Dokʉ̈ Pîêre 3:7 - Mbëtï Ndjapä: TÄFO MADƗ̈

⁷ Nyënyê ndjë aköchë ndə̂ aɛ̈chë, lə̂kə̂ sə ndə̂ nyê pâ cho la aɛ̈chë ndə̂ nyê, äwäpä nyë wunsə̂ nə̈ pä aɛ̈chë ndə̂ nyê də̈ amömö azü. Nyë lüsə̂ andjê, bëte nyënyê la andjê gbɛ̂ kä ndə̂ âgbo tchîsûwu ndə̂ Ndjapä za rə̂ sə̈ akrə, ndə̂kə̂ pa ngâ rə balë kiabô kîtə̂ köbo tə̂kə̂ to pö ndə̂ nyê sə̈ Ndjapä-ê.

Dokʉ̈ Pîêre 3:7 Iomraidhean Croise

Matiyə̈ 18:19

«Ɛn-ɛn, tə̂ lëge nə̈ më kä tô rə̂ sə̈ nyê: Âdə azü bïchuû lə̂ gûtə̂ nyê bêche âtə ndə̂ andjë djêtə̂ andjê ndə̂kə̂ yu Ndjapä tə̂ pö ndə̂ ngâ rə, Bha mê ndə̂ tche sə̂ bhâ lafô zadje rə ndə̂ andjë yûkû nə̈ lâme sə̈ andjê.

Dokʉ̈ Körɛ̂nte 7:3

Äwäpä köchë za rə ndə̂ ɛ̈chë ndə̂ yê sə̈ tchë, ânyë ɛ̈chë za ndjë rə ndə̂ köchë ndə̂ yê sə̈ tchë.

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Ëfêze 4:30

Nyë zäbô nyonyo zâ sə̈ Kpɨ̂ki Yingö-ê, bëte lə̂ köbosə̂ Yingö nə̈ lâme, Ndjapä mbö ngâ sɨ̂nyî rə tə̂ nyê bëte lö kə̂ ji nyê lə̂ ngbongbo rə tratralë-ê.

Ëfêze 5:33

Âdə andə̂ nye nə̈, äwäpä akrə balë balë nyində̂ ɛ̈chë ndə̂ yê batə̂ tə̂ yê la tə̂ yê, ânyë ɛ̈chë kpe wa köchë ndə̂ yê.

Ëfêze 6:18

Nyë tö pö sə̈ Ndjapä lə̂ aköbo nə̈ balë balë gbɛ̂, ndjë tə̂ logbɛ̂, kə̂ yukû arə tchânə̂ yê lə̂ köbosə̂ Yingö. Käko la nyê gbö logbɛ̂, nyë gböäbô gbôtə̂ kə̂ to pö sə̈ Ndjapä tə̂ pö ndə̂ azü ndə̂ yê gbɛ̂.

Kölôse 3:19

Aköchë, nyë nyïndə̂ aɛ̈chë ndə̂ nyê, kə̂ mboabô rə mbô la ngbongbo su tə̂ andjê.

Dokʉ̈ Tësälönîke 4:4

Äwäpä akrə balë balë lə̂ gbâtə̂ nyê wunsə̂ köbo ndə̂kə̂ to ɛ̈chë ndə̂ âdâka gbɛ̂ lə̂ la Ndjapä lakə̂ lusə̂tə̂.

Tîte 3:7

Tche mbö tâ käko ânyë lə̂ köbosə̂ tchôtchô su yê, tche dɨ̂ azə̂ tə̂ adjîrə̂ azü lə̂ la yê, ndə̂kə̂ pa azə̈ watə̂ a-earə̂ kə̂ gbo tchîsûwu ndə̂ logbɛ̂ logbɛ̂, ndə̂ su azə̂ wâ pânə̈ lâme.

Aheborö 1:14

Aânje gbɛ̂ də̂âbo atchozö ndə̂ andjë mbo kua sə̈ Ndjapä? Tche wän andjê ndə̂kə̂ za könô sə̈ azü ndə̂ andjë wâ ndə̂kə̂ tcha lə̂ kuzü.

Dokʉ̈ Pîêre 3:1

Nyënyê ndjë, aɛ̈chë, nyë djë ma aköchë ndə̂ nyê, käko ânyë angânə̈ lə̂ gbâtə̂ aköchë nə̈ ndə̂ andjê kôsə̂ pö Ndjapä, andjê ka pu tchë lə̂ köbosə̂ kə̂ mbo rə ndə̂ aɛ̈chë ndə̂ andjê, âdə̂âbo tə̂ pö ndə̂ pö ndə̂ nyê to rə̂ sə̈ andjê-a.