Dokʉ̈ Tësälönîke 1:7 - Mbëtï Ndjapä: TÄFO MADƗ̈

⁷ Käko nyë wâ nə̂ tə̂ azü ndə̂ andjë nyîsə̂ tchôtchô köbo sə̈ azü ndə̂ Krîsiti gbɛ̂ ndə̂ andjë sə̂ bhâ Mäsëdöâne la Akayï.

Dokʉ̈ Tësälönîke 1:7 Iomraidhean Croise

Abadjângele 1:13

Ndə̂ andjë wûtu bhâ Jerûzalêmo, andjë lî bhâlə̂ darə də lafô ndə̂ andjë gbo tchê tə̂ andjê tâ. Azü nə̈ də̈ Pîêre la Jâan la Jâke la Anderë la Fïlîpe la Tomä la Bartelemï la Matiyə̈ la Jâke modô ndə̂ Alefë la Chemön ndə̂ tche mbô kʉ̈ʉ̈ ndə̂kə̂ ji azü lə̂ ngbâa, ndjë la Jûde modô ndə̂ Jâke.

Abadjângele 16:12

Ârâ âlafô tchâme kə̈ ê atə̂ Fïlîpe, ndə̂ âwâtə̂ ngâ tchâkalâ gö ndə̂ Mäsëdöâne, ädə̈ ndjë ngâ gö ndə̂ azü ndə̂ Rômo zâ rə̂ alême la ngbâa. Ârâ sə̂ tchâme lə̂ angâ alö.

Abadjângele 18:1

La tchêngbâ nə̈ Pôlo tô bhâ Ätêne kə̈ ê atə̂ Körɛ̂nte.

Abadjângele 18:12

Lo nə̈ ndə̂ Galiyön wâtə̂ gbïɛ̈ lə̂ gö ndə̂ Akayï, su ajuîfu gbɛ̂ âlafô tə̂ Pôlo, andjë ê la tchë atə̂lə̂ ngbanga.

Abadjângele 19:21

La tchêngbâ arə lâme, Pôlo nyîkrə rə̂ la su yê gbɛ̂ ndə̂kə̂ rôrö lə̂ gö ndə̂ Mäsëdöâne la andə̂ Akayï ânyë kə̂ e atə̂ Jerûzalêmo. Tche tö rə̂ päkëdə̂: «Âdə më âwutu bhâye, äwäpä më e ndjë atə̂ Rômo.»

Rômo 15:26

Bëte azü ndə̂ Mäsëdöâne la andjanə̈ ndə̂ Akayï nyîkrə rə̂ tə̂ su andjê ndə̂kə̂ pala makətche ndə̂kə̂ wan rə̂ sə̈ azü ndə̂ Ndjapä bhâ Jerûzalêmo ndə̂ andjë sə̂ lə̂ nyonyo.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Bïchuû Körɛ̂nte 9:2

Käko më wûnsə̂ nə̈ nə̂ pä nyë kä la tchôtchô su, ânyë kə̈ bhî gogo mê tə̂ pö ndə̂ nyê lə̂ la azü ndə̂ Mäsëdöâne. Më tö rə̂ sə̈ andjê päkëdə̂: «Azü ndə̂ Akayï nyïkrə arə ndə̂ andjê gbɛ̂ lə̂ ngû ndə̂ ârô lâme.» Ârə̂ kä ndə̂ gʉ kə̂ kʉ rə ndə̂ nyë wâ la rə̂ mbô rə̂ pä angâ a-Egilîze wâ ndə̂kə̂ mbo rə̂ tə̂ gbölösə̂nə̈.

Dokʉ̈ Tësälönîke 1:8

Bëte pö ndə̂ Gbölö Gbïɛ̈ tö bhândə̂ nyê ânyë kə̈ zâ tchô gbɛ̂, kə̈ wûtu bhâ Mäsëdöâne ndjë la Akayï. Praâbalë kə̂ za su nyê ndə̂ nyë zâ rə̂ sə̈ Krîsiti lâme, pö ndə̂nə̈ zä tchô gbɛ̂ ânyë ârâ nyîâbo ndə̂kə̂ to pö pânə̈-a.

Dokʉ̈ Tësälönîke 4:10

Nyë kä lakə̂ mbo rə lâme tə̂ azü ndə̂ Krîsiti gbɛ̂ ndə̂ andjë sə̂ bhâ Mäsëdöâne. Praâbalë arə̂mä, ârâ zä wängö sə̈ nyê ndə̂kə̂ pa nyë ka mbô rə̂ âro anə̈ dokʉ̈tchê.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Tîte 2:7

lə̂ arə gbɛ̂. Momö ndjë gbɛ̂, äwäpä mo nyisə̂ köbo sə̈ azü lə̂ köbosə̂ kə̂ mbo tchôtchô kua ndə̂ zə̈. Äwäpä kə̂ nyisə̂ rə ndə̂ zə̈ daka gbɛ̂, lakə̂ lusə̂tə̂ zə̈.

Dokʉ̈ Pîêre 5:3

Nyë mböäbô kümändëmä mbô pâ azü ndə̂ Ndjapä gbôtə̂ andjë ëtchânə̂ nyê lâme batə̂ amakündji-î, praâbalë äwäpä akpûlû azü nə̈ wun tchôtchô kə̂ mbo rə nə̈ tə̂ nyê.