Dokʉ̈ Tësälönîke 1:10 - Mbëtï Ndjapä: TÄFO MADƗ̈

¹⁰ Nyë krʉ̈ ndə̂kə̂ pa Modô ndə̂ yê to bhâ lafô kə̂ ka, Jezü ndə̂ Ndjapä jô tchë lə̂ kuzü, tchetchë kä ndə̂ âji azə̂ tchâtchâ mêrâ ndə̂ Ndjapä ndə̂ ânə.

Dokʉ̈ Tësälönîke 1:10 Iomraidhean Croise

Matiyə̈ 1:21

Tchê zɨadje bechë tə̂ köchë. Mô zadje rə̈ yê pä Jezü, bëte tchetchë kä âkə̂ tchadje azü ndə̂ yê lə̂ ngbongbo rə.»

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 16:28

Ɛn-ɛn, tə̂ lëge nə̈ më tö rə̂ sə̈ nyê: Angâ azü lə̂ gbâtə̂ nyê tchâtə tchuabô tee-a zoo, kə̂ wun Modô ndə̂ Akrə ndə̂ tche ka batə̂ Gbïɛ̈.»

Matiyə̈ 3:7

Ndə̂ Jâan wûn angbängbä afarizïɛ̈n la asadusïɛ̈n ndə̂ andjë nə̂ pû tchë ndə̂kə̂ gbo batɛ̂me, tche tô rə̂ sə̈ andjê päkëdə̂: «Nyënyê ndə̂ nyë wâtə̂ akângê âtə! Tchabâ kä ndə̂ ânyîsə̂ nə̈ sə̈ nyê ndə̂kə̂ pa nyë kpe wa mêrâ ndə̂ Ndjapä ndə̂ ânə lâme?

Lûke 2:25

Ngâ köchë alême kädje bhâ Jerûzalêmo, rə̈ yê wü pä Simeyön. Köchë lâme wätə̂ djîrə̂ akrə, kə̈ kpê wa Ndjapä. Tche sə̈ bëte akrə ndə̂ tche nə ndə̂kə̂ tro ngûla azü ndə̂ Isarayële. Kpɨ̂ki Yingö kä pâ yê.

Lûke 3:7

Angbängbä kpûlû azü nə̂ pu Jâan ndə̂kə̂ gbo batɛ̂me. Tche tô rə̂ sə̈ andjê päkëdə̂: «Nyënyê ndə̂ nyë wâtə̂ akângê âtə! Tchabâ kä ndə̂ ânyîsə̂ nə̈ sə̈ nyê päkëdə̂ nyë kpe wa mêrâ ndə̂ Ndjapä ndə̂ ânə lâme?

Abadjângele 1:11

Aköchë lâme tô rə̂ sə̈ andjê päkëdə̂: «Nyënyê ndə̂ azü gö ndə̂ Galilë, nyë krʉ̈ tchâtə lakə̂ wun tchô atə̂ lafô bëte giamâ? Jezü ndə̂ a zâ tchë lə̂ gûtə̂ nyê ânyë kə̈ kênga la tchë atə̂ lafô lâme, tchê kadje ndjë ngbâ yê batə̂ rə̂ ndə̂ nyë wûn tchë lakə̂ kenga atə̂ lafô lâme.»

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Abadjângele 2:24

Praâbalë Ndjapä jô tchë lə̂ kuzü lakə̂ ji tchë lə̂ nyonyo ndə̂ kuzü, bëte kuzü wâbo la gbôgbô ndə̂kə̂ kitə̂ yê-a.

Abadjângele 2:32

«Jezü lâme, Ndjapä jö tchë lə̂ kuzü, azə̂ gbɛ̂ wûn rə̂ la la azə̂ nə̂.

Abadjângele 3:15

Nyë wön makündji ndə̂ tche za tchîsûwu sə̈ akrə, praâbalë Ndjapä jô tchë lə̂ kuzü, azə̈ wûn rə̂ la la azə̂ nə̂ gbɛ̂.

Abadjângele 3:21

Krîsiti səadje bhâ lafô zoo âwutu tə̂ lo nə̈ ndə̂ Ndjapä ka nyikrə arə gbɛ̂ tə̂ täfo nə̈. Batə̂ rə̂ ndə̂ Ndjapä tô rə̂ alême lə̂ ma a-earə̂ ndə̂ma yê ndə̂ tche kʉ̂ andjê ngbî bëte tchë.

Abadjângele 4:10

Nyënyê ndə̂ azü ndə̂ Isarayële gbɛ̂, äwäpä nyë wunsə̂ ngâ rə balë: La rə̈ Jezü Krîsiti akrə gö ndə̂ Näzärête kä ndə̂ köchë âtə krʉ̂ lə̂ gûtə̂ nyê la tchôtchô tə̂ yê. Jezü Krîsiti ndə̂ nyë bhî tchë alême tə̂ yö ndə̂ gba, praâbalë Ndjapä jô tchë lə̂ kuzü.

Rômo 1:4

Lə̂ köbosə̂ Kpɨ̂ki Yingö, kə̂ jo ndə̂ yê lə̂ kuzü nyïsə̂ nə̈ la gbôgbô lə̂ la azü pä tche də̈ Modô ndə̂ Ndjapä, Jezü Krîsiti Gbölö Gbïɛ̈ ndə̂ azə̂.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 4:25

Bëte ngbongbo rə ndə̂ azə̂ kä ndə̂ Ndjapä gbôtə̂ yê tchânə̂ azü ânyë andjë wôn tchë. Tche jö lə̂ kuzü ndə̂kə̂ mbo rə̂ ânyë azə̈ watə̂ adjîrə̂ azü lə̂ la Ndjapä.

