Dokʉ̈ Tësälönîke 1:1 - Mbëtï Ndjapä: TÄFO MADƗ̈

¹ Mëmê Pôlo la Silvɛ̈n la Timotë, ârâ mbö mbëtï âtə sə̈ azü ndə̂ Egilîze ndə̂ Tësälönîke ndə̂ andjë də̂ azü ndə̂ Ndjapä Bha, la andə̂ Gbölö Gbïɛ̈ Jezü Krîsiti. Äfü pä Ndjapä mbo tchôtchô su tə̂ nyê, kə̂ za zɨtɨ su sə̈ nyê.

Dokʉ̈ Tësälönîke 1:1 Iomraidhean Croise

Abadjângele 15:22

Käko abadjângele la akpôkpô azü la azü ndə̂ Egilîze nə̈ gbɛ̂ nyîkrə rə̂ ndə̂kə̂ dɨ angâ azü lə̂ gbâtə̂ andjê, kə̂ wan andjê atə̂ Äntïyôche ëtə̂ kʉ̂tê Pôlo la Bärnäbâse. Azü nə̈ lâme də̈ Jüdâse ndə̂ a ê ndjë rə̂ tə̂ yê pä Bärsäbâse la Sïlâse, azü bïchuû lâme, a lüsə̂ andjê lə̂ gûtə̂ azü ndə̂ Krîsiti.

Abadjângele 15:27

Ârâ wän Jüdâse la Sïlâse sə̈ nyê ndə̂kə̂ pa andjë to apö ndə̂ âwâ lə̂ mbëtï lâme la ma andjê sə̈ nyê.

Abadjângele 15:40

Pôlo zâ andə̂ yê nə̈ Sïlâse. Arə̂mâ ndə̂ Krîsiti tô pö sə̈ Ndjapä kə̈ ê tchôtchô su ndə̂ Gbölö Gbïɛ̈ pâ andjê ânyë andjë rô etə̂.

Abadjângele 16:19

Ndə̂ agbölö azü ndə̂ ɛ̈chë lâme wûn rə̂ pä köbo kə̂ gbo makətche ndə̂ andjê lə̂ köbosə̂ yê yû nə̂, andjë zâ Pôlo la Sïlâse kə̈ ê la andjê bhâ sə̂nə̈ ndə̂ azü ngbo tchê tə̂ andjê tâ tchâtchu agbölö azü gö.

Abadjângele 16:25

Ârə̂ âsə̈ wutu lə̂ agrʉ̂mi, Pôlo la Sïlâse sə̂ lakə̂ to pö sə̈ Ndjapä lakə̂ pa düwü ndə̂kə̂ voga Ndjapä. Adɨ̂ a-earə̂ kânga sə̂ lakə̂ dje andjê.

Abadjângele 16:29

Earə̂ kə̂ bata manda kânga lâme yûkû wo. Tche lî wândâ wändä kə̈ tê tchâtchâ Pôlo la Sïlâse lakə̂ gugu.

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 18:5

Ndə̂ Sïlâse la Timotë tô bhâ Mäsëdöâne âkə̈ wûtu, Pôlo zâtə̂ yê gbɛ̂ ndə̂kə̂ mu pö Ndjapä. Tche sə̈ lakə̂ nyisə̂ nə̈ kraâ sə̈ ajuîfu pä Jezü də̈ Krîsiti.

Abadjângele 19:22

Tche wân Timotë la Ërâsete, angâ azü bïchuû lə̂ gbâtə̂ azü ndə̂ andjë zâ könô sə̈ tchë atə̂ Mäsëdöâne, praâbalë tche sə̂ andə̂ yê nə̈ po bhâlə̂ gö ndə̂ Azï lə̂ ngâ kpîɛ̂kpîɛ̂ lö.

Abadjângele 20:4

Azü ndə̂ tche ê la andjê də̈: Söpätêre, modô ndə̂ Pïrûse akrə gö ndə̂ Berë; Ärïstâreke la Sëkündûse, azü gö ndə̂ Tësälönîke; Gäyïwûse akrə gö ndə̂ Dêrebe; Tïchîke la Tröfîme, azü lə̂ gö ndə̂ Azï, ndjë la Timotë.

