Dokʉ̈ Pîêre 4:16 - Mbëtï Ndjapä: TÄFO MADƗ̈

¹⁶ Praâbalë âdə akrə âwun yûkü bëte rə̂ ndə̂ tche wätə̂ akrə ndə̂ Krîsiti, âwâbo pä ganô mbo tchë-a, praâbalë äwäpä tche lusə̂ Ndjapä tə̂ pö ndə̂ rə̈ Krîsiti ndə̂ âwâ pâ yê lâme.

Dokʉ̈ Pîêre 4:16 Iomraidhean Croise

Abadjângele 11:26

Ndə̂ tche gbô tchë, tche kâ la tchë atə̂ Äntïyôche. Lə̂ ngû balë, andjë bïchuû gbɛ̂ mbô kua lə̂ Egilîze nə̈ lakə̂ nyisə̂ rə sə̈ angbängbä azü. Bhâ Äntïyôche kä ndə̂ azü ê rə̂ tə̂ adjisîpili tə̂ dokʉ̈ nə̈ päkëdə̂: «Azü ndə̂ Krîsiti».

Abadjângele 26:28

Agripä tô rə̂ sə̈ tchë päkëdə̂: «Mo wüntî pä mo âmbo mê tə̂ akrə ndə̂ Krîsiti gasa käko-ë?»

Abadjângele 28:22

Praâbalë ârâ nyïndə̂ nə̈ pä momö la tə̂ zə̈, mo to rə̂ sə̈ ârâ rə ndə̂ âwâ bhâlə̂ su zə̈. Bëte ârâ wûnsə̂ nə̈ nə̂ pä kusə̂ tchô gbɛ̂ azü kösə̂ ngbongbo kpûlû ndə̂ zə̈ lâme.»

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Fïlîpe 1:20

Bëte rə ndə̂ më krʉ̂ bëte rə̂ ânyë kə̈ zâ su mê pânə̈, ganô mboabô mê tee-a. Praâbalë angaâtə âdəndjë logbɛ̂, âdə mê âtchu âdəndjë rə̂ ndə̂ më wâ la tʉ̈rʉ̂ la mê, më wünsə̂ nə̈ tə̂ lëge nə̈ bhâtə̂ su mê pä Krîsiti gë lə̂ mê tə̂ gbölösə̂nə̈.

Fïlîpe 1:29

Bëte Ndjapä mbö tchôtchô su tə̂ nyê lə̂ köbosə̂ Krîsiti, âdə̂âbô kütû ndə̂kə̂ za su nyê sə̈ tchë-a, praâbalë ndə̂kə̂ wun ndjë yûkü bëte tchë.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Jâke 2:7

Âdə̂âbô andjendjê kä ndə̂ âdɨ angbongbo apö tə̂ tchôtchô rə̈ ndə̂ Ndjapä zâ rə̂ pâ nyê lâme?

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 4:11

Âdə ngâ akrə âsə lakə̂ to pö, äwäpä tche to apö ndə̂ Ndjapä. Âdə ngâ akrə âsə lakə̂ mbo kua sə̈ angâ yê, äwäpä tche mbo rə̂ la gbôgbô ndə̂ Ndjapä zâ rə̂ sə̈ tchë, käko ânyë lə̂ köbosə̂ Jezü Krîsiti, azü voga Ndjapä lə̂ arə gbɛ̂. Gbölö la gbôgbô wätə̂ andə̂ Ndjapä tə̂ logbɛ̂ logbɛ̂! Amin.

Dokʉ̈ Pîêre 4:14

Âdə a âdro nyê bëte rə̈ Krîsiti, nyë kä la mômô, bëte Yingö ndə̂ Ndjapä ndə̂ âwâ gbölö kä pâ nyê.

Dokʉ̈ Pîêre 4:19

Käko andjanə̈ ndə̂ andjë sə lakə̂ wun yûkü lə̂ köbosə̂ nə̈ ndə̂ su Ndjapä nyîndə̂ nə̈, äwäpä andjë ndəpo lakə̂ mbo dâkâ, kə̂ zatə̂ andjê gbɛ̂ sə̈ Ndjapä ndə̂ tche mbô arə gbɛ̂, tche mbö rə gundə̂sə̂ pö ma yê.