Dokʉ̈ Pîêre 5:8 - Mbëtï Ndjapä: TÄFO MADƗ̈

⁸ Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.

Dokʉ̈ Pîêre 5:8 Iomraidhean Croise

Matiyə̈ 13:39

Earə̂ kə̂ kosə̂ akrə ndə̂ tche lû angbongbo bë nə̈ lâme wätə̂ Jâbolo. Lo kə̂ soa ndjî rəgʉ nə̈ wätə̂ lo nə̈ ndə̂ Ndjapä wa ngbanga pâ tchîsûwu. A-earə̂ kə̂ soa ndjî rəgʉ nə̈ wätə̂ aânje.

Matiyə̈ 24:42

Käko la nyê gbö-ê, bëte nyë wûn-âbo sə̂ lö kə̂ ka ndə̂ Gbölö Gbïɛ̈ ndə̂ nyê-a.

Matiyə̈ 25:41

«Pânə̈ gbïɛ̈ nə̈ toadje rə̂ sə̈ andjanə̈ də gele päkëdə̂: ‹Nyë gïtə̂ nyê bhâchï, nyënyê ndə̂ ngbongbo pö ndə̂ Bha mê wâ pâ nyê, nyë ë âtə̂lə̂ wo ndə̂ âju pïï etə̂, ndə̂ a nyîkrə rə̂ bëte Jâbolo la aânje ndə̂ yê!

Matiyə̈ 4:1

La tchêngbâ nə̈ Kpɨ̂ki Yingö tôngo Jezü kə̈ ê la tchë âtə̂lə̂ kpaɛ̈gâ ndə̂kə̂ pa Jâbolo vu tchë.

Matiyə̈ 4:11

Jâbolo gbôtə̂ yê, ânyë aânje nə̂ ndrotə̂ yê kə̈ mbô rə̂ la tchë.

Mâreke 4:15

Andjanə̈ ndə̂ andjë wâ batə̂ ndjî nə̈ ndə̂ âtû ndroma köbo, də̈ andjanə̈ ndə̂ a lû pö nə̈ lə̂ su andjê, praâbalë ndə̂ andjë djê pö nə̈, Satäa nə̂ kə̈ krʉ̂a pö nə̈ ndə̂ a lû rə̂ lə̂ su andjê.

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Lûke 21:36

Nyë löäbô lô-ê, nyë tö pö sə̈ Ndjapä logbɛ̂, ndə̂kə̂ pa nyë wa la gbôgbô ânyë kə̂ wutu lə̂ rə ndə̂ âmbo lâme, ânyë kə̂ krʉ tchâtchu Modô ndə̂ Akrə.»

Lûke 22:31

Jezü tô rə̂ sə̈ Chemôn-Pîêre päkëdə̂: «Chemön, Chemön, amö dje mê! Satäa yükû nə̈ ndə̂kə̂ teke nyê batə̂ rə̂ ndə̂ a teke ndjî rəgʉ lə̂ ɛ̈ gbasa ndə̂kə̂ pa krətche nə̈ tu ngbî.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Bïchuû Körɛ̂nte 2:11

Më mbö rə̂ käko ndə̂kə̂ pa Satäa boloabô nyê bôlo-ê, bëte azə̈ wûnsə̂ arə ndə̂ tche wâ ndə̂kə̂ mbo rə̂ nə̂.

Ëfêze 4:27

Nyë gböäbô gbôtə̂ köbo sə̈ Jâbolo-ê.

Ëfêze 6:11

Nyë yü arə kʉ̈ʉ̈ ndə̂ Ndjapä gbɛ̂ ëtə̂ nyê ânyë kə̂ dacho la akänyï ndə̂ Jâbolo.

Dokʉ̈ Timotë 2:15

Käko ɛ̈chë âtchadje lə̂ kuzü lə̂ köbosə̂ kə̂ zɨ abechë, kütû lə̂ köbosə̂ kə̂ kpokpo tə̂ lə̂kə̂ za su sə̈ Krîsiti, lakə̂ nyində̂ ngâ, lakə̂ sə ngbî bëte Ndjapä, lakə̂ mbo rə la köbo nə̈ ndə̂ afû tə̂ su Ndjapä.

Dokʉ̈ Timotë 2:9

Âdə andə̂ aɛ̈chë, äwäpä andjë yu lə̂ba la köbo nə̈, lə̂ba ndə̂ a lusə̂ andjê la rə̂, ndə̂ âwâtə̂ mbämbä lə̂ba. Âwâbo pä andjë ngbo küma andjê la angâ arə kulə̂ nə̈-a, kə̂ yuabô arə ndə̂ lôlo yû ëtə̂ andjê, kə̂ yuabô akɨ̂dji yû-î, la alə̂ba ngbâ gbölö makətche-ê.