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Bïchuû Körɛ̂nte 1:19

Bëte Jezü Krîsiti Modô ndə̂ Ndjapä ndə̂ ârâ mû pö ndə̂ yê bhândə̂ nyê, mëmê la Silvɛ̈n la Timotë lâme, tche tôâbo rə̂ pä: «Ɛn-ɛn» la «ɛ̂n-ɛ̈n-a», praâbalë, pö ndə̂ yê də̈ kütû «ɛn-ɛn».

Gälâte 1:2

Arə̂mâ gbɛ̂ ndə̂ andjë sə̂ bhâtə la mëmê, ârâ wän mbëtï âtə sə̈ azü ndə̂ a-Egilîze ndə̂ Gälâte.

Gälâte 1:22

Praâbalë azü ndə̂ a-Egilîze ndə̂ Krîsiti ndə̂ andjë sə̂ bhâ Judë wûn-âbo mê lo balë-a.

Ëfêze 1:2

Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê kə̂ za zɨtɨ su sə̈ nyê.

Fïlîpe 1:1

Mëmê Pôlo la Timotë, a-earə̂ kua ndə̂ Jezü Krîsiti. Ârâ wän mbëtï âtə sə̈ azü ndə̂ Ndjapä ndə̂ andjë wâ balë la Jezü Krîsiti lə̂ gbölö gö ndə̂ Fïlîpe. Ârâ wän ndjë mbëtï âtə sə̈ azü tə̂ küma Egilîze la adiâkere:

Kölôse 1:1

Mëmê Pôlo, më də̈ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈, mëmê la ngâ azə̂ Timotë,

Bïchuû Tësälönîke 1:1

Mëmê Pôlo la Silvɛ̈n la Timotë kä âkə̈ wân mbëtï âtə sə̈ Egilîze ndə̂ Tësälönîke. Nyë wätə̂ azü ndə̂ Ndjapä Bha la Gbölö Gbïɛ̈ ndə̂ azə̂ Jezü Krîsiti.

Dokʉ̈ Timotë 1:2

Më mbö mbëtï âtə sə̈ mö Timotë, ndə̂ mo wâtə̂ lëge modô ndə̂ mê lə̂ köbosə̂ kə̂ za su zə̈ sə̈ Ndjapä. Äfü pä Ndjapä Bha la Jezü Krîsiti Gbölö Gbïɛ̈ ndə̂ azə̂ mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Bïchuû Timotë 1:2

Më mbö mbëtï âtə sə̈ mö Timotë, bechë ndə̂ mê ndə̂ më nyîndə̂ zə̈ tə̂ gbölösə̂nə̈. Äfü pä Ndjapä Bha la Gbölö Gbïɛ̈ ndə̂ azə̂ Jezü Krîsiti mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Aheborö 13:23

Äwäpä nyë wunsə̂ nə̈ pä, ngâ azə̂ Timotë wûtu lə̂ nda kânga nə̂. Âdə tche âwutu gasa bhâtə, mëmê la tchë, ârâ eadje ndə̂kə̂ wun nyê.

Dokʉ̈ Pîêre 5:12

Më mbö ndöndö mbëtï âtə sə̈ nyê lə̂ köbosə̂ Silvɛ̈n ndə̂ më wûn tchë batə̂ djîrə̂ ngâ azə̂ lə̂ Krîsiti. Më mbö rə̂ ndə̂kə̂ za gbôgbô tə̂ su nyê, ndjë ndə̂kə̂ nyisə̂ nə̈ sə̈ nyê pä pö nə̈ ndə̂ nyë ndə̂po lə̂ köbo nə̈ lâme wätə̂ lëge rə lə̂ köbosə̂ tchôtchô su ndə̂ Ndjapä.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Jûde 1:1

Mëmê Jûde, earə̂ kua ndə̂ Jezü Krîsiti, ndə̂ më də̂ ndjë yîngâ Jâke. Më mbö mbëtï âtə sə̈ azü ndə̂ Bha mê Ndjapä ê andjê, tche nyïndə̂ andjê ânyë kə̈ bâta andjê bëte Jezü Krîsiti.