Dokʉ̈ Pîêre 3:4 - Mbëtï Ndjapä: TÄFO MADƗ̈

⁴ Praâbalë nyë pü köbo ndə̂kə̂ fu dələ̂ su nyê. Arə ndə̂ âfû ânyë kə̂ ndɨabô ndɨ̂-î də̈ su ndə̂ âwa gii-ï, kə̂ wa zɨtɨ; ârə̂ kä âkə̈ fû lə̂ la Ndjapä.

Dokʉ̈ Pîêre 3:4 Iomraidhean Croise

Matiyə̈ 11:29

Nyë zä kʉ̂ngbô ndə̂ mê ndə̂ âlûâbô lû-î, kə̂ gbotə̂ köbo sə̈ mê ndə̂kə̂ pa më nyisə̂ rə sə̈ nyê! Bëte më wâbo tə̂ akrə ndə̂ mê mbo gbôgbô tə̂ azü-a, kə̈ pûâbo ndjë gbölö tchô-a. Nyê gboadje tchô ndə̂kə̂ yatə̂ nyê tâ.

Matiyə̈ 21:5

«Nyë tö rə̂ sə̈ azü gö ndə̂ Siyön päkëdə̂: Wunsa, gbïɛ̈ ndə̂ zə̈ âka pu mö! Tche mbötə̂ yê batə̂ ngâ mbämbä akrə. Tche sə̈ pâ yû kûndiɛ, pâ yɛ̈yɛ̈ nə̈, yɛ̈yɛ̈ gia ndə̂ tche kʉ akʉ̂ngbô.»

Matiyə̈ 23:26

Mo ndə̂ farizïɛ̈n ndə̂ la zə̈ fô âtə! Amö djutu tchə̂lə̂ kangûchi nə̈ dokʉ̈tchê ânyë tchêpâ nə̈ groadje vuu-ë.

Matiyə̈ 5:5

Nyë wä la mômô, nyënyê ndə̂ nyê mbo rə nyima-ë, bëte nyê gboadje cho ndə̂ Ndjapä nyîkrə rə̂ bëte nyê!

Lûke 11:40

Nyënyê ndə̂ küma nyê wâbô wâ lanə̈ âtə! Ndjapä ndə̂ tche mbô tchô də sûwu, tche mbôâbo ndjë tchô dələ̂nə̈?

Lûke 16:15

Jezü tô rə̂ sə̈ andjê päkëdə̂: «Nyë nyïsə̂ nə̈ lə̂ la azü pä nyë wätə̂ adjîrə̂ azü, praâbalë Ndjapä wûnsə̂ arə bhâlə̂ su nyê nə̂ gbɛ̂. Bëte rə ndə̂ azü wûn rə̂ batə̂ gbölö rə, Ndjapä wün andə̂ yê nə̈ batə̂ ngâ rə ndə̂ tche kôsə̂ nə̈.

Rômo 1:23

Ndə̂kə̂ pa andjë voga gbölö ndə̂ Ndjapä ndə̂ tche wâ la tchîsûwu ndə̂ logbɛ̂ logbɛ̂, andjë gbôtâ kə̂ voga kütû anyîsɨ̂ arə ndə̂ âkʉ̂ akrə ndə̂ tche wâ ndə̂kə̂ tchu, rə ndə̂ âkʉ̂ nyïɛ̈nə̈ la agia ndə̂ da andjê gû voanə̈ la agia ndə̂ andjë hro bêche.

Rômo 2:29

Praâbalë rə ndə̂ azü wûn-âbô rə̂ wûn-î, mbö rə̂ pä akrə watə̂ lëge juîfu. Lëge kə̂ wa gasa wätə̂ kua ndə̂ Ndjapä mbo rə̂ lə̂ köbosə̂ Yingö ndə̂ yê lə̂ su akrə, âdə̂âbo lə̂ köbosə̂ ndïɛ̈-a. Âdə̂âbo azü kä ndə̂ âvoga lëge juîfu-a, Ndjapä kä ndə̂ a voga tchë.

Rômo 6:6

Azə̈ wûnsə̂ nə̈ nə̂ pä dokʉ̈ kə̂ sə ndə̂ azə̂ tchû nə̂ balë la Krîsiti pâ yö ndə̂ gba. Käko angbongbo gʉ tə̂ su azə̂ tchû ndjë nə̂, ânyë azə̈ kä wâ bata tə̂ angbâa ndə̂ ngbongbo rə-a.

Rômo 7:22

Bëte rə̂ kä, bhâlə̂ su mê, ndïɛ̈ ndə̂ Ndjapä fü tə̂ mê.

