Dokʉ̈ Pîêre 5:1 - Mbëtï Ndjapä: TÄFO MADƗ̈

¹ Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Dokʉ̈ Pîêre 5:1 Iomraidhean Croise

Lûke 24:48

Nyë wätə̂ azü ndə̂ nyë wûn arə nə̈ lâme la lala nyê, ânyë kə̈ djê rə̂ la tü nyê.

Abadjângele 1:22

ätö tə̂ batɛ̂me ndə̂ Jâan ndjoa tə̂ lo nə̈ ndə̂ a kênga la tchë atə̂ lafô. Äwäpä ngâ akrə balë lə̂ gbâtə̂ andjê sə ëtə̂ kʉ̂tê azə̂ ndə̂kə̂ pa azə̈ la tchë to pö ndə̂ arə ndə̂ azə̈ wûnsə̂ nə̈ pâ kə̂ jo ndə̂ Jezü lə̂ kuzü sə̈ azü.»

Abadjângele 1:8

Praâbalë nyê gboadje ngâ gbôgbô, gbôgbô nə̈ lâme də̈ gbôgbô ndə̂ Kpɨ̂ki Yingö ndə̂ âjreadje pâ nyê. Käko nyê toadje apö ndə̂ arə ndə̂ nyë wûnsə̂ nə̈ pâ mê bhâ Jerûzalêmo, lə̂ agö ndə̂ Judë gbɛ̂, la andə̂ Samarï, zoo kupâ cho gbɛ̂.»

Abadjângele 11:30

Andjë mbô tâ käko. Andjë wân arə nə̈ sə̈ akpôkpô azü ndə̂ Judë, tchânə̂ Bärnäbâse la Sôlo.

Abadjângele 14:23

Pôlo la Bärnäbâse nyîsə̂ akpôkpô azü kə̈ kʉ̂ andjê tə̂ küma a-Egilîze nə̈ balë balë gbɛ̂. La tchêngbâ nə̈ ndə̂ andjë kôsə̂ kɨ̈zɨ̂ ndə̂kə̂ to pö sə̈ Ndjapä, andjë gbôtə̂ akpôkpô azü nə̈ ëtchânə̂ Gbölö Gbïɛ̈, ndə̂ andjë zâ su andjê sə̈ tchë.

Abadjângele 15:4

Andjë wûtu bhâ Jerûzalêmo, azü ndə̂ Egilîze, abadjângele la akpôkpô azü kʉ̂ andjê bhândə̂ andjê la mômô. Andjë tô pö ndə̂ arə gbɛ̂ ndə̂ Ndjapä mbô rə̂ lə̂ köbosə̂ andjê.

Abadjângele 15:6

Abadjângele la akpôkpô azü ndə̂ Egilîze pâlatə̂ andjê ndə̂kə̂ za küma andjê pâ pö lâme.

Abadjângele 2:32

«Jezü lâme, Ndjapä jö tchë lə̂ kuzü, azə̂ gbɛ̂ wûn rə̂ la la azə̂ nə̂.

Abadjângele 20:17

Bhâ Milë, Pôlo wân tchô sə̈ akpôkpô azü ndə̂ Egilîze ndə̂ Ëfêze ndə̂kə̂ nə.

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Abadjângele 21:18

Lö balë pânə̈, Pôlo ê la ârâ bhândə̂ Jâke. Akpôkpô azü gbɛ̂ päla ndjë tə̂ andjê bhâye.

Abadjângele 3:15

Nyë wön makündji ndə̂ tche za tchîsûwu sə̈ akrə, praâbalë Ndjapä jô tchë lə̂ kuzü, azə̈ wûn rə̂ la la azə̂ nə̂ gbɛ̂.

Bïchuû Körɛ̂nte 5:1

Ârâ wünsə̂ nə̈ tə̂ lëge nə̈ pä pâ cho âtə, tə̂ azə̂ ndə̂ akrə kʉ̂tə̂ yê la ndokʉ̈ ndə̂ âwâ ndə̂kə̂ ndɨ̂ndɨ̈. Azə̈ kä la ngâ nda bhâ lafô ndə̂ Ndjapä mbô rə̂ ndə̂ âwâ logbɛ̂ ndə̂ âdə̂âbo könô azü kä ndə̂ âmbô rə̂-a.

