Dokʉ̈ Tësälönîke 2:10 - Mbëtï Ndjapä: TÄFO MADƗ̈

¹⁰ Nyë wûnsə̂ arə ndə̂ ârâ mbô rə̂ nə̂, Ndjapä ndjë gbɛ̂ wûnsə̂ nə̈ nə̂: Kə̂ sə ndə̂ ârâ lə̂ gbâtə̂ nyê azü ndə̂ Krîsiti däka gbɛ̂, kə̈ wâ djîrə̂ ânyë ngâ pö balë wâbo lə̂ küma ârâ-a.

Dokʉ̈ Tësälönîke 2:10 Iomraidhean Croise

Lûke 23:41

Andə̂ azə̂ ngbanga nə̈ wä djîrə̂, bëte azə̈ wün yûkü ngbâ kə̂ mbo ngbongbo rə ndə̂ azə̂; praâbalë tchetchë ndə̂ yê nə̈, tche mbôâbo ngâ ngbongbo rə balë-a.»

Abadjângele 20:18

Ndə̂ andjë nə̂ kə̈ gbô tchë, tche tô rə̂ sə̈ andjê päkëdə̂: «Nyë wûnsə̂ kə̂ sə ndə̂ mê lə̂ gbâtə̂ nyê lə̂ alö gbɛ̂ ndə̂ më mbô rə̂ lâme nə̂, ätö tə̂ dokʉ̈ lö ndə̂ më wûtu la rə̂ lə̂ gö ndə̂ Azï.

Abadjângele 20:26

Bëte rə̂ kä ndə̂ më tô rə̂ sə̈ nyê la gbôgbô angêta päkëdə̂: Âdə ngâ akrə lə̂ gbâtə̂ nyê âtcha köbo, ngbanga ndə̂ jï yê wâbo lə̂ küma mê-a.

Abadjângele 24:16

Tə̂ pö ndə̂nə̈ kä ndə̂ mëmê ndjë gbɛ̂ më sə̂ lakə̂ mbo rə̂ gbɛ̂ ndə̂kə̂ pa, logbɛ̂ më wabô wâ la ngâ ngbongbo rə lə̂kə̂ rɨ tchə̂lə̂ su mê lə̂ la Ndjapä ndjë lə̂ la azü-î.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 11:11

Më tö pö lâme käko bëte giamâ? Më tö pö lâme bëte më nyîâbo ndə̂ nyê? Ndjapä wûnsə̂ nə̈ nə̂ pä më nyïndə̂ nyê!

Bïchuû Körɛ̂nte 11:31

Ndjapä Bha Gbölö Gbïɛ̈ Jezü ndə̂ tchôtchô pö wâ pâ yê tə̂ logbɛ̂ logbɛ̂, tche wûnsə̂ nə̈ nə̂ pä më môâbo yepa-a.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Bïchuû Körɛ̂nte 5:11

Ndə̂ azə̈ wûnsə̂ köbo ndə̂kə̂ kpe wa Gbölö Gbïɛ̈ lâme, bëte rə̂ kä ndə̂ azə̈ sə̂ lakə̂ pu köbo ndə̂kə̂ mbo rə̂ gbɛ̂ pä azü gamba pö ndə̂ yê. Ndjapä wünsə̂ azə̂ djîrə̂, më wün ndjë sə̂nə̈ pä bhâlə̂ kə̂ rɨ tchə̂lə̂ su nyê, nyë wün ndjë sə̂ mê djîrə̂ nə̂.

Bïchuû Körɛ̂nte 7:2

Nyë nyïkrə tchô bhâlə̂ su nyê bëte ârâ. Ârâ mbôâbo ngbongbo rə tə̂ ngâ akrə balë-a, kə̈ ndɨ̂âbo tchə̂lə̂ kə̂ sə ndə̂ ngâ akrə-a, kə̈ kʉ̂âbo rə ndə̂ ngâ akrə la gbôgbô-a.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Dokʉ̈ Tësälönîke 2:5

Nyë wûnsə̂ nə̈ nə̂ gbɛ̂ pä ârâ tôâbo ngâ pö balë ndə̂kə̂ bolo azü-a; ârâ zâbo ndjë gʉ kə̂ gbo rə ndə̂ ârâ wü dəkêlê kə̂ mu pö nə̈-a, Ndjapä wûnsə̂ nə̈ nə̂.

Bïchuû Tësälönîke 3:7

Âdə andə̂ nye nə̈, nyë wûnsə̂ köbo ndə̂kə̂ mbo rə batə̂ ârâ nə̂. Ndə̂ ârâ sə̂ lə̂ gbâtə̂ nyê alême, ârâ mbôâbo dö-a.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Bïchuû Timotë 3:10

Praâbalë andə̂ zə nə̈, mö zâ tchêngbâ mê lə̂ arə kâkë nə̂: Kə̂ nyîsə̂ rə ndə̂ mê, kə̂ sə ndə̂ mê, arə ndə̂ më nyîndə̂ kə̂ mbo rə̂ lə̂ kua ndə̂ mê, kə̂ za su mê sə̈ Krîsiti, kə̂ rʉatə̂ su mê, kə̂ nyində̂ ngâ ndə̂ mê, kə̂ rʉatə̂ su mê lə̂ arə gbôgbô.

Dokʉ̈ Pîêre 5:3

Nyë mböäbô kümändëmä mbô pâ azü ndə̂ Ndjapä gbôtə̂ andjë ëtchânə̂ nyê lâme batə̂ amakündji-î, praâbalë äwäpä akpûlû azü nə̈ wun tchôtchô kə̂ mbo rə nə̈ tə̂ nyê.