Dokʉ̈ Pîêre 4:19 - Mbëtï Ndjapä: TÄFO MADƗ̈

¹⁹ Käko andjanə̈ ndə̂ andjë sə lakə̂ wun yûkü lə̂ köbosə̂ nə̈ ndə̂ su Ndjapä nyîndə̂ nə̈, äwäpä andjë ndəpo lakə̂ mbo dâkâ, kə̂ zatə̂ andjê gbɛ̂ sə̈ Ndjapä ndə̂ tche mbô arə gbɛ̂, tche mbö rə gundə̂sə̂ pö ma yê.

Dokʉ̈ Pîêre 4:19 Iomraidhean Croise

Lûke 23:46

Jezü ôn ngbôô päkëdə̂: «Bha mê, më zä yingö ndə̂ mê ëtchânə̂ zə̈ ngbânə̈.» La tchêngbâ pö lâme, Jezü tchû-î.

Abadjângele 7:59

Ndə̂ andjë nyê Etîêne la täme, tche tô pö sə̈ Ndjapä päkëdə̂: «Gbölö Gbïɛ̈ Jezü, amö za vrö mê!»

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Dokʉ̈ Pîêre 2:15

Bëte rə ndə̂ Ndjapä nyîndə̂ nə̈ wä ndə̂kə̂ pa nyë mbo dâkâ ânyë âmbo rə̂ pä nyë ngbo ma angbɨ̈lə̈ azü la azü ndə̂ andjë wûn-âbô sə̂ rə wûn lâme.

Dokʉ̈ Pîêre 3:17

Bëte âdə Ndjapä ânyində̂ nə̈ pä nyë wun yûkü tə̂ pö ndə̂ dâkâ ndə̂ nyê mbo rə̂, anə̈ lâme kä âkə̈ dâka kə̈ rô ndə̂kə̂ pa nyë wun yûkü tə̂ pö ndə̂ ngbongbo rə ndə̂ nyê.

Dokʉ̈ Pîêre 3:20

Andjanə̈ ndə̂ andjë kôsə̂ pö ma Ndjapä alême, sə̂nə̈ ndə̂ tche rʉ̂âtə̂ su yê ndə̂kə̂ krʉ bëte andjê pä andjë ka pu tchë tə̂ lo nə̈ ndə̂ Nowë mbô âreche. Kütû kpîɛ̂kpîɛ̂ kə̂ ngba ndə̂ azü mïndûu manə̈ vötaâ kä ndə̂ âlî lə̂nə̈, ânyë Ndjapä tchâ andjê lə̂ köbosə̂ ngû.