

Rômo 1:13

Arə̂mä, më nyïndə̂ nə̈ pä nyë wunsə̂ nə̈ pä më nyïkrə rə̂ tə̂ su mê tə̂ngâlo ndə̂kə̂ e atə̂ndə̂ nyê. Praâbalë köbo mîɛ tə̂ mê zoo angêta. Më nyïndə̂ kə̂ wutu bhâye ndə̂kə̂ pa më mbo kua ndə̂kə̂ gbo azü bëte Krîsiti lə̂ gö ndə̂ nyê ndjë batə̂ rə̂ ndə̂ më gbô andjê lə̂ angâ agö ngbî.

Rômo 15:23

Praâbalë angaâtə, më kâ kua lə̂ agö lâme nə̂. Lə̂ angû ndə̂ ârô, më wä alême la gʉ ndə̂kə̂ wutu bhândə̂ nyê.

Dokʉ̈ Körɛ̂nte 5:3

Andə̂ me nə̈, më sə̂âbo ndrotə̂ nyê-a, praâbalë më kä ndrotə̂ nyê lə̂ köbosə̂ Yingö. Më wâ ngbanga pâ akrə ndə̂ tche mbô rə lâme nə̂, âwûntî pä më kä lə̂ gûtə̂ nyê.

Kölôse 2:5

Bëte më sə̂âbo lə̂ gbâtə̂ nyê-a, praâbalë më kä la nyê sə̂nə̈ balë lə̂ yingö. Më wä la mômô ndə̂kə̂ wun rə̂ pä gbô nyê kä lakə̂ mbo rə la köbo nə̈ ânyë gbô su nyê ndə̂ nyë zâ rə̂ sə̈ Krîsiti lâme kä pâ yê.

Dokʉ̈ Tësälönîke 3:6

Angaâtə, Timotë tô bhândə̂ nyê kə̈ kâ nə̂. Tche kä la tchôtchô pö pâ su nyê ndə̂ nyë zâ rə̂ sə̈ Ndjapä, la köbo ndə̂ nyê nyində̂ angâ nyê. Tche tö ndjë rə̂ pä gbô nyê kä lakə̂ to tchôtchô pö ndə̂ ârâ, kə̈ wâ la gʉ ndə̂kə̂ kä wun ârâ, batə̂ rə̂ ndə̂ ârâ wâ ndjë la gʉ ndə̂kə̂ kä wun nyê.