Dokʉ̈ Pîêre 4:18 - Mbëtï Ndjapä: TÄFO MADƗ̈

¹⁸ Batə̂ rə̂ ndə̂ Mbëtï Ndjapä tö rə̂ päkëdə̂: «Âdə sə̂ rə nə̈ âka tə̂ djîrə̂ akrə ndə̂kə̂ tcha lə̂ kuzü, andə̂ earə̂ ngbongbo su la earə̂ ngbongbo rə âdə atöko?»

Dokʉ̈ Pîêre 4:18 Iomraidhean Croise

Lûke 15:1

A-earə̂ kə̂ pala makətche-lapöo la a-earə̂ ngbongbo rə gbɛ̂ nə̂ ndola Jezü ndə̂kə̂ dje tchë.

Lûke 23:31

Âdə a âmbo tâ käko tə̂ bhiɛbhiɛ yö, andə̂ gbâkü yö âwa lɛ̂ɛ atöko?»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Abadjângele 27:24

kə̈ tô rə̂ sə̈ mê päkëdə̂: ‹Pôlo, wa mböäbô mö mbô-ê! Äwäpä mo e kə̂ wutu tchâtchu gbölö gbïɛ̈ ndə̂ Rômo tche wa ngbanga ndə̂ zə̈. Ndjapä âbatadje azü lə̂ batöo âtə gbɛ̂ tə̂ pö ndə̂ zə̈ balë.›

Abadjângele 27:31

Praâbalë Pôlo tô rə̂ sə̈ kabïta ndə̂ aturûgu ndjë la aturûgu päkëdə̂: «Âdə gbô azü âtə âsəabô sə̂ lə̂ batöo âtə, dëkë nyënyê ndə̂ aturûgu âtə nyê tchabô kuzü tee-a.»

Rômo 1:18

Bhâ lafô, Ndjapä nyïsə̂ mêrâ ndə̂ yê bëte rə̂ ndə̂ azü kôsə̂ yê, ndjë bëte ambə̈lï gbɛ̂ ndə̂ andjë mbô rə̂. Lə̂ köbosə̂ arə ndə̂ andjê, andjë mîɛ köbo tə̂ lëge pö.

Rômo 5:6

Bëte, ndə̂ azə̂ wâbô wâ alême la gbôgbô, Krîsiti tchû bëte a-earə̂ ngbongbo rə, gundə̂sə̂ lo nə̈ ndə̂ Ndjapä nyïkrə rə̂.

Rômo 5:8

Praâbalë Ndjapä nyïsə̂ köbo ndə̂ tche nyîndə̂ azə̂ kâkë: Ndə̂ gbô azə̂ ndə̂po tə̂ a-earə̂ ngbongbo rə, Jezü Krîsiti tchû bëte azə̂.

Dokʉ̈ Körɛ̂nte 10:12

Käko akrə ndə̂ tche wûn rə̂ pä anyë krʉ̂ lafô nə̂, äwäpä la yê gbo-ê, ânyë tche teabô tê-ê.

Dokʉ̈ Timotë 1:9

Äwäpä azə̈ djë tchə̂lə̂ pö atə̂ djîrə̂: Ndïɛ̈ wâbo bëte azü ndə̂ andjë mbo djîrə̂ rə-a, praâbalë äwä bëte azü ndə̂ andjë kosə̂ ndïɛ̈ la azü ndə̂ andjë kôsə̂ Ndjapä, la a-earə̂ ngbongbo su, la a-earə̂ ngbongbo rə, la azü ndə̂ andjë kpêâbô wa Ndjapä kpê-ê, ndə̂ andjë mbôâbô wa rə ndə̂ âwâ ngbî bëte Ndjapä mbô-ê, la azü ndə̂ andjë wôn arabha andjê, la azü ndə̂ andjë wôn araanyï andjê, la a-earə̂ kə̂ won azü,

Aheborö 4:1

Ndjapä zä bâlâ tə̂ azə̂ pä, azə̈ wä ndə̂kə̂ li sə̂ tchô ndə̂ tche nyïkrə rə̂ ndə̂kə̂ pa azə̈ yatə̂ azə̂ tâ. Gbô pö ndə̂kə̂ mbo rə nə̈ lâme kä po la tchô angêta, käko la azə̂ gbö-ê, ânyë köbo ndə̂kə̂ li sə̂ tchô ndə̂kə̂ yatə̂ nə̈ lâme yuabô yû tə̂ ngâ akrə lə̂ gbâtə̂ nyê-ê.

Jâke 5:6

Nyë wä ngbanga lə̂ küma azü, kə̈ wôn adjîrə̂ azü, andjë dâbo cho la nyê-a.

Dokʉ̈ Pîêre 5:8

Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.

Bïchuû Pîêre 3:7

Dëkë kütû lə̂ köbosə̂ pö ma Ndjapä balë lâme kä ndə̂ a bâta tchêlafô la tchêbêche ndə̂ tchô angêta bëte wo, ndə̂kə̂ krʉ bëte lö kə̂ wa ngbanga la lö ndə̂ angbongbo azü tchu tratralë-ê.

Jûde 1:15

ndə̂kə̂ wa ngbanga pâ azü ndə̂ tchêbêche gbɛ̂. Azü ndə̂ andjë wâtə̂ a-earə̂ ngbongbo rə, tchê wadje ngbanga pâ andjê bëte angbongbo rə gbɛ̂ ndə̂ andjë mbô rə̂ tə̂ yê. Azü ndə̂ andjë to angbongbo apö pu tchë, tchê wadje ngbanga pâ andjê bëte angbongbo pö ndə̂ andjë tô rə̂ tə̂ yê.»