Dokʉ̈ Tësälönîke 1:8 - Mbëtï Ndjapä: TÄFO MADƗ̈

⁸ Bëte pö ndə̂ Gbölö Gbïɛ̈ tö bhândə̂ nyê ânyë kə̈ zâ tchô gbɛ̂, kə̈ wûtu bhâ Mäsëdöâne ndjë la Akayï. Praâbalë kə̂ za su nyê ndə̂ nyë zâ rə̂ sə̈ Krîsiti lâme, pö ndə̂nə̈ zä tchô gbɛ̂ ânyë ârâ nyîâbo ndə̂kə̂ to pö pânə̈-a.

Dokʉ̈ Tësälönîke 1:8 Iomraidhean Croise

Abadjângele 18:12

Lo nə̈ ndə̂ Galiyön wâtə̂ gbïɛ̈ lə̂ gö ndə̂ Akayï, su ajuîfu gbɛ̂ âlafô tə̂ Pôlo, andjë ê la tchë atə̂lə̂ ngbanga.

Rômo 1:8

Dokʉ̈tchê, më zä ayîabâ sə̈ Ndjapä ndə̂ mê lə̂ köbosə̂ Jezü Krîsiti bëte nyê gbɛ̂, bëte rə̂ ndə̂ azü tchêbêche gbɛ̂ kä lakə̂ to pö ndə̂kə̂ za su nyê ndə̂ nyë zâ rə̂ sə̈ Jezü Krîsiti.

Rômo 15:26

Bëte azü ndə̂ Mäsëdöâne la andjanə̈ ndə̂ Akayï nyîkrə rə̂ tə̂ su andjê ndə̂kə̂ pala makətche ndə̂kə̂ wan rə̂ sə̈ azü ndə̂ Ndjapä bhâ Jerûzalêmo ndə̂ andjë sə̂ lə̂ nyonyo.

Rômo 16:19

Arə̂mä, andə̂ nye nə̈, azü gbɛ̂ wûnsə̂ nə̈ nə̂ pä nyë wätə̂ azü ndə̂kə̂ dje pö. Bëte rə̂ kä ndə̂, su mê fû la nyê. Praâbalë më nyïndə̂ nə̈ pä nyë watə̂ azü ndə̂ küma andjê wâ lanə̈ ndə̂kə̂ mbo tchôtchô rə batə̂ rə̂ ndə̂ su nyê grô lakə̂ kosə̂ ngbongbo rə.

Dokʉ̈ Körɛ̂nte 14:36

Pö ndə̂ Ndjapä tö bhândə̂ nyê âkə̈ wûtu? Kütû nyê balë kä ndə̂ âgbô pö nə̈?

Bïchuû Körɛ̂nte 2:14

Azə̈ zä ayîabâ sə̈ Ndjapä bëte lə̂ köbosə̂ nə̈ ndə̂ azə̈ wâ balë la Krîsiti, tche kʉ̂ azə̂ nə̂ lə̂ mawû azü ndə̂ andjë rô la gbôgbô. Lə̂ köbosə̂ azə̂, tche mbö rə̂ pä azü wunsə̂ Krîsiti katchôgbɛ̂ batə̂ ngâ kâdâ-yömbö ndə̂ tchâfo nə̈ fô katchôgbɛ̂.

Bïchuû Körɛ̂nte 3:4

Ârâ tö pö lâme käko, bëte ârâ zä su ârâ gbɛ̂ pâ Ndjapä lə̂ köbosə̂ Krîsiti.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.

Bïchuû Tësälönîke 3:1

Ndə̂kə̂ ka pö ndə̂ mê, arə̂mä, nyë tö pö sə̈ Ndjapä bëte ârâ ânyë pö ndə̂ Gbölö Gbïɛ̈ za tchô gbɛ̂, ânyë azü lusə̂ nə̈ batə̂ rə̂ ndə̂ a lûsə̂ nə̈ bhândə̂ nyê.

Dokʉ̈ Timotë 2:8

Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Bïchuû Timotë 2:9

Tə̂ pö ndə̂ Tchôtchô Pö nə̈ lâme kä ndə̂ më wûn yûkü zoo ânyë a yî mê atə̂lə̂ nda kânga batə̂ ngbongbo akrə. Praâbalë âdə̂âbo pö Ndjapä nə̈ kä ndə̂ a yî rə̂ lə̂ nda kânga-a.

Vötaâ Jâan 1:12

Azü gbɛ̂ tö tchôtchô pö ndə̂ Dëmëtrïyûse. Lëge pö la tə̂ yê tö ndjë tchôtchô pö ndə̂ yê. Ârâ ndjë gbɛ̂, ârâ tö ndjë tchôtchô pö ndə̂ yê. Mo wûnsə̂ nə̈ nə̂ pä pö ndə̂ ârâ wätə̂ lëge pö.

Apökälîbïchi 14:6

Pânə̈ më wûn ngâ ânje ndə̂ tche sə̂ lakə̂ wrʉ ngrɨ̈ lə̂ gûgû tchə̂lə̂ɛtchô, tche wä la Tchôtchô Pö ndə̂ logbɛ̂ logbɛ̂ ndə̂ tche wâ ndə̂kə̂ mu rə̂ sə̈ azü gbɛ̂ ndə̂ andjë mbô gö pâ cho, pâ amawo gbɛ̂, lə̂ ama gö gbɛ̂ la azü gö gbɛ̂.

Apökälîbïchi 22:17

Yingö la Ɛ̈chë ndə̂ köchë lâme tö rə̂ päkëdə̂: «Nə atâ!» Äwäpä akrə ndə̂ tche djê pö âtə to ndjë rə̂ päkëdə̂: «Nə atâ!» Akrə ndə̂ gʉ ngû nyû tchë, äwäpä tche nə atâ; akrə ndə̂ tche nyîndə̂ ngû ndə̂ âza tchîsûwu sə̈ akrə, äwäpä tche nə kə̂ ndjo rə̂ ämbämbänə̈.