Dokʉ̈ Tësälönîke 2:16 - Mbëtï Ndjapä: TÄFO MADƗ̈

¹⁶ Andjë kïtə̂ köbo tə̂ ârâ ndə̂kə̂ mu pö Ndjapä sə̈ azü ndə̂ andjë wâbô wâtə̂ ajuîfu-î, pö ndə̂ âwâ ndə̂kə̂ tcha andjê lə̂ kuzü. Ajuîfu mbö rə̂ pä ngbongbo rə ndə̂ andjë mbo tchê rə̂ logbɛ̂ wa ëpânə̈ ëpânə̈. Praâbalë la tchêngbâ nə̈ gbɛ̂ mêrâ ndə̂ Ndjapä tê pâ andjê.

Dokʉ̈ Tësälönîke 2:16 Iomraidhean Croise

Matiyə̈ 12:45

Tchâme, tche âkä e, kə̂ kʉ angâ angbongbo atchozö mïndûu manə̈ bïchuû ndə̂ andjë rô tchë la gbôgbô, andjë kangbâ andjê, kə̂ sə gbɛ̂ ë tchâalê nə̈. Pânə̈ rə nə̈ âkä watə̂ köchë lâme ngbo kə̂ ro anə̈ dokʉ̈tchê. Rə ndə̂ âwutuadje tə̂ angbongbo azü ndə̂ tchô angêta kä lâme.»

Matiyə̈ 23:32

Äfü pä nyë sə kpôtâ, kə̂ ka kua ndə̂ araâta nyê dôkʉ̈tchê tâ alême ânyë!

Matiyə̈ 24:14

A âmuadje Tchôtchô Pö ndə̂ Gbölö gö-gbïɛ̈ ndə̂ tchêlafô kupâ cho gbɛ̂ ndə̂kə̂ pa azü gbɛ̂ ndə̂ andjë wâbô wâtə̂ ajuîfu dje rə̂, pânə̈ ânyë ma arə gbɛ̂ krʉ.»

Matiyə̈ 24:6

Nyê djeadje pö ndə̂ akʉ̈ʉ̈ ndrotə̂ nyê la apö ndə̂ akʉ̈ʉ̈ ngrɨ̈, wawa mböäbô nyê mbô-ê. Äwäpä rə lâme wutu dokʉ̈tchê. Praâbalë tchîsûwu nə̈ wâbo ndə̂kə̂ ka angangaâtə-a.

Matiyə̈ 3:12

Tche kä la tchëkrɨ̈ tchânə̂ yê ndə̂kə̂ pe tchə̂lə̂ rəgʉ ndə̂ yê lakə̂ rʉa krətche nə̈ lə̂ andjî rəgʉ nə̈. Tchê paladje andjî rəgʉ ndə̂ yê gbɛ̂, kə̂ kʉ rə̂ bhâlə̂ gro ndə̂ yê. Praâbalë tchê paladje akrətche nə̈ kə̂ to wo ëtâ, wo nə̈ də̈ wo ndə̂ âwâbô wâ ndə̂kə̂ wrʉ-ê.»

Mâreke 16:16

Akrə ndə̂ tche zâ su yê sə̈ mê, ânyë kə̈ gbô batɛ̂me, tchê tchadje lə̂ kuzü. Praâbalë akrə ndə̂ tche kôsə̂ kə̂ za su yê sə̈ mê, a âwadje ngbanga kuzü lə̂ küma yê.

Abadjângele 13:45

Ndə̂ ajuîfu wûn kpûlû azü nə̈, andjë wâ la gbölö su, ânyë andjë sə̂ lakə̂ kosə̂ apö ndə̂ Pôlo ânyë kə̈ sə̂ lakə̂ dro tchë.

Abadjângele 13:50

Praâbalë ajuîfu yî ngâ pö lə̂ gûtə̂ aɛ̈chë ndə̂ andjë wâtə̂ küma azü ndə̂ andjë sə̂ lakə̂ voga Ndjapä, la agbölö azü gö nə̈ ndə̂kə̂ pa andjë mbo gbôgbô tə̂ Pôlo la Bärnäbâse. Pânə̈ andjë grô andjê lə̂ gö ndə̂ andjê.