Rômo 8:34

Tchabâ kä ndə̂ âwâ ndə̂kə̂ wa ngbanga lə̂ küma andjê? Akrə balë sə̂âbo-a, bëte rə̂ ndə̂ Jezü Krîsiti tchû ânyë kə̈ jô lə̂ kuzü. Tche sə̈ ndrotə̂ Ndjapä də ndôkö könô yê ânyë kə̂ to pö sə̈ Ndjapä bëte azə̂.

Dokʉ̈ Körɛ̂nte 1:7

Käko arə ndə̂ Kpɨ̂ki Yingö kʉ̂ rə̂ sə̈ azü, nyë kä la rə̂ gbɛ̂, nyënyê ndə̂ nyë krʉ̂ bëte kə̂ ka ndə̂ Gbölö Gbïɛ̈ ndə̂ azə̂ Jezü Krîsiti lâme.

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Fïlîpe 3:20

Âdə andə̂ azə̂ nə̈, gö ndə̂ azə̂ kä bhâ lafô, azə̈ krʉ̈ ndə̂kə̂ pa Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂ to bhâye kə̂ ka.

Kölôse 1:18

Tche də̈ küma Egilîze ndə̂ âdə̂ tə̂ yê, arə gbɛ̂ tö tə̂ yê, tchetchë kä ndə̂ âjô lə̂ kuzü dokʉ̈tchê ndə̂kə̂ pa lə̂ arə gbɛ̂, tche sə lə̂ dokʉ̈ tchô.

Dokʉ̈ Tësälönîke 1:7

Käko nyë wâ nə̂ tə̂ azü ndə̂ andjë nyîsə̂ tchôtchô köbo sə̈ azü ndə̂ Krîsiti gbɛ̂ ndə̂ andjë sə̂ bhâ Mäsëdöâne la Akayï.

Dokʉ̈ Tësälönîke 2:16

Andjë kïtə̂ köbo tə̂ ârâ ndə̂kə̂ mu pö Ndjapä sə̈ azü ndə̂ andjë wâbô wâtə̂ ajuîfu-î, pö ndə̂ âwâ ndə̂kə̂ tcha andjê lə̂ kuzü. Ajuîfu mbö rə̂ pä ngbongbo rə ndə̂ andjë mbo tchê rə̂ logbɛ̂ wa ëpânə̈ ëpânə̈. Praâbalë la tchêngbâ nə̈ gbɛ̂ mêrâ ndə̂ Ndjapä tê pâ andjê.

Dokʉ̈ Tësälönîke 2:7

Äwä âme ndə̂kə̂ pa ârâ wa batə̂ ngâ kʉ̂ngbô pâ nyê tə̂ pö ndə̂nə̈ ndə̂ ârâ wâtə̂ abadjângele ndə̂ Krîsiti. Praâbalë ndə̂ ârâ sə̂ alême lə̂ gbâtə̂ nyê, ârâ mbö nyê nyima-ë, batə̂ ngâ anyï bechë ndə̂ tche kʉ̂ abechë ndə̂ yê ë krʉ yê ânyë kə̂ za ngo ëma andjê.

Dokʉ̈ Tësälönîke 5:9

Bëte Ndjapä nyîkrəabô rə̂ ndə̂kə̂ pa mêrâ ndə̂ yê te pâ azə̂-a, praâbalë tche nyïkrə rə̂ ndə̂kə̂ pa azə̈ tcha lə̂ kuzü logbɛ̂ lə̂ köbosə̂ Gbölö Gbïɛ̈ ndə̂ azə̂ Jezü Krîsiti,

Bïchuû Timotë 4:1

Më yükû nə̈ sə̈ mö tchâtchu Ndjapä ndjë tchâtchu Jezü Krîsiti ndə̂ tchê kadje ndə̂kə̂ wa ngbanga ndə̂ azü ndə̂ andjë wâ la tʉ̈rʉ̂ la andjê la andjanə̈ ndə̂ andjë tchû. Tche âwa ngbanga nə̈ tə̂ lo kə̂ ka ndə̂ yê, la lo kə̂ mbo kümändëmä ndə̂ yê.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 10:27

Praâbalë rə ndə̂ âwâ ngbânə̈ wä ndə̂kə̂ pa azə̈ sə la gbölö wa tə̂ su azə̂ ndə̂kə̂ krʉ bëte ngbanga ndə̂ Ndjapä la gbölö wo ndə̂ âjuadje azü ndə̂ andjë kôsə̂ Ndjapä.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Bïchuû Pîêre 3:12

Äwäpä nyë krʉ bëte lö ndə̂ Ndjapä lakə̂ mbo rə̂ gbɛ̂ ndə̂kə̂ pa äwutu angaâtə, äwäpä nyë wunsə̂ nə̈ pä, tə̂ lo nə̈ lâme kä ndə̂ wo juadje tchêlafô ânyë arə tchêlafô gbɛ̂ juwuadje lə̂ atïmï wo.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Apökälîbïchi 1:18

më kä la tʉ̈rʉ̂ la mê. Më tchû alême nə̂, praâbalë angaâtə më kä la tʉ̈rʉ̂ la mê ndə̂ logbɛ̂ logbɛ̂. Më kä la gbôgbô pâ kuzü, ndjë pâ tchô ndə̂ akuzü.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.