Dokʉ̈ Tësälönîke 1:5 - Mbëtï Ndjapä: TÄFO MADƗ̈

⁵ Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Dokʉ̈ Tësälönîke 1:5 Iomraidhean Croise

Mâreke 16:20

Âdə andə̂ adjisîpili nə̈, andjê âe katchôgbɛ̂ lakə̂ mu Tchôtchô Pö. Gbölö Gbïɛ̈ zâ gbôgbô sə̈ andjê ndə̂kə̂ mbo rə̂ pä pö Ndjapä watə̂ lëge pö, lə̂ köbosə̂ akpɨ̈ngbɨ̈ rə ndə̂ âza tchêngbâ akua ndə̂ andjê.]

Lûke 1:1

Gbölö akrə Tëöfîle, Angbängbä azü pü köbo ndə̂kə̂ mbo mbëtï pâ agbölö arə ndə̂ âwûtu lə̂ gbâtə̂ ârâ.

Abadjângele 11:21

Gbôgbô ndə̂ Gbölö Gbïɛ̈ kä la andjê, ârə̂ kä ndə̂ âmbô rə̂ pä angbängbä azü kâ pu Gbölö Gbïɛ̈ lakə̂ za su andjê sə̈ tchë.

Abadjângele 16:14

Ngâ ɛ̈chë gö ndə̂ Tïyätîre kä lə̂ gûtə̂ andjê ndə̂ rə̈ yê wû pä Lidï. Tche də̈ earə̂ kə̂ ka angbêngbê alə̂ba ndə̂ âfû tə̂ gbölösə̂nə̈, kə̈ də̂ akrə ndə̂ tche voga Ndjapä. Tche sə̂ lakə̂ dje ârâ, ânyë Gbölö Gbïɛ̈ jî tchə̂lə̂ su yê ndə̂kə̂ dje apö ndə̂ Pôlo.

Abadjângele 2:33

A kênga la tchë bhâ lafô kə̈ zâ tchë də ndôkö könô Ndjapä, tche gbô Kpɨ̂ki Yingö tchânə̂ Bha nə̈ ndə̂ tche zâ bâlâ tə̂ pö ndə̂ yê alême, ânyë kə̈ wân tchë ndə̂kə̂ jre pâ azə̂. Ârə̂ kä ndə̂ nyë wûn rə̂ ânyë kə̂ dje rə̂ âtə.

Rômo 1:16

Më wâbo la ganô ndə̂kə̂ mu Tchôtchô Pö ndə̂ Ndjapä-a. Tchôtchô Pö nə̈ wätə̂ gbôgbô ndə̂ Ndjapä ndə̂ tche zâ rə̂ ndə̂kə̂ tcha azü gbɛ̂ ndə̂ andjë zâ su andjê sə̈ Jezü Krîsiti. Tche tchä ajuîfu dokʉ̈tchê, la tchêngbâ nə̈, tche tchâ azü ndə̂ andjë wâbô wâtə̂ ajuîfu.

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Rômo 2:16

Rə ndə̂ âwutu kraâ lə̂ la azü lo ngbanga nə̈ kä. Äwä gundə̂sə̂ Tchôtchô Pö ndə̂ mê mu rə̂ ndə̂ âtô rə̂ pä Ndjapä âwa ngbanga lə̂ köbosə̂ Jezü Krîsiti pâ arə gbɛ̂ ndə̂ azü mbo rə̂ lə̂ küwû nə̈.

Dokʉ̈ Körɛ̂nte 1:24

Praâbalë andə̂ andjanə̈ ndə̂ Ndjapä ê andjê, ajuîfu la azü ndə̂ andjë wâbô wâtə̂ juîfu, Krîsiti wätə̂ gbôgbô ndə̂ Ndjapä, kə̈ wâtə̂ küma Ndjapä ndə̂ âwâ lanə̈.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Dokʉ̈ Körɛ̂nte 3:6

Mëmê kä ndə̂ âchî rə nə̈, Äpölôse sû ngû tâ, praâbalë Ndjapä kä ndə̂ âmbo rə̂ pä äkʉche.

