Dokʉ̈ Pîêre 3:22 - Mbëtï Ndjapä: TÄFO MADƗ̈

²² Tche gû atə̂ lafô nə̂, ânyë kə̈ sə̂ də ndôkö könô Ndjapä. Angaâtə aânje, atchozö ndə̂ andjë wâ la kümändëmä la andjanə̈ ndə̂ andjë wâ la gbôgbô, andjë kä tchâtchâ yê.

Dokʉ̈ Pîêre 3:22 Iomraidhean Croise

Matiyə̈ 22:44

‹Gbölö Gbïɛ̈ Ndjapä tö rə̂ sə̈ Gbölö Gbïɛ̈ ndə̂ mê päkëdə̂: Amö sə̈ də ndôkö könô mê zoo, mê mbo rə̂ pä a-earə̂ kə̂ kosə̂ zə̈ wa ëtchâtchâ da zə̈.›

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Mâreke 12:36

Davîdi la tə̂ yê tö rə̂ lə̂ köbosə̂ Kpɨ̂ki Yingö päkëdə̂: ‹Gbölö Gbïɛ̈ Ndjapä tö rə̂ sə̈ Gbölö Gbïɛ̈ ndə̂ mê päkëdə̂: Amö sə də ndôkö könô mê zoo mê kʉ azü ndə̂ andjë kôsə̂ zə̈ ëtchâtchâ da zə̈.›

Mâreke 16:19

Pânə̈ ndə̂ Gbölö Gbïɛ̈ Jezü tô pö sə̈ andjê, a zâ tchë kə̈ kênga la tchë bhâ lafô ânyë tche sə̂ də ndôkö könô Ndjapä.

Lûke 20:42

Davîdi tö rə̂ lə̂ mbëtï ndə̂ Apösômo päkëdə̂: ‹Gbölö Gbïɛ̈ Ndjapä tö rə̂ sə̈ Gbölö Gbïɛ̈ ndə̂ mê päkëdə̂: Amö sə də ndôkö könô mê,

Jâan 13:32

[Âdə a âlusə̂ Ndjapä lə̂ köbosə̂ yê,] Ndjapä luadje sə̂ Modô ndə̂ yê lə̂ yê la tə̂ yê angangaâtə.

Abadjângele 1:11

Aköchë lâme tô rə̂ sə̈ andjê päkëdə̂: «Nyënyê ndə̂ azü gö ndə̂ Galilë, nyë krʉ̈ tchâtə lakə̂ wun tchô atə̂ lafô bëte giamâ? Jezü ndə̂ a zâ tchë lə̂ gûtə̂ nyê ânyë kə̈ kênga la tchë atə̂ lafô lâme, tchê kadje ndjë ngbâ yê batə̂ rə̂ ndə̂ nyë wûn tchë lakə̂ kenga atə̂ lafô lâme.»

Abadjângele 3:21

Krîsiti səadje bhâ lafô zoo âwutu tə̂ lo nə̈ ndə̂ Ndjapä ka nyikrə arə gbɛ̂ tə̂ täfo nə̈. Batə̂ rə̂ ndə̂ Ndjapä tô rə̂ alême lə̂ ma a-earə̂ ndə̂ma yê ndə̂ tche kʉ̂ andjê ngbî bëte tchë.

Rômo 8:34

Tchabâ kä ndə̂ âwâ ndə̂kə̂ wa ngbanga lə̂ küma andjê? Akrə balë sə̂âbo-a, bëte rə̂ ndə̂ Jezü Krîsiti tchû ânyë kə̈ jô lə̂ kuzü. Tche sə̈ ndrotə̂ Ndjapä də ndôkö könô yê ânyë kə̂ to pö sə̈ Ndjapä bëte azə̂.

