Dokʉ̈ Pîêre 4:8 - Mbëtï Ndjapä: TÄFO MADƗ̈

⁸ Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Dokʉ̈ Pîêre 4:8 Iomraidhean Croise

Dokʉ̈ Körɛ̂nte 13:1

Âdə mê âto pö la ama gö ndə̂ azü la andə̂ aânje, ânyë kə̂ nyində̂ ngâ wâbô wâ lə̂ mê-ê, dëkë më wä batə̂ ngâ ajorʉa ndə̂ âkɨ âdəndjë ngâ kâlângbä ndə̂ âkɨ ngbôô.

Dokʉ̈ Körɛ̂nte 13:4

Akrə ndə̂ tche nyîndə̂ ngâ yê, tche rʉ̈ätə̂ su yê, tche mbö dâkâ, tche mbôâbo gbölö su-a, kə̈ mbôâbo tə̂ yê gbölö-a, kə̈ bhîâbo gogo yê-a.

Kölôse 3:14

Rə ndə̂ ârô adɨ̂ arə nə̈ də̈ kə̂ nyində̂ ngâ, ndə̂ âdə̂ rə ndə̂ âpala azü ëtâ djîrə̂.

Dokʉ̈ Tësälönîke 3:12

Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Aheborö 13:1

Nyë ndə̈po logbɛ̂ lakə̂ nyində̂ angâ nyê lə̂ gbâtə̂ nyê la angâ nyê batə̂ arə̂mâ ndə̂ Krîsiti.

Jâke 5:12

Praâbalë arə̂mâ ndə̂ mê, tə̂ dokʉ̈ nə̈, âwâbo pä nyë deba la rə̈ tchêlafô, âdəndjë tchêbêche, âdəndjë la ngâ känyï ngbî-a. Âdə nyë âto rə̂ pä: «Ɛn-ɛn» kə̂ krʉ kütû pâ ɛn-ɛn. Ânyë nyë âto rə̂ pä: «Ɛ̂n-ɛ̈n» kə̂ krʉ kütû pâ ɛ̂n-ɛ̈n, käko ânyë nyê teabô tê tchâtchâ ngbanga ndə̂ Ndjapä-ê.

Jâke 5:20

äwäpä nyë wunsə̂ nə̈ päkëdə̂: Akrə ndə̂ tche kâ la ngâ earə̂ ngbongbo rə ëpâ köbo ndə̂ tche tchâ rə̂ lâme, dëkë tche mbö rə̂ pä earə̂ ngbongbo rə tcha lə̂ kuzü, kə̈ mbô ndjë rə̂ pä Ndjapä ko angbängbä apö lə̂ küma yê.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Vötaâ Jâan 1:2

Ngâ mê ndə̂ më nyîndə̂ zə̈ tə̂ gbölösə̂nə̈, më nyïndə̂ nə̈ pä arə ndə̂ zə̈ gbɛ̂ e atə̂ tchâtchu nə̈, tə̂kömbo mboabô mö mbô-ê, ânyë tə̂ zə̈ wa batə̂ yingö ndə̂ zə̈ ndə̂ âwâtə̂ tchôtchô nə̈.