Dokʉ̈ Pîêre 4:14 - Mbëtï Ndjapä: TÄFO MADƗ̈

¹⁴ Âdə a âdro nyê bëte rə̈ Krîsiti, nyë kä la mômô, bëte Yingö ndə̂ Ndjapä ndə̂ âwâ gbölö kä pâ nyê.

Dokʉ̈ Pîêre 4:14 Iomraidhean Croise

Matiyə̈ 5:11

Nyë wä la mômô, nyënyê ndə̂ azü dro nyê, kə̂ mbo ngbongbo rə tə̂ nyê, kə̂ to angbongbo pö lakə̂ mo yepa la rə̈ nyê bëte mê.

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Lûke 6:22

Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Jâan 15:21

Praâbalë andjê mboadje arə lâme gbɛ̂ tə̂ nyê tə̂ pö ndə̂ rə̈ mê, bëte andjë wûn-âbo sə̂ tchanə̈ ndə̂ tche wân mê-a.

Jâan 8:48

Ajuîfu tô rə̂ ndə̂nə̈ sə̈ Jezü päkëdə̂: «Ndə̂ ârâ tô rə̂ pä mo də̈ akrə gö ndə̂ Samarï, ânyë ngâ ngbongbo tchozö kä lə̂ zə̈ lâme, lëge pö də̂âbo rə̂?»

Jâan 9:28

Andjë drô tchë, kə̈ tô rə̂ päkëdə̂: «Momö kä ndə̂ âwâtə̂ djisîpili ndə̂ akrə lâme, ârâ wätə̂ adjisîpili ndə̂ Möyîze.

Jâan 9:34

Andjë tô rə̂ ndə̂nə̈ sə̈ tchë päkëdə̂: «Momö, a zɨ̈ mö la ndundu tə̂ zə̈ gbɛ̂ lə̂ ngbongbo rə, ânyë momö kä ndə̂ ânyisə̂ rə sə̈ ârâ?» Tchâme, andjë grô tchë atə̂ sûwu.

Abadjângele 13:45

Ndə̂ ajuîfu wûn kpûlû azü nə̈, andjë wâ la gbölö su, ânyë andjë sə̂ lakə̂ kosə̂ apö ndə̂ Pôlo ânyë kə̈ sə̂ lakə̂ dro tchë.

Abadjângele 18:6

Praâbalë andjë kôsə̂ pö nə̈, kə̈ drô tchë. Tche nyôânyoa lə̂ba tə̂ yê sə̈ andjê kə̈ tô rə̂ päkëdə̂: «Äwäpä jï nyê wa lə̂ küma nyê la tə̂ nyê, më wâbo la pö lə̂ küma mê-a. Angaâtə, më âe pu azü ndə̂ andjë wâbô wâtə̂ ajuîfu.»

Abadjângele 28:22

Praâbalë ârâ nyïndə̂ nə̈ pä momö la tə̂ zə̈, mo to rə̂ sə̈ ârâ rə ndə̂ âwâ bhâlə̂ su zə̈. Bëte ârâ wûnsə̂ nə̈ nə̂ pä kusə̂ tchô gbɛ̂ azü kösə̂ ngbongbo kpûlû ndə̂ zə̈ lâme.»

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Bïchuû Körɛ̂nte 12:10

Bëte rə̂ kä ndə̂ më wâ la mômô sə̂nə̈ ndə̂ më wâbô wâ la gbôgbô, ndjë, sə̂nə̈ ndə̂ azü drô mê, âdəndjë lə̂ agbôgbô arə ndə̂ âpu mê katchôgbɛ̂, âdəndjë rə̂ ndə̂ azü mbo gbôgbô tə̂ mê bëte Krîsiti, ndjë la arə nyonyo. Bëte sə̂nə̈ ndə̂ më wâbô wâ la gbôgbô, dëkë sə̂nə̈ lâme kä ndə̂ më wâ la gbôgbô.

Bïchuû Körɛ̂nte 4:10

Logbɛ̂ gbô kuzü Jezü kä lə̂ tə̂ ârâ, käko azü wün tchîsûwu ndə̂ yê ndə̂ âmbo arə lə̂ ârâ.

Bïchuû Körɛ̂nte 4:16

Bëte rə̂ kä ndə̂, âwâbo pä su azə̈ mo-a, âdə tə̂ azə̂ ndə̂ akrə ândɨ, tə̂ akrə dələ̂nə̈ âwa la gbôgbô ndə̂ lö balë balë.

Gälâte 1:24

Käko azü nə̈ vôga Ndjapä lə̂ köbosə̂ mê.

Aheborö 11:26

Möyîze nyïndə̂ nə̈ pä azü talusə̂ anyê batə̂ Krîsiti ndə̂ a âtaluadje sə̂ yê, äwä batə̂ ngâ gbölö tchôtchô rə kə̈ rô atchôtchô arə ndə̂ Ejîpiti, bëte gbô su yê kä pâ atchôtchô arə ndə̂ tchê gboadje rə̂ ngbâ rə ndə̂ tche mbô rə̂.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Jâke 5:11

Nyë wünsaâ! Azə̈ gämba azü ndə̂ andjë kpôkpo tə̂ andjê lə̂ agbôgbô arə lâme. Nyë djê ndə̂ma pö pâ Jôbo ndə̂ tche rʉ̂âtə̂ su yê lâme nə̂, ânyë nyë wûnsə̂ rə ndə̂ Gbölö Gbïɛ̈ kʉ̂ rə̂ sə̈ tchë la tchêngbâ nə̈ nə̂. Bëte Gbölö Gbïɛ̈ wä la tchôtchô su tə̂ gbölösə̂nə̈, lakə̂ wun nyonyo azü.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Dokʉ̈ Pîêre 3:16

Praâbalë nyë tö pö nə̈ sə̈ andjê nyima-ë lakə̂ lusə̂ andjê, äwäpä kə̂ rɨ tchə̂lə̂ su nyê wabô wâ la ngâ ngbongbo rə-ê, käko ânyë ganô mbo azü ndə̂ andjë to angbongbo apö tə̂ nyê tə̂ pö ndə̂ tchôtchô kə̂ sə ndə̂ nyê balë la Krîsiti.

Dokʉ̈ Pîêre 4:16

Praâbalë âdə akrə âwun yûkü bëte rə̂ ndə̂ tche wätə̂ akrə ndə̂ Krîsiti, âwâbo pä ganô mbo tchë-a, praâbalë äwäpä tche lusə̂ Ndjapä tə̂ pö ndə̂ rə̈ Krîsiti ndə̂ âwâ pâ yê lâme.

Bïchuû Pîêre 2:2

Angbängbä azü âzadje tchêngbâ a-earə̂ kə̂ nyisə̂ rə ndə̂ yepa lâme la ngbongbo kə̂ mbotə̂ andjê, tə̂ pö ndə̂ azü käko kä ndə̂ azü âdroadje köbo lëge pö.