Dokʉ̈ Pîêre 3:21 - Mbëtï Ndjapä: TÄFO MADƗ̈

²¹ Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.

Dokʉ̈ Pîêre 3:21 Iomraidhean Croise

Matiyə̈ 28:19

Nyë êë pu azü pâ cho gbɛ̂, kə̂ mbo andjê tə̂ adjisîpili, nyë zä batɛ̂me sə̈ andjê la rə̈ Bha, la rə̈ Modô, la rə̈ Kpɨ̂ki Yingö.

Mâreke 16:16

Akrə ndə̂ tche zâ su yê sə̈ mê, ânyë kə̈ gbô batