Dokʉ̈ Tësälönîke 1:6 - Mbëtï Ndjapä: TÄFO MADƗ̈

⁶ Âdə andə̂ nye nə̈, nyë wûnsə̂ kə̂ mbo rə batə̂ ârâ nə̂ ndjë batə̂ andə̂ Gbölö Gbïɛ̈: Ndə̂ nyë gbô pö Ndjapä lə̂ gbölö yûkü, praâbalë Kpɨ̂ki Yingö zä mômô tə̂ su nyê.

Dokʉ̈ Tësälönîke 1:6 Iomraidhean Croise

Matiyə̈ 16:24

Käko Jezü tô rə̂ sə̈ adjisîpili ndə̂ yê päkëdə̂: «Âdə ngâ akrə ânyində̂ kə̂ nə ngbâ mê, äwäpä tche kosə̂ tə̂ yê la tə̂ yê, kə̂ za yö ndə̂ gba ndə̂ yê, ânyë kə̂ nə ngbâ mê.

Jâan 8:12

Jezü kâ tô rə̂ sə̈ kpûlû azü lâme päkëdə̂: «Më wätə̂ ngbänga ndə̂ tchêbêche âtə. Akrə ndə̂ tche zâ tchêngbâ mê, tchê nə bata lə̂ bübü tchô balë tee-a, praâbalë tchê gboadje ngbänga ndə̂ âza tchîsûwu sə̈ tchë.»

Abadjângele 13:52

Âdə andə̂ adjisîpili ndə̂ andjë sə̂ bhâ Äntïyôche, su andjê sɨ̂sɨ̈ la mômô la Kpɨ̂ki Yingö.

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Abadjângele 9:31

Sə̂nə̈ lâme, Egilîze lə̂ agö ndə̂ Judë gbɛ̂, ndə̂ Galilë la Samarï wä alême la zɨtɨ su. Egilîze nə̈ gê lakə̂ kpe wa Gbölö Gbïɛ̈. Lə̂ köbosə̂ kə̂ za könô ndə̂ Kpɨ̂ki Yingö, azü nə̈ sə̂ lakə̂ ngba tə̂ gbölösə̂nə̈.

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Dokʉ̈ Körɛ̂nte 11:1

Nyë mbö rə batə̂ mê, batə̂ rə̂ ndə̂ mëmê ndjë gbɛ̂ më mbô rə batə̂ Krîsiti.

Dokʉ̈ Körɛ̂nte 11:2

Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Dokʉ̈ Körɛ̂nte 4:16

Käko më zä wängö sə̈ nyê ndə̂kə̂ mbo rə batə̂ mê.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Bïchuû Körɛ̂nte 8:5

Rə ndə̂ andjë mbô rə̂ lâme ärö rə ndə̂ ârâ krʉ̂ bëte rə̂ tchânə̂ andjê: Andjë zätə̂ andjê la tə̂ andjê dokʉ̈tchê sə̈ Gbölö gbïɛ̈, pânə̈ andjë zâtə̂ andjê sə̈ ârâ lə̂ köbosə̂ nə̈ ndə̂ Ndjapä nyîndə̂ nə̈.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Ëfêze 5:1

Nyë mbö rə batə̂ Ndjapä bëte nyë də̈ abechë ndə̂ tche nyîndə̂ nyê.

Fïlîpe 3:17

Arə̂mä, nyënyê gbɛ̂ nyë mbö rə batə̂ mê. La nyë wä kpôtə̂ andjanə̈ ndə̂ andjë mbo rə batə̂ rə̂ ndə̂ ârâ nyîsə̂ nə̈ sə̈ nyê.

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.

Bïchuû Tësälönîke 3:7

Âdə andə̂ nye nə̈, nyë wûnsə̂ köbo ndə̂kə̂ mbo rə batə̂ ârâ nə̂. Ndə̂ ârâ sə̂ lə̂ gbâtə̂ nyê alême, ârâ mbôâbo dö-a.

Bïchuû Tësälönîke 3:9

Äkä la köbo nə̈ ndə̂kə̂ pa ârâ yukû rə tchânə̂ nyê, praâbalë ârâ yûâbo kû nə̈-a, bëte ârâ nyïndə̂ nə̈ pä nyë mbo rə batə̂ ârâ.

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Aheborö 10:34

Käko nyë krʉ̈ tchə̂lə̂ yûkü la a-earə̂ kânga, ndjë sə̂nə̈ ndə̂ a krʉ̂a arə ndə̂ nyê, nyë nyîndə̂ nə̈ la wawa la mômô, bëte nyë wûnsə̂ nə̈ nə̂ pä nyë kä la atchôtchô arə, ndə̂ âwâ pïï etə̂.

Dokʉ̈ Pîêre 1:6

Bëte rə̂ kä ndə̂ su nyê sɨ̂sɨ̈ la mômô, âdəndjë rə̂ ndə̂ nyë sə̂ la nyonyo angaâtə lə̂ arə gbôgbô ngbî ngbî ndə̂ âgbo nyê lə̂ kpîɛ̂kpîɛ̂ lö.

Dokʉ̈ Pîêre 1:8

Tchetchë ndə̂ nyë wûn-âbô tchë wûn, praâbalë nyë nyîndə̂ yê, tchetchë ndə̂ nyë wûn-âbô tchë wûn, praâbalë nyë zâ su nyê sə̈ tchë, bëte rə̂ kä ndə̂ su nyê sɨ̂sɨ̈ la gbölö mômô, ndə̂ a wûn-âbo sə̂ pö ndə̂ a to rə̂ pânə̈-a.

Dokʉ̈ Pîêre 3:13

Âdə nyê âza su nyê gbɛ̂ ndə̂kə̂ mbo tchôtchô rə, tchabâ kä ndə̂ âmbo ngbongbo rə tə̂ nyê?

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.