Dokʉ̈ Pîêre 5:14 - Mbëtï Ndjapä: TÄFO MADƗ̈

¹⁴ Nyë pö ndə̂ angâ nyê lə̂ gbâtə̂ nyê lakə̂ a ma angâ nyê lə̂kə̂ nyində̂ ngâ ndə̂ azü ndə̂ Krîsiti. Nyënyê gbɛ̂ ndə̂ nyë wâ balë la Krîsiti lâme, nyë sə̈ la zɨtɨ su.

Dokʉ̈ Pîêre 5:14 Iomraidhean Croise

Matiyə̈ 5:47

Âdə nyê âpo kütû ndə̂ angâ nyê, rə ndə̂ nyê mbo rə̂ ânyë âro andə̂ adɨ̂sɨ̂ azü də̈ giamâ? Azü ndə̂ andjë wûn-âbô sə̂ Ndjapä wûn-î, andjë mbö ndjë rə batə̂ rə̂ ndə̂ nyê mbo rə̂ lâme.

Jâan 14:27

«Më gbötə̂ zɨtɨ su sə̈ nyê, zɨtɨ su ndə̂ më wâ la rə̂ kä ndə̂ më zâ rə̂ sə̈ nyê. Më zâbo rə̂ sə̈ nyê batə̂ rə̂ ndə̂ tchêbêche za rə̂ sə̈ nyê-a. Âwâbo pä tchə̂lə̂ küma nyê djingɨli-a, ânyë su nyê wäbô ndjë wâ la wawa-ê.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Jâan 20:19

Ârə̂ âsə̈ wa la tchêndə̂gölo lə̂ lö nə̈ lâme, adjisîpili pâlatə̂ andjê bhâlə̂ ngâ nda ndə̂ andjë tchû manda nə̈ pâ andjê la wawa ajuîfu. Jezü nə̂, kə̈ krʉ̂ lə̂ gûtə̂ andjê, kə̈ tô rə̂ sə̈ andjê päkëdə̂: «Nyë sə̈ la zɨtɨ su!»

Jâan 20:26

Dɨmâche balë pânə̈, adjisîpili kâ pâlatə̂ andjê bhâ tchâalê nə̈, Tomä kä ndjë lə̂ gûtə̂ andjê. Ndə̂ andjë tchû manda nə̈ ëtâ, Jezü nə̂, kə̈ krʉ̂ lə̂ gûtə̂ andjê, kə̈ tô rə̂ päkëdə̂: «Zɨtɨ su wä pâ nyê!»

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Rômo 16:16

Nyë pö ndə̂ tə̂ nyê lə̂ gbâtə̂ nyê lə̂ köbosə̂ kə̂ a ma angâ nyê ndə̂ âdâka lə̂ la Ndjapä. A-Egilîze ndə̂ Krîsiti gbɛ̂ pô ndə̂ nyê nə̂.

Rômo 8:1

Angaâtə, azü ndə̂ andjë wâ balë la Jezü Krîsiti, ngâ pö balë kä wâ bata lə̂ küma andjê-a.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 16:20

Arə̂mâ gbɛ̂ ndə̂ andjë sə̂ bhâtə̂, pô ndə̂ nyê nə̂. Nyë pö ndə̂ angâ nyê lə̂ gbâtə̂ nyê lakə̂ a ma angâ nyê ndə̂ âdâka gbɛ̂ lə̂ la Ndjapä.

Bïchuû Körɛ̂nte 13:12

Nyë pö ndə̂ angâ nyê lə̂ gbâtə̂ nyê lakə̂ a ma angâ nyê ndə̂ âdâka gbɛ̂ lə̂ la Ndjapä. Azü ndə̂ Ndjapä gbɛ̂ pô ndə̂ nyê nə̂.

Bïchuû Körɛ̂nte 5:17

Âdə ngâ akrə âwa balë la Krîsiti, tche wâ nə̂ tə̂ täfo akrə. Abəndɨ rə rô nə̂, täfo rə kä âkə̈ wâ tâ.

Ëfêze 6:23

Äfü pä Ndjapä Bha la Gbölö Gbïɛ̈ Jezü Krîsiti za zɨtɨ su sə̈ arə̂mâ gbɛ̂, kə̂ za ndjë kə̂ nyində̂ ngâ lakə̂ za su sə̈ Ndjapä sə̈ andjê.

Dokʉ̈ Tësälönîke 5:26

Nyë pö ndə̂ arə̂mâ gbɛ̂ lakə̂ a ma ndə̂ âdâka gbɛ̂.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Vötaâ Jâan 1:14

Mê wun-adje mö lə̂ angâ alö, ânyë azə̈ to pö lə̂ gbâtə̂ azə̂.