Dokʉ̈ Körɛ̂nte 4:20

Bëte Gbölö gö-gbïɛ̈ ndə̂ Ndjapä wâbo lə̂ köbosə̂ apö-a, praâbalë äwä lə̂ köbosə̂ kə̂ mbo rə la gbôgbô ndə̂ Ndjapä.

Dokʉ̈ Körɛ̂nte 9:14

Äwä ndjë batə̂ rə̂ ndə̂ Gbölö Gbïɛ̈ zâma ndə̂kə̂ pa akrə ndə̂ tche mu Tchôtchô Pö gbo ndjë rə ndə̂ yê lə̂ köbosə̂ Tchôtchô Pö nə̈.

Bïchuû Körɛ̂nte 3:6

Tchetchë kä ndə̂ âmbô rə̂ pä ârâ wa la gbôgbô ndə̂kə̂ watə̂ a-earə̂ kua lə̂ täfo madɨ̈ ndə̂ a mbôâbô rə̂ mbô lə̂ mbëtï-ndïɛ̈, praâbalë lə̂ köbosə̂ Yingö. Bëte Mbëtï-ndïɛ̈ wön tchô, ânyë Yingö e la akrə ndə̂kə̂ pa tche gbo tchîsûwu.

Gälâte 2:2

Më ë bhâye bëte Ndjapä nyïsə̂ nə̈ sə̈ mê ndə̂kə̂ e, ânyë Tchôtchô Pö ndə̂ më nyîsə̂ nə̈ sə̈ azü ndə̂ andjë wâbô wâtə̂ ajuîfu, më nyîsə̂ nə̈ sə̈ andjê. Më nyï ndjë sə̂nə̈ lə̂ ngâ kpûlû ndə̂ azü tə̂ küma Egilîze. Më mbö rə̂ käko ndə̂kə̂ pa kua ndə̂ më mbô rə̂ alême la anə̈ angêta wabô wâ ämbämbänə̈-ê.

Gälâte 5:5

Âdə andə̂ azə̈ nə̈, azə̈ zä su azə̂ pâ Ndjapä ndə̂kə̂ pa tche mbo rə̂ ânyë azə̈ wa djîrə̂ lə̂ la yê. Kpɨ̂ki Yingö kä ndə̂ âmbo rə̂ pä azə̈ krʉ bëte rə̂, lə̂ köbosə̂ kə̂ za su azə̂ sə̈ Krîsiti.

Ëfêze 2:10

Bëte Ndjapä kä ndə̂ âmbô azə̂, a mbö azə̂ lə̂ köbosə̂ kə̂ wa balë ndə̂ azə̂ la Jezü Krîsiti, ndə̂kə̂ pa azə̈ mbo atchôtchô arə ndə̂ tche nyikrə rə̂ dokʉ̈tchê ndə̂kə̂ pa azə̈ mbo rə̂.

Ëfêze 3:20

Ndjapä kä la gbôgbô ndə̂kə̂ mbo rə âropâ rə ndə̂ azə̈ yûkû nə̈ tchânə̂ yê âdəndjë rə ndə̂ azə̈ rɨ tchə̂lə̂ azə̂ tâ. Tche mbö rə lâme lə̂ köbosə̂ gbôgbô ndə̂ yê ndə̂ âsə̂ lakə̂ mbo kua lə̂ azə̂.

Fïlîpe 2:13

Bëte Ndjapä kä âkə̂ za gʉ tə̂ su nyê ndə̂kə̂ mbo rə nə̈, ânyë kə̂ za köbo sə̈ nyê ndə̂kə̂ mbo rə gundə̂sə̂ rə ndə̂ tche nyîkrə rə̂ tə̂ su yê.

Fïlîpe 4:9

Rə ndə̂ më nyîsə̂ nə̈ sə̈ nyê, rə ndə̂ nyë wûn rə̂ ânyë kə̈ djê rə̂ lə̂ ma mê, äwäpä nyë mbo rə̂. Ndjapä ndə̂ tche za zɨtɨ su sə̈ azü, tchê səadje ndrotə̂ nyê.

