Dokʉ̈ Pîêre 4:6 - Mbëtï Ndjapä: TÄFO MADƗ̈

⁶ Bëte rə̂ kä ndə̂ a mû ndjë Tchôtchô Pö sə̈ akuzü. Käko pânə̈ ndə̂ a wadje ngbanga lə̂ küma andjê batə̂ azü gbɛ̂, gundə̂sə̂ rə ndə̂ andjë mbô rə̂ lə̂ tə̂ andjê ndə̂ akrə, andjë sə batə̂ Ndjapä lə̂ köbosə̂ Yingö.

Dokʉ̈ Pîêre 4:6 Iomraidhean Croise

Matiyə̈ 24:9

Käko azü âyoadje sə̂ nyê ëtchânə̂ angâ azü ndə̂kə̂ pa andjë mbo nyê la yûkü, kə̂ won-adje nyê. Azü gbɛ̂ ndə̂ andjë wâbô wâtə̂ ajuîfu koadje sə̂ nyê bëte mê.

Rômo 8:2

Bëte ndïɛ̈ ndə̂ Yingö zä tchîsûwu sə̈ akrə lə̂ köbosə̂ nə̈ ndə̂ akrə wâ balë la Jezü Krîsiti. Ndïɛ̈ ndə̂ Yingö nə̈ jî mê tchâtchâ ndïɛ̈ ndə̂ ngbongbo rə la andə̂ kuzü nə̂.

Gälâte 2:19

Bëte mëmê, më tchû tə̂ pö ndə̂ ndïɛ̈ alême nə̂, bëte arə ndə̂ âwûn ndïɛ̈, ndə̂kə̂ pa tchîsûwu ndə̂ më wâ la rə̂ äwa bëte Ndjapä. Mëmê la Krîsiti kä ndə̂ âtchû pâ yö ndə̂ gba.

Gälâte 5:25

Âdə azə̈ âwa la tchîsûwu lə̂ köbosə̂ Yingö, äwäpä azə̈ gbotə̂ köbo sə̈ Yingö tche nyîsə̂ köbo sə̈ azə̂.

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Pîêre 3:19

Ädə̈ käko ânyë tche ê kə̈ mû Tchôtchô Pö sə̈ atchozö ndə̂ andjë sə̂ lə̂ kânga.

Apökälîbïchi 14:18

Pânə̈ ngâ ânje ngbî ndə̂ tche wâ la gbôgbô pâ wo, wûtu dəsə̂ gbalâka-ngela. Tche ôn ngbôô sə̈ tchanə̈ ndə̂ tche wâ la ngrɨ̈ngrɨ̈ kamba ndə̂ manə̈ kî lâme päkëdə̂: «Yi ngrɨ̈ngrɨ̈ kamba ndə̂ zə̈ ndə̂ manə̈ kî lâme kə̈ grâ agë vînye pâ cho, bëte lêlê vînye nə̈ drô nə̂.»