Dokʉ̈ Timotë 3:11

Aɛ̈chë ndjë gbɛ̂, äwäpä andjë lusə̂tə̂ andjê, kə̂ toabô alû tô-ê, kə̂ zɨabô rə zɨ̂ âro masə̂nə̈-ê, kə̂ mbo rə gbɛ̂ gundə̂sə̂ pö ma andjê.

Dokʉ̈ Timotë 3:2

Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Bïchuû Timotë 4:17

Gbölö Gbïɛ̈ la tə̂ yê kä ndə̂ âsə̂ ndrotə̂ mê, tche zä gbôgbô sə̈ mê ânyë mê mû pö ndə̂ yê tə̂ gbölösə̂nə̈, ânyë azü gbɛ̂ ndə̂ andjë wâbô wâtə̂ ajuîfu djê rə̂. Tchâme Gbölö Gbïɛ̈ jî mê lə̂ ma bämalä-ê.

Tîte 1:8

Praâbalë tche wünsə̂ kə̂ kʉ azü gbɛ̂ bhândə̂ yê, tche nyïndə̂ kə̂ mbo dâkâ, tche tö pö la köbo nə̈, tche wätə̂ djîrə̂ akrə, tche wä ngbî bëte Ndjapä, tche wünsə̂ kə̂ kitə̂ gʉ tə̂ su yê.

Tîte 2:12

Tchôtchô su yê nə̈ lâme nyïsə̂ köbo sə̈ azə̂ ndə̂kə̂ pa azə̈ gbotə̂ kə̂ kosə̂ Ndjapä-ê, kə̂ gbotə̂ kə̂ mbo gʉ arə tchêbêche âtə-ê, ndə̂kə̂ pa, kə̂ sə ndə̂ azə̂ lə̂ alö ndə̂ azə̈ sə̂ lə̂nə̈ âtə âwa la köbo nə̈, kə̂ wa djîrə̂, ndjë ndə̂kə̂ pa azə̈ zatə̂ azə̂ gbɛ̂ sə̈ Ndjapä.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Tîte 2:4

Äwä ndjë pä andjë nyisə̂ nə̈ sə̈ abechë-ɛ̈chë, köbo ndə̂kə̂ nyində̂ aköchë ndə̂ andjê, la abechë ndə̂ andjê,

Tîte 2:6

Äwä ndjë pä mo za wängö sə̈ abechë-ɛ̈köchë ndə̂kə̂ pa andjë to pö la köbo nə̈

Jâke 4:7

Käko äwäpä nyë dje ma Ndjapä, kə̂ dacho la Jâbolo ânyë tche kpe tə̂ nyê ngrɨ̈ bhâchï.

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Apökälîbïchi 12:10

Pânə̈ më djê ngâ wârə̂ bhâ lafô päkëdə̂: «Angaâtə lö ndə̂kə̂ tcha azü wûtu nə̂! Angaâtə Ndjapä ndə̂ azə̂ nyîsə̂ gbôgbô lakə̂ mbo kümändëmä ndə̂ yê nə̂! Angaâtə kümändëmä kä tchânə̂ Krîsiti ndə̂ yê. Bëte a yî earə̂ kə̂ za pö lə̂ küma angâ azə̂ bhâ lafô nə̂ bhâchï, tchanə̈ ndə̂ tche yi pö lə̂ küma andjê dalobiî tchâtchu Ndjapä ndə̂ azə̂.

Apökälîbïchi 12:12

Käko nyë wä la mômô atchêlafô la azü ndə̂ nyë sə̂ lə̂nə̈! Praâbalë nyonyo kä tə̂ nyê, tchêbêche la gbölö ngû ngbro! Jâbolo jrë pu nyê la mêrâ, bëte tche wûnsə̂ nə̈ nə̂ pä adɨ̂ alö anyê kä ngbâ bata-a.»

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.

Apökälîbïchi 20:10

Käko Jâbolo ndə̂ tche bôlo andjê, a yî tchë bhâlə̂ gbölö tïmï wo ndə̂ sûfre ndrotə̂ gia nə̈, la earə̂ ndə̂ma ndjapä ndə̂ yepa lâme. Andjê wun-adje yûkü lə̂nə̈ dalobiî pïï etə̂.

Apökälîbïchi 20:2

Tche zâ gia ndə̂ tche wâ batə̂ mbölëngä lâme, ndə̂ tche wâtə̂ bəndɨ ɛ̈krʉ̂, ndə̂ tche də̂ Jâbolo âdəndjë Satäa, kə̈ î tchë la djingîli nə̈ ngbâ ngû sâke balë.