Dokʉ̈ Pîêre 4:15 - Mbëtï Ndjapä: TÄFO MADƗ̈

¹⁵ Âwâbo pä akrə balë lə̂ gbâtə̂ nyê wun yûku tə̂ pö ndə̂kə̂ won azü-a, âdəndjë kə̂ zɨ ngbä-a, âdəndjë kə̂ mbo ngbongbo rə tə̂ azü-a, âdəndjë ndə̂kə̂ yitə̂ yê lə̂ arə ndə̂ angâ yê-a.

Dokʉ̈ Pîêre 4:15 Iomraidhean Croise

Matiyə̈ 5:11

Nyë wä la mômô, nyënyê ndə̂ azü dro nyê, kə̂ mbo ngbongbo rə tə̂ nyê, kə̂ to angbongbo pö lakə̂ mo yepa la rə̈ nyê bëte mê.

Dokʉ̈ Tësälönîke 4:11

Nyë pü köbo ndə̂kə̂ sə la zɨtɨ su, nyë wün köbo kua ndə̂ nyê la tə̂ nyê, kə̂ mbo kua la könô nyê ânyë kə̂ gbo rə ngbânə̈, batə̂ rə̂ ndə̂ ârâ zâma sə̈ nyê.

Bïchuû Tësälönîke 3:11

Dëkë ârâ djë rə̂ pä angâ azü lə̂ gbâtə̂ nyê də̈ a-earə̂ dö, andjë mbôâbo ngâ kua balë-a, kə̂ yi kütû ma andjê lə̂ pö ndə̂ angâ andjê.

Dokʉ̈ Timotë 5:13

Pâ arə lâme gbɛ̂, andjë mbôâbo kua-a, ânyë kua ndə̂ andjê wä kütû ndə̂kə̂ nə kulə̂ manda azü. Âdə̂âbô kütû tə̂ pö ndə̂nə̈ ndə̂ andjë mbôâbo kua mbô lâme kä me-a, praâbalë andjë dɨ̈ apö tə̂ gbölösə̂nə̈, kə̈ vûâbo sə̂ apö-a, kə̂ yitə̂ andjê lə̂ arə ndə̂ âwûn-âbô andjê wûn-î.

Bïchuû Timotë 2:9

Tə̂ pö ndə̂ Tchôtchô Pö nə̈ lâme kä ndə̂ më wûn yûkü zoo ânyë a yî mê atə̂lə̂ nda kânga batə̂ ngbongbo akrə. Praâbalë âdə̂âbo pö Ndjapä nə̈ kä ndə̂ a yî rə̂ lə̂ nda kânga-a.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Dokʉ̈ Pîêre 3:17

Bëte âdə Ndjapä ânyində̂ nə̈ pä nyë wun yûkü tə̂ pö ndə̂ dâkâ ndə̂ nyê mbo rə̂, anə̈ lâme kä âkə̈ dâka kə̈ rô ndə̂kə̂ pa nyë wun yûkü tə̂ pö ndə̂ ngbongbo rə ndə̂ nyê.