Dokʉ̈ Pîêre 5:2 - Mbëtï Ndjapä: TÄFO MADƗ̈

² Nyë bäta kpûlû azü ndə̂ Ndjapä ndə̂ tche gbôtə̂ andjê ëtchânə̂ nyê, batə̂ a-earə̂ kə̂ bata aɛ̈bro-ngbaga ndə̂ andjë bata kpûlû aɛ̈bro-ngbaga. Nyë wün tchô pâ andjê la tchôtchô su, batə̂ rə̂ ndə̂ su Ndjapä nyîndə̂ nə̈, äwäpä nyë mbo rə̂ la tə̂ nyê. Nyë mböäbô rə̂ mbô la gʉ ndə̂kə̂ gbo makətche tə̂ gbölösə̂nə̈-ê, praâbalë nyë zä su nyê gbɛ̂ pâ kua nə̈.

Dokʉ̈ Pîêre 5:2 Iomraidhean Croise

Lûke 12:32

«Nyë mböäbô wa mbô-ê, aɛ̈bro-ngbaga ndə̂ Ndjapä! Bëte äfü tə̂ Bha nyê ndə̂kə̂ za Gbölö gö-gbïɛ̈ sə̈ nyê.

Abadjângele 20:29

Më wûnsə̂ nə̈ nə̂ pä pânə̈ ngbâ mê angâ agbongô ânəadje lə̂ gbâtə̂ nyê ndə̂kə̂ won aɛ̈bro-ngbaga nə̈.

Abadjângele 21:13

Käko tche tô rə̂ ndə̂nə̈ päkëdə̂: «Bëte giamâ nyë sə̂ lakə̂ kɨ ânyë kə̈ zâ su mê ngbɨ̂ɨ̂ lafô? Âwâbo kütû ndə̂kə̂ pa a i mê-a, praâbalë më kä ndjë tchêtchêtchê ndə̂kə̂ tchu bhâ Jerûzalêmo bëte rə̈ Gbölö Gbïɛ̈ Jezü.»

Rômo 1:15

Bëte rə̂ kä ndə̂ më nyîndə̂ nə̈ la su mê gbɛ̂ ndə̂kə̂ mu Tchôtchô Pö sə̈ nyê, azü gö ndə̂ Rômo.

Dokʉ̈ Körɛ̂nte 9:7

Tchabâ kä ndə̂ âlî lə̂ kua turûgu ânyë kə̂ zɨ rə ngbâ makətche ndə̂ yê la tə̂ yê? Tchabâ kä ndə̂ âchî vînye ânyë kə̈ zɨ̂âbô ndjî nə̈ zɨ̂-î? Âdəndjë rə̂ ndə̂ tche bâta abâgala ânyë kə̈ ndjôâbô ngû ngo andjê ndjô-ê?

Dokʉ̈ Timotë 3:3

Tche zâbo tə̂ yê gbɛ̂ ndə̂kə̂ ndjo pî-a, kə̈ wâbo tə̂ earə̂ kʉ̈ʉ̈-a, praâbalë tche wä zɨtɨ-ë. Tche wâbo tə̂ earə̂ kə̂ po la azü-a, kə̈ wâbo tə̂ akrə ndə̂ tche nyîndə̂ makətche tə̂ gbölösə̂nə̈-a.

Dokʉ̈ Timotë 3:8

Äwäpä adiâkere wa ndjë tə̂ azü ndə̂ andjë lûsə̂tə̂ andjê, pö ma andjê wa kütû balë, andjë zabô tə̂ andjê zâ gbɛ̂ ndə̂kə̂ ndjo pî-î, kə̂ puabô köbo pû ndə̂kə̂ gbo makətche lə̂ köbosə̂ ngbongbo köbo-ê.

Tîte 1:11

Äwäpä mo ngbo ma andjê ëtâ, bëte andjë kä lakə̂ djingɨli tchə̂lə̂ küma azü lə̂ abûngrɨ̂ gbɛ̂ lakə̂ nyisə̂ rə ndə̂ âwâbô wâ ndə̂kə̂ pa andjë nyisə̂ nə̈-ê, bëte andjë wä la gʉ ndə̂kə̂ gbo arə lə̂ ngbongbo köbo kə̂ gbo rə.

Tîte 1:7

Akrə ndə̂ tche sə̂ tə̂ küma Egilîze, tche wätə̂ akrə ndə̂ tche wun tchô pâ arə ndə̂ Ndjapä, âwâbo pä ngâ pö ndə̂kə̂ gbɨtɨ tü balë wa lə̂ küma yê-a. Tche də̂âbo akrə ndə̂ tche bhi gogo yê-a, âdəndjë akrə ndə̂ mêrâ-a. Tche də̂âbo akrə ndə̂ tche zâtə̂ yê gbɛ̂ ndə̂kə̂ djo pî-a, âdəndjë akrə ndə̂kə̂ mbo kʉ̈ʉ̈-a. Tche də̂âbo akrə ndə̂ tche gbo arə ndə̂ yê lə̂ köbosə̂ ngbongbo kə̂ gbo rə-a.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Tîte 3:1

Amö ka tô rə̂ sə̈ azü gbɛ̂ päkëdə̂, äwäpä andjë dje ma azü ndə̂ andjë wâ la kümändëmä, la agbölö azü gö. Äwäpä andjë mbo rə gundə̂sə̂ pö ma agbölö azü nə̈ lâme, kə̂ sə tchêtchêtchê ndə̂kə̂ mbo tchôtchô kua gbɛ̂.

Filemön 1:14

Praâbalë më nyîâbo ndə̂kə̂ ro pâ küma zə̈, ânyë kə̂ za mö la gbôgbô ndə̂kə̂ mbo dâkâ-a, praâbalë äwäpä mo mbo rə̂ ngbâ su zə̈.

Aheborö 12:15

La nyê gbö-ê, ânyë ngâ akrə dodoabô tə̂ yê dôdo tə̂ tchôtchô su ndə̂ Ndjapä-ê. Âwâbo pä ngâ akrə wa batə̂ soabe, ndə̂ ndôngâ yê wutu ânyë kə̂ ndɨ angbängbä azü-a.

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!