Abadjângele 14:19

Angâ ajuîfu tö bhâ Äntïyôche lə̂ gö ndə̂ Pisidï, angânə̈ tô bhâ Ïkönïwûme ânyë kə̈ nə̂; kə̈ mbô rə̂ pä kpûlû azü nə̈ nyində̂ tchêngbâ pö ndə̂ andjê. Käko andjë nyê Pôlo la täme, kə̈ gbɨ̂ tchë kə̈ wûtu la tchë lə̂ gö nə̈, kə̈ wûntî pä tche tchû nə̂.

Abadjângele 14:2

Praâbalë angâ ajuîfu ndə̂ andjë kôsə̂ kə̂ za su andjê sə̈ Jezü bôlo angâ azü ndə̂ andjë wâbô wâtə̂ ajuîfu ndə̂kə̂ pa su andjê ndɨ tə̂ arə̂mâ ndə̂ azə̂ lə̂ Krîsiti.

Abadjângele 14:5

Azü ndə̂ andjë wâbô wâtə̂ ajuîfu la ajuîfu la amakündji ndə̂ andjê, djêtə̂ andjê ndə̂kə̂ mbo abadjângele la gbôgbô, ndə̂kə̂ nye andjê la täme.

Abadjângele 17:13

Praâbalë ndə̂ ajuîfu ndə̂ Tësälönîke djê rə̂ pä Pôlo kä lakə̂ mu ndjë pö Ndjapä bhâ Berë, andjë nə̂ lakə̂ kä djingɨli tchə̂lə̂ küma kpûlû azü, lakə̂ mbo rə̂ pä azü nə̈ alafô la pö.

Abadjângele 19:9

Praâbalë su angânə̈ kpô ânyë andjë kôsə̂ kə̂ dje rə̂. Andjë sə̂ lakə̂ dɨ angbongbo apö lə̂ la azü gbɛ̂ pâ pö ndə̂ köbo Gbölö Gbïɛ̈. Pôlo gbôtə̂ andjê kə̈ kʉ̂ adjisîpili potə̂ yê ânyë andjë wûtu. Tche sə̂ lakə̂ to pö sə̈ andjê logbɛ̂ lə̂ nda-mbëtï ndə̂ Tïränôse.

Abadjângele 21:21

A tö rə̂ sə̈ andjê päkëdə̂: Mo sə̈ lakə̂ nyisə̂ nə̈ sə̈ ajuîfu ndə̂ andjë sə̂ lə̂ gbâtə̂ azü ndə̂ andjë wâbô wâtə̂ ajuîfu ndə̂kə̂ pa andjë gbotə̂ köbo ndïɛ̈ ndə̂ Möyîze. Mo tö ndjë rə̂ sə̈ andjê pä andjë wabô abechë ndə̂ andjê wâ la gasa-ê, kə̂ gbotə̂ kə̂ mbo rə gundə̂sə̂ ndïɛ̈ ndə̂ araâta ajuîfu-î.

Abadjângele 23:12

Ndə̂ tchô krâ, angâ ajuîfu pâlatə̂ andjê kə̈ nyikrə pö, andjë dëba pä anyê kä zɨ bata kɨ̈zɨ̂ tee-a, âdəndjë ndə̂kə̂ ndjo ngû-a, zoo kə̂ won Pôlo ânyë.

Abadjângele 24:9

Ajuîfu gâmba tchêngbâ pö nə̈ lâme, ânyë kə̈ tô rə̂ pä pö lâme gbɛ̂ wätə̂ lëge pö.

