Dokʉ̈ Tësälönîke 2:11 - Mbëtï Ndjapä: TÄFO MADƗ̈

¹¹ Nyë wûn ndjë sə̂nə̈ nə̂ pä ârâ mbö rə tə̂ akrə balë balë batə̂ rə̂ ndə̂ bha bechë mbo rə̂ tə̂ abechë ndə̂ yê.

Dokʉ̈ Tësälönîke 2:11 Iomraidhean Croise

Lûke 16:28

Bëte më kä la ayîngâ mê mïndûu, tche e kə̂ to rə̂ sə̈ andjê dokʉ̈tchê pä andjë nəabô nə̂ ndjë lə̂ tchô ndə̂ yûkü âtə-ê.›

Abadjângele 20:2

Tche âsə̈ ro lə̂ agö lâme, kə̈ zâ wängö ndə̂kə̂ za gbôgbô tə̂ su azü ndə̂ Krîsiti tə̂ gbölösə̂nə̈. Pânə̈ tche ê atə̂ Gerêse.

Ëfêze 4:17

Më tö pö atə̂ sə̈ nyê, kə̈ nyîndə̂ nə̈ tə̂ lëge nə̈ la rə̈ Gbölö Gbïɛ̈ päkëdə̂: Nyë kä mbôâbô rə mbô batə̂ azü ndə̂ andjë wûn-âbo sə̂ Ndjapä wûn lâme-ê, ndə̂kə̂ wunsə̂ rə ndə̂ andjê wâ ämbämbänə̈ lâme-a.

Dokʉ̈ Tësälönîke 2:7

Äwä âme ndə̂kə̂ pa ârâ wa batə̂ ngâ kʉ̂ngbô pâ nyê tə̂ pö ndə̂nə̈ ndə̂ ârâ wâtə̂ abadjângele ndə̂ Krîsiti. Praâbalë ndə̂ ârâ sə̂ alême lə̂ gbâtə̂ nyê, ârâ mbö nyê nyima-ë, batə̂ ngâ anyï bechë ndə̂ tche kʉ̂ abechë ndə̂ yê ë krʉ yê ânyë kə̂ za ngo ëma andjê.

Dokʉ̈ Tësälönîke 4:1

Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Dokʉ̈ Tësälönîke 4:6

Lə̂ apö âtə, âwâbo pä ngâ akrə balë mbo ngâ rə tə̂ ngâ yê ndə̂kə̂ pa su yê kʉ tchë-a, âdəndjë ndə̂kə̂ mbo ngâ ngbongbo rə tə̂ yê-a. Bëte Gbölö Gbïɛ̈ gbôâbo tə̂ arə käko ämbänə̈-a, ârâ tô rə̂ sə̈ nyê kə̈ gbɨ̂tɨ tü nyê pânə̈ alême nə̂ gbɛ̂.

Dokʉ̈ Tësälönîke 5:11

Bëte rə̂ kä ndə̂, nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê, kə̂ mbo rə̂ ndə̂kə̂ pa nyë kpokpo tə̂ nyê batə̂ rə̂ ndə̂ nyë sə̂ lakə̂ mbo rə̂ lâme.

Dokʉ̈ Tësälönîke 5:14

Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Bïchuû Tësälönîke 2:5

Më tô pö lâme sə̈ nyê alême nə̂, sə̂nə̈ ndə̂ gbô mê ndə̂po lə̂ gbâtə̂ nyê, sə̂nə̈ têâbo lə̂ nyê?

Bïchuû Tësälönîke 3:12

Azü käko lâme, ârâ yükû nə̈ sə̈ andjê, kə̈ zâ wängö sə̈ andjê la rə̈ Gbölö gbïɛ̈ Jezü Krîsiti: Äwäpä andjë sə gii-ï, kə̂ mbo kua ânyë kə̂ zɨ rə ngbâ kua ndə̂ andjê mbo rə̂ la tə̂ andjê.

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Dokʉ̈ Timotë 5:7

Arə ndə̂ âwâ pä mo zama tə̂ pö ndə̂nə̈ kä lâme, ânyë a gboabô ngâ pö gbô balë ndə̂kə̂ gbɨtɨ tü aɛ̈chë lə̂ ndavrö la rə̂-ê.

Dokʉ̈ Timotë 6:13

Më zäma sə̈ mö tchâtchu Ndjapä ndə̂ tche za tchîsûwu sə̈ arə gbɛ̂, ndjë tchâtchu Jezü Krîsiti ndə̂ tche tô tchôtchô pö tchâtchu Pônse Pïlâte, tə̂ pö ndə̂ su yê ndə̂ tche zâ rə̂ sə̈ Ndjapä.

Dokʉ̈ Timotë 6:17

Andə̂ a-earə̂ kə̂ gbo arə tchêbêche âtə, amö zama sə̈ andjê pä andjë bhiabô gogo andjê bhî, kə̂ zabô su andjê zâ pâ kə̂ gbo rə ndə̂ tchêbêche, ndə̂ âchiabô chî lâme-ê. Praâbalë äwäpä andjë za su andjê pâ Ndjapä, tchetchë ndə̂ tche kʉ arə gbɛ̂ sə̈ azə̂ tə̂ gbölösə̂nə̈, ndə̂kə̂ pa su azə̂ wa la mômô lə̂ köbosə̂ nə̈.

Dokʉ̈ Timotë 6:2

Angbâa ndə̂ a-earə̂ andjê wâtə̂ azü ndə̂ Krîsiti, andjë wätə̂ arə̂mâ ndə̂ andjê lə̂ Krîsiti. Âdə̂âbo anə̈ lâme kä ndə̂ âkitə̂ köbo tə̂ andjê ndə̂kə̂ lusə̂ a-earə̂ andjê nə̈-a, praâbalë äwäpä angbâa nə̈ ka mbô kua ndə̂ a-earə̂ andjê nə̈ âro anə̈ dokʉ̈tchê, bëte a-earə̂ andjê nə̈, ndə̂ andjë gbo rə ngbâ kua ndə̂ angbâa lâme, andjë wâ nə̂ tə̂ azü ndə̂ Krîsiti, kə̈ wâtə̂ arə̂mâ ndə̂ andjê, ânyë Ndjapä nyïndə̂ andjê tə̂ gbölösə̂nə̈. Rə ndə̂ âwâ pä mo nyisə̂ nə̈, kə̂ zama tə̂ pö ndə̂nə̈ kä âtə:

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.

Tîte 2:6

Äwä ndjë pä mo za wängö sə̈ abechë-ɛ̈köchë ndə̂kə̂ pa andjë to pö la köbo nə̈

Tîte 2:9

Äwäpä angbâa dje ma a-earə̂ andjê lə̂ arə gbɛ̂. Äwäpä andjë mbo rə ndə̂ âfû tə̂ a-earə̂ andjê, kə̂ gabô ma andjê gâ la andjê-ê.

Aheborö 13:22

Arə̂mä, më yükû nə̈ sə̈ nyê ndə̂kə̂ pa nyê rʉatə̂ su nyê, kə̂ gamba apö gbɛ̂ ndə̂ më tô rə̂ ndə̂kə̂ za gbôgbô tə̂ su nyê. Ndə̂kə̂ wun rə̂ djîrə̂, më wân-âbo ngrɨ̈ngrɨ̈ mbëtï sə̈ nyê-a.

Vötaâ Jâan 1:4

Ndə̂ më djê pö ndə̂ abechë ndə̂ mê ndə̂ andjë sə̂ lə̂ lëge pö, mômô ndə̂ më wâ la rə̂ rö adɨ̂ amômô gbɛ̂.