Kölôse 2:2

Më nyïndə̂ nə̈ pä su andjê wa la gbôgbô, äwäpä andjë wa balë lə̂ köbosə̂ kə̂ nyində̂ ngâ, kə̂ gbo atchôtchô arə lə̂ köbosə̂ kə̂ wunsə̂ rə. Käko ânyë andjê wun-adje sə̂ apö ndə̂ Ndjapä nyîkrə rə̂, ndə̂ gbô rə̂ wâ lə̂ küwû nə̈: Pö nə̈ lâme də̈ Krîsiti.

Dokʉ̈ Tësälönîke 2:13

Bëte rə̂ kä ndə̂ ârâ ndjë gbɛ̂ ârâ zä ayîabâ sə̈ Ndjapä logbɛ̂ bëte sə̂nə̈ ndə̂ ârâ mû pö Ndjapä sə̈ nyê alême, nyë djê rə̂, ânyë kə̈ gbô rə̂ batə̂ lëge pö ndə̂ Ndjapä, âdə̂âbo batə̂ pö ndə̂ akrə-a. Praâbalë pö nə̈ tö bhândə̂ Ndjapä ânyë kə̈ mbô kua lə̂ su nyê, nyënyê ndə̂ nyë zâ su nyê sə̈ Krîsiti.

Bïchuû Tësälönîke 2:14

Rə ndə̂ tche ê nyê tə̂ pö ndə̂nə̈ kä lâme, tche ë nyê lə̂ köbosə̂ Tchôtchô Pö ndə̂ ârâ mû rə̂ sə̈ nyê, ndə̂kə̂ pa nyë gbo kə̂ wa gbölö ndə̂ Gbölö Gbïɛ̈ ndə̂ azə̂ Jezü Krîsiti.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Bïchuû Timotë 2:8

Äwäpä sə̂ pö ndə̂ Jezü Krîsiti te lə̂ zə̈, ndə̂ tche jô lə̂ gbâtə̂ akuzü, ndə̂ a zɨ̂ tchë pâ mawo ndə̂ Davîdi, gundə̂sə̂ Tchôtchô Pö ndə̂ mê mu rə̂.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 6:11

Praâbalë ârâ nyïndə̂ nə̈ pä akrə balë balë gbɛ̂ mbo kütû rə batə̂ anə̈ dokʉ̈tchê lâme ndjoa ëtə̂ manə̈, ânyë nyê gbo arə ndə̂ su nyê krʉ̂ bëte rə̂.

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Pîêre 5:3

Nyë mböäbô kümändëmä mbô pâ azü ndə̂ Ndjapä gbôtə̂ andjë ëtchânə̂ nyê lâme batə̂ amakündji-î, praâbalë äwäpä akpûlû azü nə̈ wun tchôtchô kə̂ mbo rə nə̈ tə̂ nyê.

Bïchuû Pîêre 1:10

Bëte rə̂ kä, arə̂mä äwäpä nyë ka mbô gbôgbô gbɛ̂ ndə̂kə̂ lusə̂ kə̂ e nyê ndə̂ Ndjapä ê nyê lâme, la rə̂ ndə̂ tche dɨ̂ nyê lâme. Bëte âdə nyê âsə̈ mbo tâ käko, nyê djeabô tchêngbâ nyê tə̂ Ndjapä balë tee-a.

Bïchuû Pîêre 1:19

Käko gbô azə̂ kä lakə̂ za su azə̂ pâ apö ndə̂ a-earə̂ ndə̂ma Ndjapä tô rə̂ alême, ädäka ndə̂kə̂ pa la nyê gbo pânə̈-ê: Äwä batə̂ lâmba ndə̂ âtcho lə̂ bübü tchô, ndjoa ndə̂kə̂ pa tchô kra tâ, ânyë ndjamunu tcho bhâlə̂ su nyê.