Dokʉ̈ Tësälönîke 2:15 - Mbëtï Ndjapä: TÄFO MADƗ̈

¹⁵ Andjendjê kä ndə̂ âwôn Gbölö Gbïɛ̈ Jezü la a-earə̂ ndə̂ma Ndjapä, kə̈ mbô ndjë gbôgbô tə̂ ârâ. Kə̂ mbo rə ndə̂ andjê fûâbo tə̂ Ndjapä-a, andjë də̈ a-earə̂ kə̂ kosə̂ azü gbɛ̂.

Dokʉ̈ Tësälönîke 2:15 Iomraidhean Croise

Matiyə̈ 23:37

«Jerûzalêmo, Jerûzalêmo, momö ndə̂ mo wôn a-earə̂ ndə̂ma Ndjapä. Azü ndə̂ Ndjapä wân andjê sə̈ mö, mo nyê andjê la täme andjë tchû-î! Sûsunə̈ atöko kä ndə̂ më nyîndə̂ kə̂ pala abechë ndə̂ zə̈ tchâtchâ mê batə̂ anyï ngötö pala ayɛ̈yɛ̈ nə̈ tchâtchâ mbrö yê, praâbalë mo nyîâbo ndə̂nə̈-a.

Matiyə̈ 27:25

Azü nə̈ gbɛ̂ tô rə̂ päkëdə̂: «Ngbanga jï yê wä lə̂ küma ârâ la abechë ndə̂ ârâ!»

Matiyə̈ 5:12

Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Lûke 24:20

Agbölö a-earə̂ kə̂ wa ngela sə̈ Ndjapä la amakündji gö ndə̂ azə̂ zâ tchë pä a wa ngbanga kuzü pâ yê, kə̈ bhî tchë tə̂ yö ndə̂ gba.

Abadjângele 12:3

Ndə̂ tche wûn rə̂ pä rə ndə̂ tche mbô rə̂ lâme fü tə̂ ajuîfu, tche wân tchô ndə̂kə̂ pa a za Pîêre. Rə nə̈ wä lo kpülü ndə̂ mâpa ndə̂ djëvö wâbô wâ lə̂nə̈.

Abadjângele 2:23

Köchë lâme, a gbötə̂ yê tchânə̂ nyê lə̂ köbosə̂ nə̈ ndə̂ Ndjapä nyîkrə rə̂ dokʉ̈tchê tə̂ su yê. Nyë zâ tchë sə̈ azü ndə̂ andjë wûn-âbô sə̂ Ndjapä wûn, andjë î tchë bhâtə̂ yö ndə̂ gba ânyë kə̈ wôn tchë.

Abadjângele 3:15

Nyë wön makündji ndə̂ tche za tchîsûwu sə̈ akrə, praâbalë Ndjapä jô tchë lə̂ kuzü, azə̈ wûn rə̂ la la azə̂ nə̂ gbɛ̂.

Abadjângele 4:10

Nyënyê ndə̂ azü ndə̂ Isarayële gbɛ̂, äwäpä nyë wunsə̂ ngâ rə balë: La rə̈ Jezü Krîsiti akrə gö ndə̂ Näzärête kä ndə̂ köchë âtə krʉ̂ lə̂ gûtə̂ nyê la tchôtchô tə̂ yê. Jezü Krîsiti ndə̂ nyë bhî tchë alême tə̂ yö ndə̂ gba, praâbalë Ndjapä jô tchë lə̂ kuzü.

Abadjângele 5:30

Nyënyê kä ndə̂ âwôn Jezü bhâtə̂ yö ndə̂ gba, praâbalë Ndjapä ndə̂ araâta azə̂ jô tchë lə̂ kuzü.

Abadjângele 7:52

Earə̂ ndə̂ma Ndjapä nə̈bâ kä ndə̂ araâta nyê mbôâbô gbôgbô mbô tə̂ yê? Araâta nyê wön azü ndə̂ andjë tô pö ndə̂kə̂ nə ndə̂ djîrə̂ akrə alême. Angaâtə, nyënyê kä ndə̂ âyôsə̂ djîrə̂ akrə nə̈ ânyë andjë wôn tchë!

Dokʉ̈ Körɛ̂nte 10:5

Lə̂ arə lâme gbɛ̂ angbängbä azü lə̂ gûtə̂ andjê dâkabô lə̂ la Ndjapä-a, bëte rə̂ kä ndə̂ andjë tchû katchôgbɛ̂ lə̂ kpaɛ̈gâ.

Bïchuû Körɛ̂nte 11:26

Lə̂ angbängbä awrʉ̂ ndə̂ mê, më gbö angbongbo arə lə̂ köbosə̂ ngû ndə̂ âsɨ ânyë kə̂ vo katchôgbɛ̂, angbongbo arə lə̂ köbosə̂ angbongbo azü, angbongbo arə lə̂ köbosə̂ angâ mê ajuîfu, angbongbo arə lə̂ köbosə̂ azü ndə̂ andjë wâbô wâtə̂ ajuîfu, angbongbo arə lə̂ agö, angbongbo arə lə̂ kpaɛ̈gâ, angbongbo arə pâ agbölö ngû ngbro, angbongbo arə lə̂ gûtə̂ angbongbo arə̂mâ.