Dokʉ̈ Pîêre 5:9 - Mbëtï Ndjapä: TÄFO MADƗ̈

⁹ Nyë dächo la tchë lakə̂ krʉ pâ su nyê ndə̂ nyë zâ rə̂ sə̈ Ndjapä lâme. Äwäpä nyë wunsə̂ nə̈ pä angâ nyê azü ndə̂ Ndjapä pâ cho gbɛ̂ wün ndjë yûkü lâme batə̂ nyê.

Dokʉ̈ Pîêre 5:9 Iomraidhean Croise

Lûke 22:32

Praâbalë më yü Ndjapä tə̂ zə̈ ndə̂kə̂ pa mo gboabô gbôtə̂ kə̂ za su zə̈ sə̈ mê-ê. Âdə mo âka pu mê nə̂, äwäpä mo kpokpo arə̂mâ ndə̂ zə̈.»

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Dokʉ̈ Körɛ̂nte 10:13

Arə gbɛ̂ ndə̂ âvu tchê azü, ndə̂ âgbô nyê lâme, ädə̈ arə ndə̂ âgbô azü gbɛ̂. Ndjapä mbö arə gundə̂sə̂ pö ma yê, tche gbôâbo tə̂ nyê ndə̂kə̂ pa rə vu nyê âropâ gbôgbô ndə̂ nyê-a. Praâbalë âdə arə âvu nyê, Ndjapä zadje gbôgbô sə̈ nyê ndə̂kə̂ rʉatə̂ su nyê, kə̂ zadje ndjë köbo sə̈ nyê ndə̂kə̂ pa nyë wutu lə̂nə̈.

Ëfêze 4:27

Nyë gböäbô gbôtə̂ köbo sə̈ Jâbolo-ê.

Ëfêze 6:16

Su nyê ndə̂ nyë zâ rə̂ sə̈ Ndjapä lâme, nyë zä rə̂ batə̂ vôla logbɛ̂. Lə̂ köbosə̂ nə̈ kä ndə̂ nyê kitə̂ köbo tə̂ awûlî ndə̂ wo ndə̂ Ngbongbo akrə.

Kölôse 2:5

Bëte më sə̂âbo lə̂ gbâtə̂ nyê-a, praâbalë më kä la nyê sə̂nə̈ balë lə̂ yingö. Më wä la mômô ndə̂kə̂ wun rə̂ pä gbô nyê kä lakə̂ mbo rə la köbo nə̈ ânyë gbô su nyê ndə̂ nyë zâ rə̂ sə̈ Krîsiti lâme kä pâ yê.

Dokʉ̈ Tësälönîke 3:3

ânyë ngâ akrə balë teabô tê lə̂ köbosə̂ yûkü ndə̂ azə̈ wun rə̂ angêta lâme-ê. Bëte nyënyê la tə̂ nyê, nyë wûnsə̂ nə̈ nə̂ pä yûkü ndə̂ ârâ sə̂ lakə̂ wun rə̂ âtə, Ndjapä nyïkrə rə̂ dokʉ̈tchê bëte ârâ.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Bïchuû Timotë 3:12

Tə̂ lëge nə̈, azü gbɛ̂ ndə̂ andjë nyîndə̂ kə̂ zâtə̂ andjê gbɛ̂ sə̈ Ndjapä ânyë kə̈ nyîndə̂ kə̂ wa balë la Jezü Krîsiti, a âmboadje andjê la yûkü.

Bïchuû Timotë 4:7

Më mbô tchôtchô kʉ̈ʉ̈ nə̂, kə̈ kpê la rö nə̈ âkâ nə̂, më bâta su mê ndə̂ më zâ rə̂ sə̈ Krîsiti lâme nə̂.

Aheborö 11:33

Bëte lə̂ köbosə̂ kə̂ za su sə̈ Ndjapä, andjë röpâ agbölö gö-gbïɛ̈ la kʉ̈ʉ̈, andjë mbö adjîrə̂ rə, kə̈ gbô arə ndə̂ Ndjapä zâ bâlâ nə̈. Andjë ngbö ma abämalä ëtâ.

Aheborö 12:8

Âdə Ndjapä âbhiabô nyê bhî, batə̂ rə̂ ndə̂ tche bhi amodô ndə̂ yê gbɛ̂, dëkë nyë wâbo tə̂ alëge amodô ndə̂ yê-a, praâbalë nyë wätə̂ abechë ndə̂ a wûn-âbô sə̂ arabha andjê wûn-î.

Jâke 4:7

Käko äwäpä nyë dje ma Ndjapä, kə̂ dacho la Jâbolo ânyë tche kpe tə̂ nyê ngrɨ̈ bhâchï.

Dokʉ̈ Pîêre 1:6

Bëte rə̂ kä ndə̂ su nyê sɨ̂sɨ̈ la mômô, âdəndjë rə̂ ndə̂ nyë sə̂ la nyonyo angaâtə lə̂ arə gbôgbô ngbî ngbî ndə̂ âgbo nyê lə̂ kpîɛ̂kpîɛ̂ lö.

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Apökälîbïchi 1:9

Mëmê Jâan, ngâ nyê, mëmê la nyê gbɛ̂ azə̈ kä lə̂ yûkü. Azə̈ rʉ̈ätə̂ su azə̂ lə̂ köbosə̂ nə̈ ndə̂ azə̈ wâ balë la Krîsiti bëte azə̈ wätə̂ azü ndə̂ Gbölö gö-gbïɛ̈ ndə̂ Ndjapä. A ë la mê atə̂lə̂ dälä ndə̂ Pätömôse bëte pö gbɛ̂ ndə̂ Ndjapä ndə̂ më djê rə̂, ânyë kə̈ mû rə̂, ndjë bëte alëge apö ndə̂ Jezü Krîsiti tô rə̂.

Apökälîbïchi 6:11

Käko a zâ ngrɨ̈ngrɨ̈ grôgrô lə̂ba sə̈ akrə balë balë, ânyë kə̈ yûkû nə̈ sə̈ andjê ndə̂kə̂ rʉatə̂ su andjê ndə̂ ngâ kpîɛ̂kpîɛ̂ lö zoo a ka wôn angâ azü ëtə̂ kʉ̂tê andjê batə̂ rə̂ ndə̂ a wôn andjê lâme ânyë. Azü nə̈ lâme də̈ angâ andjê a-earə̂ kua ndə̂ Ndjapä, la arə̂mâ ndə̂ andjê.

Apökälîbïchi 7:14

Më tô rə̂ ndə̂nə̈ sə̈ tchë päkëdə̂: «Gbölö Gbïɛ̈ ndə̂ mê, mo wûnsə̂ nə̈ nə̂ gbɛ̂.» Tche tô rə̂ sə̈ mê päkëdə̂: «Andjë də̈ azü ndə̂ andjê tô lə̂ agbôgbô arə ndə̂ a mbô rə̂ tə̂ andjê. Andjë djûtu ngrɨ̈ngrɨ̈ lə̂ba ndə̂ andjê lə̂ jï Ngbavö Ɛ̈bro-ngbaga nə̂, ânyë lə̂ba nə̈ grô lâme.