Dokʉ̈ Pîêre 3:8 - Mbëtï Ndjapä: TÄFO MADƗ̈

⁸ Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 3:8 Iomraidhean Croise

Matiyə̈ 18:33

Mo wûn-âbo ndjë nyonyo ngâ zə̈ batə̂ rə̂ ndə̂ më wûn nyonyo zə̈ lâme?›

Lûke 10:33

Praâbalë ngâ akrə gö ndə̂ Samarï ndə̂ tche sə̂ lakə̂ e atə̂lə̂ ngâ gö ngbî. Tche wûtu ndola köchë lâme, ndə̂ tche âsə̈ wun tchë nyonyo yê mbô tchë tə̂ gbölösə̂nə̈.

Abadjângele 2:1

Ndə̂ lö Päntëkôte wûtu, azü ndə̂ Jezü pâlatə̂ andjê gbɛ̂ sə̂ tchô balë.

Abadjângele 27:3

Lö balë pânə̈, ârâ wûtu bhâ Sidön. Jülïwûse ndə̂ tche sə̂ lakə̂ mbo dâkâ tə̂ Pôlo, gbôtə̂ yê ndə̂kə̂ pa tche e kə̂ wun araagü nə̈, Ambêteko tche gbo ngâ rə tchânə̂ andjê.

Abadjângele 28:7

Ngâ tchô kä ndrotə̂ tchô ndə̂ ârâ sə̂ tâ lâme, tchô nə̈ də̈ andə̂ Püblïûse, tche də̈ makündji ndə̂ dälä nə̈. Tche kʉ̂ ârâ bhândə̂ yê tə̂ tchôtchô nə̈, ârâ lô bhândə̂ yê batə̂ araagü nə̈ lə̂ lö vötaâ.

Abadjângele 4:32

Akpûlû azü ndə̂ andjë zâ su andjê sə̈ Krîsiti wä batə̂ akrə balë, kə̈ wâ la su balë. Akrə balë balë tôâbo rə̂ päkëdə̂: «Rə ndə̂ mê wä kütû tə̂ andə̂ me nə̈-a!» Praâbalë rə gbɛ̂ ndə̂ andjë wâ la rə̂, andjë päla rə̂ balë ëtâ.

Rômo 12:10

Nyë nyïndə̂ angâ nyê lə̂ gbâtə̂ nyê la su nyê gbɛ̂. Äwäpä akrə balë balë pu köbo ndə̂kə̂ lusə̂ ngâ yê.

Rômo 15:5

Äfü pä Ndjapä ndə̂ tche mbo rə̂ pä akrə rʉatə̂ su yê, kə̂ gbo gbôgbô tə̂ su yê, mbo rə̂ pä nyë djetə̂ nyê lə̂ gbâtə̂ nyê batə̂ rə̂ ndə̂ Krîsiti nyîsə̂ köbo nə̈ sə̈ nyê lâme.

Dokʉ̈ Körɛ̂nte 1:10

Arə̂mä, më yükû nə̈ sə̈ nyê la rə̈ Gbölö Gbïɛ̈ ndə̂ azə̂ Jezü Krîsiti, nyënyê gbɛ̂ nyë djëtə̂ nyê lə̂ gbâtə̂ nyê ânyë tchə̂lə̂ gbâtə̂ nyê krʉabô tchə̂lə̂ tə̂ yê krʉ̂-ê. Nyë ngbötə̂ nyê kə̂ wa batə̂ akrə balë. Äwäpä yingö ndə̂ nyê lakə̂ rɨ tchə̂lə̂ nyê gbɛ̂ wa balë.

Dokʉ̈ Körɛ̂nte 12:26

Âdə ngâ tchâme-tə̂ balë âsə̈ wun yûkü, atchâme-tə̂ nə̈ gbɛ̂ âwun ndjë yûkü la tchë. Âdə a âlusə̂ ngâ tchâme-tə̂ balë, adɨ̂ atchâme-tə̂ nə̈ gbɛ̂ âwa la mômô la tchë.