Rômo 8:38

Tə̂ lëge nə̈, më wûnsə̂ nə̈ nə̂ pä ngâ rə ndə̂kə̂ krʉ tchə̂lə̂ azə̂ la Krîsiti wâbo-a: Âdə̂âbo kuzü-a, âdə̂âbo rə̂ ndə̂ azə̈ wâ la tʉ̈rʉ̂ la azə̂-a, âdə̂âbo aânje-a, âdə̂âbo agbôgbô yingö ndə̂ andjë wâ la gbôgbô lə̂ yi-a, âdə̂âbo arə ndə̂ tchô angêta âdəndjë arə ndə̂ tchô lâmbo-a,

Dokʉ̈ Körɛ̂nte 15:24

Pânə̈, rə gbɛ̂ âka sə̂nə̈ ndə̂ Krîsiti ndɨadje angbongbo atchozö ndə̂ andjë wâ la kümändëmä la gbôgbô pâ azə̂, ânyë kə̂ gboadje tə̂ mbätä-gbïɛ̈ ndə̂ yê nə̈ sə̈ Ndjapä Bha.

Kölôse 3:1

Ndə̂ nyënyê la Krîsiti jô lə̂ kuzü lâme, nyë pü köbo ndə̂kə̂ gbo arə ndə̂ tchêlafô, sə̂ tchô ndə̂ Krîsiti sə̂ tâ də ndôkö könô Ndjapä.

Aheborö 1:13

Lo balë Ndjapä tôâbo rə̂ sə̈ ngâ ânje päkëdə̂: «Nə kə̈ sə̂ də ndôkö könô mê zoo, mê mbo rə̂ pä azü ndə̂ andjë kôsə̂ zə̈ watə̂ mbätä ëtchâtchâ da zə̈!»

Aheborö 1:3

Modô nə̈ lâme kä ndə̂ âmbo rə̂ pä a wun golowäre ndə̂ Ndjapä, tche wä tiî batə̂ Ndjapä. Tche bäta tchîsûwu lə̂ köbosə̂ pö ma yê ndə̂ âwâ la gbôgbô. La tchêngbâ nə̈ ndə̂ tche kô pö lə̂ küma azü tchêbêche, tche sə̂ də ndôkö könô Ndjapä bhâ lafô ndə̂ gbôgbô ndə̂ yê rô agbôgbô gbɛ̂.

Aheborö 1:6

Praâbalë sə̂nə̈ ndə̂ Ndjapä wân dokʉ̈ Modô ndə̂ yê atə̂ bêche atə̂, tche tö rə̂ päkëdə̂: «Äwäpä aânje ndə̂ Ndjapä gbɛ̂ voga tchë.»

Aheborö 10:12

Praâbalë andə̂ Krîsiti, tche wä ngela kütû sûsunə̈ balë tratralë-ê, pânə̈ tche sə̂ ndrotə̂ Ndjapä də ndôkö könô yê.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Aheborö 4:14

Äwäpä azə̈ kpokpo tə̂ azə̂ pâ su azə̂ ndə̂ azə̈ zâ rə̂ sə̈ Ndjapä, ndə̂ azə̈ mu pö ndə̂nə̈, bëte azə̈ kä la gbölö earə̂ kə̂ wa ngela ndə̂ tche rô adɨ̂ nə̈ gbɛ̂, tche ë ndjoa bhâ tchâtchu Ndjapä, Jezü Modô ndə̂ Ndjapä kä.

Aheborö 6:20

Bhâye kä ndə̂ Jezü lî dokʉ̈tchê tə̂ azə̂ ndjë bëte azə̂. Bëte tche dötə̂ yê tə̂ gbölö earə̂ kə̂ wa ngela pïï etə̂ batə̂ känyï ndə̂ Mëlëkïsëdêke.

Aheborö 8:1

Gbölö pö ndə̂ azə̈ krʉ̂ pânə̈ wä kâkë: Azə̈ wä la ngâ gbölö earə̂ kə̂ wa ngela sə̈ Ndjapä ndə̂ tche sə̂ bhâ lafô də ndôkö ngendë-gbïɛ̈ ndə̂ Ndjapä ndə̂ gbôgbô ndə̂ yê rô agbôgbô gbɛ̂.

Aheborö 9:24

Bëte Krîsiti lîâbo bhâlə̂ ngâ nda Ndjapä ndə̂ könô akrə mbô rə̂-a, ndə̂ âwâtə̂ nyîsɨ̂ lëge tchô-a. Tchetchë la tə̂ yê, tche lï bhâ lafô sə̂ tchô ndə̂ tche krʉ̂ tâ angaâtə tchâtchu Ndjapä bëte azə̂.