Dokʉ̈ Tësälönîke 1:4 - Mbëtï Ndjapä: TÄFO MADƗ̈

⁴ Arə̂mä, azə̈ wûnsə̂ nə̈ nə̂ pä Ndjapä nyïndə̂ nyê tə̂ gbölösə̂nə̈, ânyë kə̈ dɨ̂ nyê ndə̂kə̂ watə̂ azü ndə̂ yê.

Dokʉ̈ Tësälönîke 1:4 Iomraidhean Croise

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Rômo 9:25

Ndjapä tö pö nə̈ lâme lə̂ mbëtï ndə̂ earə̂ ndə̂ma Ndjapä Ozë päkëdə̂: «Azü ndə̂ andjë wâbô wâ alême tə̂ azü ndə̂ mê, mê eadje andjê batə̂ azü ndə̂ mê. Azü gö ndə̂ më nyîâbô nyîndə̂ andjê, mê eadje rə̂ tə̂ andjê pä azü gö ndə̂ më nyîndə̂ andjê tə̂ gbölösə̂nə̈.

Ëfêze 1:4

Dokʉ̈tchê ndə̂kə̂ pa a mbo tchîsûwu, Ndjapä dɨ̈ azə̂ ndə̂kə̂ pa azə̈ wa balë la tchë ânyë azə̈ watə̂ azü ndə̂ andjë wâ ngbî ânyë kə̈ dâka gbɛ̂, ndə̂ pö wâbô wâ lə̂ küma andjê lə̂ la yê. Lə̂ köbosə̂ nə̈ ndə̂ Ndjapä nyîndə̂ azə̂,

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Bïchuû Tësälönîke 2:13

Âdə andə̂ ârâ, arə̂mä ndə̂ Gbölö Gbïɛ̈ nyîndə̂ nyê, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Bëte Ndjapä dɨ̈ nyê dokʉ̈tchê ânyë kə̈ mbô arə gbɛ̂, ndə̂kə̂ pa nyë tcha lə̂ kuzü lə̂ köbosə̂ Yingö ndə̂ yê ndə̂ âmbo rə̂ pä tchîsûwu ndə̂ nyê daka gbɛ̂ lə̂ la yê. Bëte nyë gämba lëge pö.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Bïchuû Pîêre 1:10

Bëte rə̂ kä, arə̂mä äwäpä nyë ka mbô gbôgbô gbɛ̂ ndə̂kə̂ lusə̂ kə̂ e nyê ndə̂ Ndjapä ê nyê lâme, la rə̂ ndə̂ tche dɨ̂ nyê lâme. Bëte âdə nyê âsə̈ mbo tâ käko, nyê djeabô tchêngbâ nyê tə̂ Ndjapä balë tee-a.