Dokʉ̈ Tësälönîke 2:13 - Mbëtï Ndjapä: TÄFO MADƗ̈

¹³ Bëte rə̂ kä ndə̂ ârâ ndjë gbɛ̂ ârâ zä ayîabâ sə̈ Ndjapä logbɛ̂ bëte sə̂nə̈ ndə̂ ârâ mû pö Ndjapä sə̈ nyê alême, nyë djê rə̂, ânyë kə̈ gbô rə̂ batə̂ lëge pö ndə̂ Ndjapä, âdə̂âbo batə̂ pö ndə̂ akrə-a. Praâbalë pö nə̈ tö bhândə̂ Ndjapä ânyë kə̈ mbô kua lə̂ su nyê, nyënyê ndə̂ nyë zâ su nyê sə̈ Krîsiti.

Dokʉ̈ Tësälönîke 2:13 Iomraidhean Croise

Matiyə̈ 10:20

Bëte âdə̂âbo nyënyê kä ndə̂ âtoadje pö nə̈-a. Yingö ndə̂ Bha nyê Ndjapä kä ndə̂ âpoadje lə̂ nyê.

Matiyə̈ 10:40

«Akrə ndə̂ tche mbô rə̂ la nyê, dëkë tche mbö rə̂ la mê. Akrə ndə̂ tche mbô rə̂ la mê dëkë tche mbö rə̂ la akrə ndə̂ tche wân mê.

Lûke 11:28

Jezü tô rə̂ ndə̂nə̈ sə̈ tchë päkëdə̂: «Mômô nə̈ wätə̂ azü ndə̂ andjë djê pö Ndjapä, ânyë kə̈ mbô rə gundə̂sə̂ nə̈!»

Lûke 5:1

Tə̂ngâlo, Jezü krʉ̂ tə̂ maga gbölö kpakpa ngû ndə̂ Jënëzärête. Akpûlû azü nə̂ kə̈ tâkpa ndrotə̂ yê lakə̂ gbrogbrotə̂ andjê ndə̂kə̂ dje pö Ndjapä.

Lûke 8:11

«Dju ndoka lâme wä kâkë: Ndjî rəgʉ nə̈ də̈ pö Ndjapä.

Lûke 8:21

Praâbalë Jezü tô rə̂ ndə̂nə̈ sə̈ andjê päkëdə̂: «Anyï mê la ayîngâ mê də̈ azü ndə̂ andjë djê pö Ndjapä ânyë kə̈ mbô rə gundə̂sə̂ nə̈.»

Jâan 15:3

Pö ndə̂ më tô rə̂ sə̈ nyê, âmbô nyê, nyë grô nə̂ gbɛ̂.

Jâan 17:17

Amö bata andjê ngbî bëte mö lə̂ köbosə̂ lëge pö. Pö ndə̂ zə̈ wätə̂ lëge pö.

Jâan 17:19

Më zätə̂ mê la tə̂ mê ngbî sə̈ mö bëte andjê, ndə̂kə̂ pa andjë za ndjë tə̂ andjê ngbî sə̈ mö lə̂ köbosə̂ lëge pö.

Abadjângele 10:33

Posə̂nə̈, më wân azü sə̈ mö ndə̂kə̂ e mö. Mo mbö tchôtchô su ânyë kə̈ nə̂ âtə. Ndə̂ azə̈ sə̂ âtə, azə̈ kä gbɛ̂ tchâtchâ Ndjapä, ârâ krʉ̈ ndə̂kə̂ dje pö ndə̂ Gbölö Gbïɛ̈ zâ rə̂ sə̈ mö ndə̂kə̂ to rə̂ sə̈ ârâ.»

Abadjângele 13:48

Ndə̂ azü ndə̂ andjë wâbô wâtə̂ ajuîfu âsə̈ dje pö nə̈, andjë wâ la mômô lakə̂ voga pö ndə̂ Gbölö Gbïɛ̈. Andjanə̈ ndə̂ a dɨ̂ andjê ndə̂kə̂ gbo tchîsûwu ndə̂ logbɛ̂ logbɛ̂, andjë zâ su andjê sə̈ Jezü.

Abadjângele 16:14

Ngâ ɛ̈chë gö ndə̂ Tïyätîre kä lə̂ gûtə̂ andjê ndə̂ rə̈ yê wû pä Lidï. Tche də̈ earə̂ kə̂ ka angbêngbê alə̂ba ndə̂ âfû tə̂ gbölösə̂nə̈, kə̈ də̂ akrə ndə̂ tche voga Ndjapä. Tche sə̂ lakə̂ dje ârâ, ânyë Gbölö Gbïɛ̈ jî tchə̂lə̂ su yê ndə̂kə̂ dje apö ndə̂ Pôlo.

