Dokʉ̈ Pîêre 4:3 - Mbëtï Ndjapä: TÄFO MADƗ̈

³ Bëte lə̂ angû ndə̂ ârô, rə ndə̂ âfû tə̂ azü ndə̂ andjë wâbô wâtə̂ ajuîfu, nyë mbô rə̂ nə̂: Nyë pü aɛ̈chë âdəndjë aköchë katchôgbɛ̂, nyë mbö rə ndə̂ ngbongbo gʉ su nyê, nyë ndjö pî âmbo nyê, nyë zɨ̈ rə kə̂ ndjo rə âro masə̂nə̈, nyë vöga angakʉ̈lä ndə̂ âdə̂ ngâ rə ndə̂ âkʉ̂âbô sə̂nə̈ kʉ̂ pä akrə mbo rə̂-ê.

Dokʉ̈ Pîêre 4:3 Iomraidhean Croise

Mâreke 7:22

kə̂ pu ɛ̈chë âdəndjë köchë ndə̂ ngâ akrə, kə̂ mbo gʉ arə tə̂ gbölösə̂nə̈, ngbongbo su, kə̂ bolo akrə, kə̂ mbo rə ndə̂ âwâbô wâ lə̂ köbo nə̈, kə̂ wa la gbölö su, kə̂ to ngbongbo pö tə̂ akrə, kə̂ bhi gogo, kə̂ wa ngbɨ̈lə̈.

Abadjângele 17:30

Praâbalë sə̂nə̈ ndə̂ akrə wûn-âbô sə̂ rə wûn-î, Ndjapä zâbo su yê pânə̈-a. Angaâtə, tche ë azü gbɛ̂ kupâ cho gbɛ̂ ndə̂kə̂ gbotə̂ bəndɨ kə̂ mbo rə ndə̂ andjê.

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Dokʉ̈ Körɛ̂nte 12:2

Nyë wûnsə̂ nə̈ nə̂ pä sə̂nə̈ ndə̂ nyë wûn-âbô sə̂ Ndjapä wûn dämba-ê, a gbɨ̈tɨ nyê kə̈ ê la nyê ngbâ angakʉ̈lä ndə̂ andjë wâtə̂ amangbɨ̈lə̈.

Dokʉ̈ Körɛ̂nte 6:11

Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Bïchuû Körɛ̂nte 12:21

Wawa mbö ndjë mê ndə̂kə̂ pa âdə mê âkä wutu bhândə̂ nyê, Ndjapä mbo ganô tə̂ mê lə̂ la nyê, ânyë mê sə lakə̂ kɨ tə̂ angbängbä azü lə̂ gbâtə̂ nyê, ndə̂ gbô andjê sə̂ lakə̂ mbo ngbongbo rə batə̂ anə̈ dokʉ̈tchê, ndə̂ andjë gbôâbô gbôtə̂ arə batə̂: Kə̂ wa la kâkpö, kə̂ pu aɛ̈chë âdəndjë aköchë katchôgbɛ̂, la angâ arə ganô.

Gälâte 5:19

Arə ndə̂ angbongbo gʉ su akrə mbo rə̂ wä lə̂ arə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, kə̂ mbo arə ganô,

Gälâte 5:21

kə̂ mbo gʉ rə ndə̂ akrə, kə̂ ndjo rə lakə̂ zɨ rə âro masə̂nə̈ lə̂ akpülü, la angâ arə ndə̂ âwâ batə̂ rə̂. Më tô pö lâme sə̈ nyê dokʉ̈tchê nə̂, ânyë kə̂ kä to rə̂ âtə: Azü ndə̂ andjë mbo tə̂ arə käko, andjê gboabô tchô lə̂ Gbölö gö-gbïɛ̈ ndə̂ Ndjapä tee-a.

Ëfêze 5:18

Nyë ndjöäbô pî ndjô âmbo nyê bëte ngbongbo rə kä lə̂nə̈, praâbalë nyë gbötə̂ köbo sə̈ Kpɨ̂ki Yingö tche sɨ tchə̂lə̂ su nyê.

Dokʉ̈ Tësälönîke 4:5

Nyë gböäbô gbôtə̂ gʉ su nyê âropâ nyê batə̂ andə̂ azü ndə̂ andjë wâbô wâtə̂ ajuîfu-î, ânyë kə̈ wûn-âbô sə̂ Ndjapä wûn lâme-ê.

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Dokʉ̈ Pîêre 1:14

Nyë mbö rə batə̂ abechë ndə̂ andjë dje pö, nyë mböäbô rə mbô gundə̂sə̂ gʉ su nyê ndə̂ nyë wâ la rə̂ dokʉ̈tchê, sə̂nə̈ ndə̂ nyë wûn-âbô sə̂nə̈ wûn dämba lâme-ê.

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.