Dokʉ̈ Pîêre 5:5 - Mbëtï Ndjapä: TÄFO MADƗ̈

⁵ Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Dokʉ̈ Pîêre 5:5 Iomraidhean Croise

Lûke 22:26

Praâbalë andə̂ nye nə̈, nyë mböäbô rə̂ mbô batə̂ andjê-ê! Akrə ndə̂ tche wâ gbölö lə̂ gûtə̂ nyê, äwäpä tche mbotə̂ yê tə̂ bechë. Akrə ndə̂ tche wâtə̂ gbölö akrə pâ nyê, äwäpä tche mbotə̂ yê tə̂ earə̂ kua.

Rômo 12:10

Nyë nyïndə̂ angâ nyê lə̂ gbâtə̂ nyê la su nyê gbɛ̂. Äwäpä akrə balë balë pu köbo ndə̂kə̂ lusə̂ ngâ yê.

Rômo 13:14

Praâbalë nyë zä kütû Gbölö Gbïɛ̈ Jezü Krîsiti ëtə̂ nyê batə̂ rə kʉ̈ʉ̈ ndə̂ nyê. Nyë gbö bata gbô tə̂ köbo sə̈ angbongbo gʉ su nyê ndə̂ âmbo rə̂ pä nyë mbo angbongbo rə gundə̂sə̂ nə̈ lâme-ê.

Ëfêze 5:21

Nyënyê ndə̂ nyê kpe wa Krîsiti, äwäpä nyë dje ma angâ nyê lə̂ gbâtə̂ nyê.

Fïlîpe 2:3

Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Dokʉ̈ Timotë 5:1

Amö gbɨtɨabô tü akrə ndə̂ tche dû gbɨ̂tɨ la gbôgbô-ê, praâbalë äwäpä mo za wängö sə̈ tchë batə̂ bha zə̈. Amö za wängö sə̈ abechë-ɛ̈köchë batə̂ arə̂mâ ndə̂ zə̈,

Aheborö 13:17

Nyë djë ma azü tə̂ küma nyê lə̂ Egilîze, nyë mbö rə ndə̂ andjë yukû nə̈ sə̈ nyê, bëte andjë kä ndə̂ âwun tchô pâ nyê, andjê toadje pö pâ nyê sə̈ Ndjapä. Âdə nyê âsə lakə̂ dje ma azü tə̂ küma nyê lə̂ Egilîze, azü nə̈ səadje lakə̂ mbo kua ndə̂ Ndjapä la mômô, praâbalë âdə̂âbo lakə̂ dɨ tchə̂lə̂ ma-a, praâbalë âdə andjê âdɨ tchə̂lə̂ ma andjê, nyê gboabô ngâ rə ngbânə̈ tee-a.

Jâke 4:6

Praâbalë Ndjapä kä mbô dâkâ tə̂ azü ârô masə̂nə̈, bëte rə̂ kä ndə̂ Mbëtï Ndjapä tô rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 4:1

Batə̂ rə̂ ndə̂ Krîsiti wûn yûkü lə̂ tə̂ yê ndə̂ akrə, käko nyënyê ndjë, äwäpä nyë za rə̂ lə̂ küma nyê pä nyê wun-adje ndjë yûkü, bëte tchanə̈ ndə̂ tche wûn yûkü lə̂ tə̂ yê ndə̂ akrə lâme, tche gbôtə̂ ngbongbo rə nə̂.

Dokʉ̈ Pîêre 4:5

Praâbalë andjê toadje pö pâ arə ndə̂ andjë mbô rə̂ lâme tchâtchu Ndjapä ndə̂ tche wâ tchêtchêtchê ndə̂kə̂ wa ngbanga pâ azü ndə̂ gbô andjë ndə̂po la tʉ̈rʉ̂ la andjê, la andjanə̈ ndə̂ andjë tchû.