Bïchuû Körɛ̂nte 5:8

Azə̈ wä la gbôgbô tə̂ gbölösə̂nə̈ tə̂ su azə̂ bëte azə̈ nyïndə̂ kə̂ gbo lə̂ tə̂ azə̂ âtə kə̂ e ndə̂kə̂ sə bhâ ndrotə̂ Gbölö Gbïɛ̈.

Fïlîpe 1:19

Bëte më wünsə̂ nə̈ pä rə lâme gbɛ̂ mbö rə̂ pä më tcha lə̂ köbosə̂ kə̂ to pö ndə̂ nyê sə̈ Ndjapä, la könô ndə̂ Yingö ndə̂ Jezü Krîsiti zâ rə̂ sə̈ mê.

Dokʉ̈ Timotë 5:1

Amö gbɨtɨabô tü akrə ndə̂ tche dû gbɨ̂tɨ la gbôgbô-ê, praâbalë äwäpä mo za wängö sə̈ tchë batə̂ bha zə̈. Amö za wängö sə̈ abechë-ɛ̈köchë batə̂ arə̂mâ ndə̂ zə̈,

Dokʉ̈ Timotë 5:19

Amö gambabô pö ndə̂ ngâ akrə yî rə̂ lə̂ küma ngâ kpôkpô akrə ndə̂ Egilîze gâmba-ê, praâbalë âdə azü bïchuû âdəndjë vötaâ ndə̂ andjë wûn rə nə̈, andjê âto pö ndə̂nə̈ ânyë mo gamba rə̂.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Tîte 1:5

Më gbötə̂ zə̈ lə̂ dälä ndə̂ Kërête ndə̂kə̂ pa mo nyikrə arə ndə̂ gbô rə̂ wâ ndə̂kə̂ pa a nyikrə rə̂ lâme. Kə̂ kʉ akpôkpô azü pâ a-Egilîze lə̂ agö nə̈ balë balë, gundə̂sə̂ kə̂ zama ndə̂ më zâ rə̂ sə̈ mö.

Filemön 1:9

Bëte lə̂ köbosə̂ kə̂ nyində̂ ngâ ndə̂ azə̂ la mö, më yükû nə̈ sə̈ mö, mëmê Pôlo, më dû nə̂ ânyë angaâtə më kä bhâlə̂ nda kânga tə̂ pö ndə̂ Jezü Krîsiti.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Bïchuû Jâan 1:1

Mëmê Jâan, kpôkpô akrə ndə̂ Egilîze kä ndə̂ âwân mbëtï âtə sə̈ mö ndə̂ Ɛ̈chë la abechë ndə̂ zə̈, ndə̂ Ndjapä dɨ̂ mö, ndə̂ më nyîndə̂ zə̈ tə̂ lëge nə̈ gbɛ̂. Âdə̂âbo mëmê la kütû mê kä ndə̂ ânyîndə̂ nyê-a. Praâbalë azü gbɛ̂ ndə̂ andjë wûnsə̂ lëge pö kä ndə̂ ânyî ndjë ndə̂ nyê.

Vötaâ Jâan 1:1

Mëmê ndə̂ më wâtə̂ kpôkpô akrə ndə̂ Egilîze kä ndə̂ âmbô mbëtï âtə sə̈ mö Gäyïwûse ndə̂ më nyîndə̂ zə̈ tə̂ lëge nə̈ gbɛ̂.

Apökälîbïchi 1:9

Mëmê Jâan, ngâ nyê, mëmê la nyê gbɛ̂ azə̈ kä lə̂ yûkü. Azə̈ rʉ̈ätə̂ su azə̂ lə̂ köbosə̂ nə̈ ndə̂ azə̈ wâ balë la Krîsiti bëte azə̈ wätə̂ azü ndə̂ Gbölö gö-gbïɛ̈ ndə̂ Ndjapä. A ë la mê atə̂lə̂ dälä ndə̂ Pätömôse bëte pö gbɛ̂ ndə̂ Ndjapä ndə̂ më djê rə̂, ânyë kə̈ mû rə̂, ndjë bëte alëge apö ndə̂ Jezü Krîsiti tô rə̂.