Dokʉ̈ Pîêre 4:13 - Mbëtï Ndjapä: TÄFO MADƗ̈

¹³ Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Pîêre 4:13 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 25:21

Gbölö akrə ndə̂ yê nə̈ tô rə̂ sə̈ tchë päkëdə̂: ‹Sə̂nə̈ kä, âdâka nə̂, mo wätə̂ djîrə̂ earə̂ kua. Âbatə̂ mo mbô tchôtchô kua la kpîɛ̂kpîɛ̂ rə ndə̂ më kʉ̂ rə̂ sə̈ mö, më âza mö ndə̂kə̂ wun tchô pâ angbängbä arə ndə̂ mê. Amö nə kə̂ sə la mômô la mê.›

Matiyə̈ 25:23

Gbölö akrə ndə̂ yê nə̈ tô rə̂ sə̈ tchë päkëdə̂: ‹Sə̂nə̈ kä, âdâka nə̂, mo wätə̂ djîrə̂ earə̂ kua. Âbatə̂ mo mbô tchôtchô kua la kpîɛ̂kpîɛ̂ rə ndə̂ më kʉ̂ rə̂ sə̈ mö, më âza mö ndə̂kə̂ wun tchô pâ angbängbä arə ndə̂ mê. Amö nə kə̂ sə la mômô la mê.›

Matiyə̈ 25:31

«Lo nə̈ ndə̂ Modô ndə̂ Akrə ka lə̂ gbôgbô ndə̂ yê la aânje ndə̂ yê gbɛ̂, tchê səadje ëpâ gbölö ngendë-gbïɛ̈ ndə̂ yê.

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Matiyə̈ 5:12

Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Mâreke 8:38

Bëte âdə ngâ akrə âmbo ganô mê la apö ndə̂ mê lə̂ la azü ndə̂ tchô angêta ndə̂ andjë kôsə̂ pö ma Ndjapä lakə̂ mbo ngbongbo rə, Modô ndə̂ Akrə mboadje ndjë ganô yê lo nə̈ ndə̂ tchê kadje lə̂ gbôgbô ndə̂ Bha nə̈ la aânje ndə̂ yê ndə̂ andjë wâ ngbî tiî bëte Ndjapä.»

Lûke 17:30

Rə nə̈ âmbo ndjë me käko lo nə̈ ndə̂ Modô ndə̂ Akrə madje tə̂ yê lə̂ la azü.

Abadjângele 16:25

Ârə̂ âsə̈ wutu lə̂ agrʉ̂mi, Pôlo la Sïlâse sə̂ lakə̂ to pö sə̈ Ndjapä lakə̂ pa düwü ndə̂kə̂ voga Ndjapä. Adɨ̂ a-earə̂ kânga sə̂ lakə̂ dje andjê.

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Rômo 5:3

Âdə̂âbo kütû bëte rə lâme-a, azə̈ wä ndjë la mômô lə̂ arə nyonyo ndə̂ âgbo azə̂ bëte azə̈ wûnsə̂ nə̈ nə̂ pä nyonyo mbö rə̂ ânyë akrə rʉatə̂ su yê.

Rômo 8:17

Ndə̂ azə̈ wâtə̂ abechë ndə̂ Ndjapä, azə̂ gboadje ndjë atchôtchô rə ndə̂ yê ndə̂ tche nyîkrə rə̂ bëte azü ndə̂ yê. Azə̂ la Krîsiti kä ndə̂ âgbo atchôtchô rə nə̈. Ndə̂ azə̈ la Krîsiti wûn yûkü balë âtə, azə̈ la tchë âgboadje ndjë kə̂ lusə̂tə̂ ndə̂ yê.

Rômo 8:18

Më wünsə̂ nə̈ pä yûkü ndə̂ azə̈ wun rə̂ angêta âtə, äwä batə̂ ngâ kpîɛ̂kpîɛ̂ rə. Âwâbo ndjë batə̂ kə̂ wa gbölö ndə̂ Ndjapä ndə̂ tchê nyiadje sə̂nə̈ sə̈ azə̂ tə̂ngâlo lâme-a.

Bïchuû Körɛ̂nte 1:5

Batə̂ rə̂ ndə̂ azə̈ wûn yûkü ârô masə̂nə̈ la Krîsiti, Krîsiti zadje ndjë gbôgbô tə̂ su azə̂ âro masə̂nə̈.

Bïchuû Körɛ̂nte 1:7

Ârâ zä su ârâ gbɛ̂ pâ nyê, bëte ârâ wünsə̂ nə̈ pä yûkü ndə̂ ârâ wun rə̂ âtə, nyënyê ndjë gbɛ̂ nyë wün rə̂, ârə̂ kä ndə̂ nyê gboadje gbôgbô tə̂ su nyê batə̂ rə̂ ndə̂ ârâ gbô ndjë gbôgbô tə̂ su ârâ.

Bïchuû Körɛ̂nte 4:10

Logbɛ̂ gbô kuzü Jezü kä lə̂ tə̂ ârâ, käko azü wün tchîsûwu ndə̂ yê ndə̂ âmbo arə lə̂ ârâ.

Bïchuû Körɛ̂nte 4:17

Nyonyo ndə̂ azə̈ wun rə̂ angêta wä ndə̂ angâ alö ndə̂kə̂ pa änyikrə azə̂ bëte golowäre ndə̂ âwâ logbɛ̂ logbɛ̂, ndə̂ ârô masə̂nə̈.

Fïlîpe 3:10

Rə ndə̂ më nyîndə̂ nə̈ wä ndə̂kə̂ wunsə̂ Krîsiti, tchetchë la gbôgbô ndə̂ âjô tchë lə̂ kuzü, kə̂ wun yûkü la tchë ânyë kə̂ wa batə̂ tchë lə̂ kuzü ndə̂ yê.

Kölôse 1:24

Arə̂mä, angaâtə më wä la mômô bëte rə̂ ndə̂ më sə̂ lakə̂ wun yûkü bëte nyê, bëte lə̂ köbosə̂ kə̂ wun yûkü nə̈ lâme, mê wün ndjë yûkü batə̂ rə̂ ndə̂ Krîsiti wûn ndjë rə̂ bëte Egilîze ndə̂ âwâtə̂ tə̂ yê.

Bïchuû Timotë 2:12

Âdə azə̂ âwun yûkü la tchë, azə̂ mboadje kümändëmä la tchë. Âdə azə̂ âvusə̂ yê, tchetchë ndjë gbɛ̂ tchê vuadje sə̂ azə̂.

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 1:9

Mëmê Jâan, ngâ nyê, mëmê la nyê gbɛ̂ azə̈ kä lə̂ yûkü. Azə̈ rʉ̈ätə̂ su azə̂ lə̂ köbosə̂ nə̈ ndə̂ azə̈ wâ balë la Krîsiti bëte azə̈ wätə̂ azü ndə̂ Gbölö gö-gbïɛ̈ ndə̂ Ndjapä. A ë la mê atə̂lə̂ dälä ndə̂ Pätömôse bëte pö gbɛ̂ ndə̂ Ndjapä ndə̂ më djê rə̂, ânyë kə̈ mû rə̂, ndjë bëte alëge apö ndə̂ Jezü Krîsiti tô rə̂.