Abadjângele 25:2

Ndə̂ tche sə̂ bhâye, agbölö a-earə̂ kə̂ wa ngela sə̈ Ndjapä la amakündji ndə̂ ajuîfu nə̂ ndə̂kə̂ wun tchë. Andjë nə̂ la mbëtï ndə̂kə̂ yi pö lə̂ küma Pôlo. Andjë hrô kôkôkô kə̈ yûkû nə̈

Abadjângele 25:7

Ndə̂ Pôlo wûtu, ajuîfu ndə̂ andjë tô bhâ Jerûzalêmo ânyë kə̈ nə̂, andjë tâkpa ndə̂ yê gbɛ̂ ânyë kə̈ sə̂ lakə̂ yi agbölö pö lə̂ küma yê tə̂ gbölösə̂nə̈. Praâbalë ngâ rə ndə̂ ânyîsə̂ nə̈ pä apö ndə̂ andjë yî rə̂ lə̂ küma yê lâme wätə̂ lëge pö wâbo-a.

Abadjângele 4:12

«Akrə wâbo ndə̂kə̂ tcha lə̂ kuzü lə̂ köbosə̂ ngâ rə̈ ngbî-a, bëte pâ cho gbɛ̂ ngâ rə̈ ngbî ndə̂ Ndjapä zâ rə̂ sə̈ azü ndə̂kə̂ pa andjë tcha lə̂ köbosə̂ nə̈ wâbo balë-a.»

Abadjângele 9:23

Lə̂ angâ angbängbä lö la tchêngbâ nə̈, ajuîfu djêtə̂ andjê ndə̂kə̂ won tchë.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Gälâte 5:11

Âdə andə̂ me nə̈, arə̂mä, âdə më ândəpo lakə̂ mu pö pä a wa azü la gasa, bëte giamâ kä ndə̂ gbô azü ndə̂po lakə̂ mbo mê tə̂ gêgêe nə̈? Âdə më âmu pö ndə̂nə̈, käko pö ndə̂ yö ndə̂ gba ndə̂ Krîsiti kä kʉ bata su ngâ akrə balë tee-a.

Ëfêze 3:13

Më yükû nə̈ ndjë sə̈ nyê ndə̂kə̂ pa su nyê zogoabô zôgo tə̂ pö ndə̂ yûkü ndə̂ më wûn rə̂ tə̂ pö ndə̂ nyê: Yûkü lâme wä bëte dâkâ ndə̂ nyê.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Dokʉ̈ Tësälönîke 1:10

Nyë krʉ̈ ndə̂kə̂ pa Modô ndə̂ yê to bhâ lafô kə̂ ka, Jezü ndə̂ Ndjapä jô tchë lə̂ kuzü, tchetchë kä ndə̂ âji azə̂ tchâtchâ mêrâ ndə̂ Ndjapä ndə̂ ânə.

Bïchuû Tësälönîke 2:10

Tchê mboadje angbongbo arə ngbî ngbî ndə̂kə̂ bolo azü ndə̂ andjë wâ lə̂ köbo kuzü, andjë wä ndə̂kə̂ tchu bëte andjë kösə̂ kə̂ gbo lëge pö ndə̂ âwâ âme ndə̂kə̂ tcha andjê, kə̈ nyîâbo ndə̂nə̈-a.

Dokʉ̈ Timotë 2:4

Ndjapä nyïndə̂ nə̈ pä azü gbɛ̂ tcha lə̂ kuzü, lakə̂ wunsə̂ lëge pö.

Aheborö 6:8

Praâbalë âdə cho nə̈ âmbo rə̂ pä achi la ayö-chi wutu, dëkë cho nə̈ wätə̂ ngbongbo cho. Ndjapä âdradje ndə̂nə̈, ânyë la tchêngbâ nə̈ a âchoadje rə̂ la wo.

Apökälîbïchi 22:11

Akrə ndə̂ tche mbô ngbongbo rə, äwäpä tche sə kpôtə̂ kə̂ mbo ngbongbo rə, akrə ndə̂ tche wâ lêgbrô, äwäpä tche sə kpôtə̂ kə̂ mbo lêgbrô, akrə ndə̂ tche wâ djîrə̂, äwäpä tche sə kpôtə̂ kə̂ mbo djîrə̂ rə, ânyë akrə ndə̂ tche wâ ngbî bëte Ndjapä, äwäpä tche ka zâtə̂ yê gbɛ̂ sə̈ Ndjapä.»