Ëfêze 4:2

Nyë mbötə̂ nyê kpîɛ̂kpîɛ̂ rə̂, kə̂ mbo rə tə̂ angâ nyê nyima-ë, kə̂ rʉatə̂ su nyê. Nyë rʉ̈ätə̂ su nyê la angâ nyê lə̂kə̂ nyində̂ ngâ.

Ëfêze 4:31

Nyë zäbô akrə zâ tə̂ su nyê-ê, su nyê hröäbô hrô-ê, nyë mböäbô mêrâ mbô-ê, nyë täbô wârə̂ tâ lə̂ küma akrə-ê, kə̂ droabô akrə drô-ê, angbongbo rə lâme gbɛ̂, nyë kä mbô bata rə̂ mbô-ê la adɨ̂ angbongbo rə balë balë gbɛ̂.

Ëfêze 4:32

Nyë mbö tchôtchô rə lə̂ gbâtə̂ nyê, kə̂ wun nyonyo angâ nyê, nyë kö pö lə̂ küma angâ nyê lə̂ gbâtə̂ nyê, batə̂ rə̂ ndə̂ Ndjapä kô pö lə̂ küma nyê lə̂ köbosə̂ Krîsiti.

Fïlîpe 2:3

Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Fïlîpe 3:16

Âdə rə nə̈ âwa atöko, äwäpä nyë ndəpo kpôlə̂ köbo ndə̂ ârâ nə̂ lə̂nə̈ ndjoa angêta.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Aheborö 13:1

Nyë ndə̈po logbɛ̂ lakə̂ nyində̂ angâ nyê lə̂ gbâtə̂ nyê la angâ nyê batə̂ arə̂mâ ndə̂ Krîsiti.

Jâke 2:13

Bëte akrə ndə̂ tche wûn-âbô nyonyo angâ yê wûn-î, Ndjapä âsə̈ wa ngbanga lə̂ küma yê, kə̂ wun-abô ndjë nyonyo yê tee-a, bëte kə̂ wun nyonyo akrə kä ndə̂ âmbo rə̂ pä akrə wutu lə̂ ngbanga kênê ämbänə̈.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Jâke 5:11

Nyë wünsaâ! Azə̈ gämba azü ndə̂ andjë kpôkpo tə̂ andjê lə̂ agbôgbô arə lâme. Nyë djê ndə̂ma pö pâ Jôbo ndə̂ tche rʉ̂âtə̂ su yê lâme nə̂, ânyë nyë wûnsə̂ rə ndə̂ Gbölö Gbïɛ̈ kʉ̂ rə̂ sə̈ tchë la tchêngbâ nə̈ nə̂. Bëte Gbölö Gbïɛ̈ wä la tchôtchô su tə̂ gbölösə̂nə̈, lakə̂ wun nyonyo azü.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 2:17

Nyë lüsə̂ azü gbɛ̂, kə̂ nyində̂ arə̂mâ ndə̂ nyê lə̂ Krîsiti. Nyë kpë wa Ndjapä, kə̂ lusə̂ gbölö gbïɛ̈ ndə̂ tchêbêche.

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Bïchuû Pîêre 1:7

Nyë zä kə̂ mbo la sə̂ angâ nyê ëpâ kə̂ zatə̂ nyê gbɛ̂ sə̈ Ndjapä, nyë zä kə̂ nyïndə̂ ngâ ëpâ kə̂ mbo la sə̂ angâ nyê.

Dokʉ̈ Jâan 3:14

Azə̈ wûnsə̂ nə̈ nə̂ pä azə̈ rô lə̂ kuzü nə̂, ânyë kə̈ wâ la tchîsûwu, bëte rə̂ ndə̂ azə̈ nyîndə̂ angâ azə̂. Akrə ndə̂ tche nyîâbô nyîndə̂ ngâ yê, dëkë gbô tchë kä lə̂ kuzü.