Bïchuû Körɛ̂nte 10:1

Mëmê Pôlo, më yükû ngâ rə tchânə̂ nyê la rə̈ Krîsiti, tchetchë ndə̂ tche mbo rə nyima lakə̂ mbo dâkâ. A tö rə̂ pä âdə më âsə lə̂ gûtə̂ nyê kə̂ watə̂ zɨtɨ akrə, praâbalë âdə mê âsə tə̂ nyê ngrɨ̈, kə̂ mbo rə vrâdjâ vrâdjâ.

Bïchuû Körɛ̂nte 4:16

Bëte rə̂ kä ndə̂, âwâbo pä su azə̈ mo-a, âdə tə̂ azə̂ ndə̂ akrə ândɨ, tə̂ akrə dələ̂nə̈ âwa la gbôgbô ndə̂ lö balë balë.

Gälâte 5:23

kə̂ mbo rə nyima-ë, ndjë lakə̂ kitə̂ gʉ tə̂ su akrə la tə̂ yê. Ndïɛ̈ kôâbo sə̂ arə käko lâme-a.

Ëfêze 4:2

Nyë mbötə̂ nyê kpîɛ̂kpîɛ̂ rə̂, kə̂ mbo rə tə̂ angâ nyê nyima-ë, kə̂ rʉatə̂ su nyê. Nyë rʉ̈ätə̂ su nyê la angâ nyê lə̂kə̂ nyində̂ ngâ.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Kölôse 3:3

Bëte nyë tchû nə̂ ânyë tchîsûwu ndə̂ nyê wâ nə̂ wü balë la andə̂ Krîsiti ndrotə̂ Ndjapä.

Dokʉ̈ Tësälönîke 4:11

Nyë pü köbo ndə̂kə̂ sə la zɨtɨ su, nyë wün köbo kua ndə̂ nyê la tə̂ nyê, kə̂ mbo kua la könô nyê ânyë kə̂ gbo rə ngbânə̈, batə̂ rə̂ ndə̂ ârâ zâma sə̈ nyê.

Bïchuû Tësälönîke 3:12

Azü käko lâme, ârâ yükû nə̈ sə̈ andjê, kə̈ zâ wängö sə̈ andjê la rə̈ Gbölö gbïɛ̈ Jezü Krîsiti: Äwäpä andjë sə gii-ï, kə̂ mbo kua ânyë kə̂ zɨ rə ngbâ kua ndə̂ andjê mbo rə̂ la tə̂ andjê.

Dokʉ̈ Timotë 2:2

Nyë tö pö sə̈ tchë bëte agbïɛ̈ la azü gbɛ̂ ndə̂ andjë wâ gbölö tə̂ küma ngâ kua, ndə̂kə̂ pa azə̈ sə la zɨtɨ su, kə̂ sə gii-ï, kə̂ zatə̂ azə̂ gbɛ̂ sə̈ Ndjapä, lakə̂ lusə̂tə̂ azə̂.

Bïchuû Timotë 2:25

Äwäpä tche nyisə̂ rə nyima sə̈ azü ndə̂ andjë kôsə̂ apö ndə̂ yê: Ambêteko, Ndjapä âmboadje rə̂ ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë kə̂ wunsə̂ lëge pö.

Tîte 3:2

Âwâbo pä andjë dro ngâ akrə balë-a, äwäpä andjë kpe tə̂kə̂ po lə̂ gbâtə̂ andjê, äwäpä andjë nyisə̂ dâkâ ndə̂ andjê, kə̂ mbo rə tə̂ nyima nə̈ logbɛ̂ tə̂ azü gbɛ̂.

Jâke 1:21

Ndjë, äwäpä nyë gbotə̂ arə kâkpö gbɛ̂, la angbongbo su gbɛ̂ ndə̂ ârô masə̂nə̈-ê. Nyë gämba pö ndə̂ a chî rə̂ lə̂ su nyê lâme, la su ndə̂ âwâ nyima-ë. Bëte pö nə̈ lâme kä la gbôgbô ndə̂kə̂ tcha nyê lə̂ kuzü.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 3:15

Praâbalë äwäpä nyë lusə̂ Krîsiti bhâlə̂ su nyê batə̂ Gbölö Gbïɛ̈ ndə̂ nyê. Nyë sə̈ tchêtchêtchê logbɛ̂ ndə̂kə̂ to pö sə̈ azü ndə̂ andjë yu nyê tə̂ rə ndə̂ nyë zâ su nyê ndə̂kə̂ krʉ bëte rə̂.