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 17:32

Ndə̂ azü nə̈ djê pö ndə̂ Pôlo tô rə̂ pâ kə̂ jo ndə̂ azü lə̂ kuzü lâme, angânə̈ sə̂ lakə̂ mo tchë ânyë angânə̈ tô rə̂ päkëdə̂: «Ârâ djeadje mö pâ pö lâme tə̂ngâlo.»

Abadjângele 2:41

Azü ndə̂ andjë gâmba pö ndə̂ Pîêre, andjë gbô batɛ̂me. Tə̂ lö nə̈ lâme, azü ndola sâke vötaâ lî lə̂ gbâtə̂ azü ndə̂ Krîsiti.

Abadjângele 8:14

Ndə̂ abadjângele bhâ Jerûzalêmo djê rə̂ pä azü ndə̂ Samarï gâmba pö Ndjapä nə̂, andjë wân Pîêre la Jâan sə̈ andjê.

Rômo 10:17

Käko lə̂ köbosə̂ kə̂ mu pö kä ndə̂ azü za su andjê sə̈ Ndjapä. Kə̂ mu pö nə̈ wätə̂ kə̂ mu pö ndə̂ Krîsiti sə̈ azü.

Bïchuû Körɛ̂nte 3:18

Azə̂ gbɛ̂ ndə̂ a jî lə̂ba tə̂ la azə̂, azü âwun golowäre ndə̂ Gbölö Gbïɛ̈ pâ la azə̂ batə̂ rə̂ ndə̂ akrə wun tchâtchu yê lə̂ wunla. Azə̈ wâ nə̂ ngbî ndə̂kə̂ pa azə̈ kʉtə̂ azə̂ la Gbölö Gbïɛ̈, ânyë golowäre ndə̂ azə̂ sə lakə̂ gêgë lə̂ köbosə̂ Gbölö Gbïɛ̈ ndə̂ tche də̂ Yingö.

Gälâte 4:14

Ndə̂ më wâ la tə̂kömbô, ânyë tə̂ mê fûâbô fû-î lâme, nyë djêâbo tchêngbâ nyê tə̂ mê-a, kə̈ kôâbo ndjë sə̂ mê-a. Praâbalë nyë mbö rə̂ la mê bhândə̂ nyê batə̂ ngâ ânje ndə̂ Ndjapä, ndjë batə̂ Krîsiti Jezü.

Kölôse 1:6

Tchôtchô Pö nə̈ lâme wütu kə̈ zâ tchô pâ cho gbɛ̂, ânyë azü gbôtə̂ bəndɨ köbo andjê, ânyë Tchôtchô Pö nə̈ sə̂ lakə̂ êë atə̂ tchâtchu nə̈. Rə nə̈ wä ndjë kütû käko lə̂ gbâtə̂ nyê, ndə̂kə̂ to tə̂ lo nə̈ ndə̂ nyë gâmba Tchôtchô Pö nə̈, kə̈ wûnsə̂ lëge pö lə̂ köbosə̂ nə̈ ndə̂ Ndjapä mbô tchôtchô su tə̂ azü,

Aheborö 4:12

Bëte Pö Ndjapä wä la tchîsûwu, kə̈ wâ la gbôgbô. Pö Ndjapä wä batə̂ besala ndə̂ manə̈ kî dəkalâ dəkalâ. Pö Ndjapä nə̈ lï zoo kə̈ krʉ̂ tchə̂lə̂ vrö la yingö, kə̈ krʉ̂ ndjë tchə̂lə̂ abülüngbɨ̈ la awole. Pö Ndjapä wä ngbanga pâ agʉ arə ndjë lakə̂ rɨ tchə̂lə̂ su akrə.

Aheborö 4:2

Bëte azə̈ djë Tchôtchô Pö batə̂ rə̂ ndə̂ araâta azə̂ djê rə̂ alême. Praâbalë pö nə̈ mbôâbo ngâ rə tə̂ andjê balë-a, bëte azü ndə̂ andjë djê pö nə̈, andjë gâmbabô rə̂-a.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 1:25

praâbalë pö ndə̂ Gbölö Gbïɛ̈ wä pïï etə̂.» Pö nə̈ lâme wätə̂ Tchôtchô Pö ndə̂ a mû rə̂ sə̈ nyê.

Dokʉ̈ Pîêre 2:2

Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Bïchuû Pîêre 3:2

Më nyïndə̂ nə̈ pä apö ndə̂ a-earə̂ ndə̂ma Ndjapä ndə̂ andjë dâka gbɛ̂ tô rə̂ sə̈ nyê dokʉ̈tchê alême, sə̂nə̈ te lə̂ nyê. Ndjë akümändëmä ndə̂ abadjângele nyîsə̂ nə̈ sə̈ nyê alême pâ pö ndə̂ Gbölö Gbïɛ̈ Earə̂ kə̂ tcha azə̂ lâme, më nyïndə̂ nə̈ pä sə̂nə̈ te lə̂ nyê.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.