Dokʉ̈ Pîêre 3:9 - Mbëtï Ndjapä: TÄFO MADƗ̈

⁹ Ngbongbo rə ndə̂ azü mbo rə̂ tə̂ nyê, nyë mböäbô ndjë ngbongbo rə lâme mbô tə̂ andjê-ê, kə̂ dro tchô ndə̂ azü dro nyê la rə̂, nyë dröäbô ndjë andjê drô ndə̂ sə̂nə̈-ê. Praâbalë nyë ë tchôtchô pö pâ azü, bëte Ndjapä ë nyê tə̂ pö ndə̂nə̈, käko ânyë tche e tchôtchô pö pâ nyê.

Dokʉ̈ Pîêre 3:9 Iomraidhean Croise

Matiyə̈ 19:29

Azü gbɛ̂ ndə̂ andjë gbôtə̂ nda ndə̂ andjê, ayîngâ andjê, anyînə̂ andjê, araabha andjê, araanyï andjê, abechë ndə̂ andjê la kɨ̈ndɨ̈ ndə̂ andjê bëte mê, andjê âkä gbo rə lâme sûsunə̈ ngbangbo balë, kə̂ gbo ndjë tchîsûwu ndə̂ logbɛ̂ logbɛ̂.

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Matiyə̈ 5:39

Mëmê ndə̂ me nə̈, më tö rə̂ sə̈ nyê päkëdə̂: Âwâbo päkëdə̂ nyë mbo ngbongbo rə tə̂ akrə ndə̂ tche mbô ngbongbo rə tə̂ nyê-a. Âdə ngâ akrə ârʉa ngälâ zə̈ də ndôkö, amö dje ndjë balë nə̈ sə̈ tchë tralë tche rʉ̂â rə̂.

Matiyə̈ 5:44

Mëmê ndə̂ me nə̈, më tö rə̂ sə̈ nyê päkëdə̂: Nyë nyïndə̂ a-earə̂ kə̂ kosə̂ nyê! Nyë tö pö sə̈ Ndjapä bëte azü ndə̂ andjë mbo gbôgbô tə̂ nyê!

Mâreke 10:17

Ndə̂ Jezü zâ köbo ndə̂kə̂ ro etə̂, ngâ köchë kpê kə̈ gʉ̂te tchâtchâ yê ânyë kə̈ yû tchë päkëdə̂: «Tchôtchô earə̂ kə̂ nyisə̂ rə, më âmbo atöko ânyë kə̈ gbo tchîsûwu ndə̂ logbɛ̂ logbɛ̂?»

Lûke 10:25

Käko ngâ earə̂ kə̂ nyisə̂ ndïɛ̈ tô ngâ pö ndə̂kə̂ vu Jezü, tche yû tchë päkëdə̂: «Earə̂ kə̂ nyisə̂ rə, më âmbo atöko ânyë kə̂ gbo tchîsûwu ndə̂ logbɛ̂ logbɛ̂?»

Lûke 18:18

Ngâ makündji ndə̂ ajuîfu yü Jezü päkëdə̂: «Tchôtchô earə̂ kə̂ nyisə̂ rə, më âmbo atöko ânyë kə̂ gbo tchîsûwu ndə̂ logbɛ̂ logbɛ̂?»

Rômo 12:14

Nyë yü Ndjapä ndə̂kə̂ pa tche e tchôtchô pö pâ azü ndə̂ andjë mbo nyê la yûkü, nyë yükû nə̈ sə̈ Ndjapä pä tche e tchôtchô pö pâ andjê âdə̂âbo pä tche dra ndə̂ andjê-a.

Rômo 12:17

Nyë mböäbô ngbongbo rə mbô tə̂ ngâ akrə bëte rə̂ ndə̂ tche mbô ngbongbo rə tə̂ nyê-ê. Nyë zä su nyê ndə̂kə̂ mbo tchôtchô rə tchâtchu azü gbɛ̂.

Rômo 8:28

Azə̈ wûnsə̂ nə̈ nə̂ pä, rə gbɛ̂ pälatə̂ yê ndə̂kə̂ mbo dâkâ tə̂ azü ndə̂ andjë nyîndə̂ Ndjapä. Azü ndə̂ tche ê andjê lə̂ köbosə̂ nə̈ ndə̂ su yê nyîndə̂ nə̈.

Rômo 8:30

Azü ndə̂ Ndjapä nyîkrə rə̂ käko lə̂ su yê dokʉ̈tchê bëte andjê, tche ê ndjë andjê. Andjanə̈ ndə̂ tche ê andjê, tche mbô rə̂ ânyë andjë wâ ndjë adjîrə̂ azü lə̂ la yê. Ndə̂ andjë wâtə̂ adjîrə̂ azü lə̂ la yê, tche lüsə̂ andjê.

Gälâte 3:14

Rə nə̈ wä käko ndə̂kə̂ pa azü ndə̂ andjë wâbô wâtə̂ ajuîfu gbo tchôtchô pö ndə̂ Ndjapä zâ bâlâ tə̂ Abrahâmo lə̂ köbosə̂ Jezü Krîsiti. Käko lə̂ köbosə̂ kə̂ za su sə̈ Krîsiti, azə̈ gbö Yingö ndə̂ Ndjapä zâ bâlâ tə̂ pö ndə̂nə̈ alême.

Ëfêze 4:32

Nyë mbö tchôtchô rə lə̂ gbâtə̂ nyê, kə̂ wun nyonyo angâ nyê, nyë kö pö lə̂ küma angâ nyê lə̂ gbâtə̂ nyê, batə̂ rə̂ ndə̂ Ndjapä kô pö lə̂ küma nyê lə̂ köbosə̂ Krîsiti.

Dokʉ̈ Tësälönîke 5:15

La nyê gbö-ê, ânyë ngâ akrə balë mboabô ngbongbo rə mbô tə̂ akrə ndə̂ tche mbô ngbongbo rə tə̂ yê-ê, praâbalë nyë pü köbo logbɛ̂ ndə̂kə̂ mbo tchôtchô rə lə̂ gbâtə̂ nyê, ndjë tə̂ azü gbɛ̂.

Aheborö 12:17

Bëte nyë wûnsə̂ nə̈ nə̂ pä, ndə̂ Ezawü nyîndə̂ nə̈ pä bha anyê e tchôtchô pö pâ anyê, praâbalë bha nə̈ grô tchë, tche gbôâbo köbo ndə̂kə̂ pa bha nə̈ nyikrə su yê ânyë kə̂ e tchôtchô pö pâ yê-a. Tche kɨ̂ lakə̂ dɨ tchə̂lə̂ ma yê la nyonyo tʉrʉ-ê.

Aheborö 6:14

Ndjapä tö rə̂ päkëdə̂: «Më dëba pâ zə̈ päkëdə̂: Mê eadje tchôtchô pö pâ zə̈ tə̂ gbölösə̂nə̈, kə̂ mbo rə̂ pä azü pâ mawo ndə̂ zə̈ ngba tə̂ gbölösə̂nə̈.»

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.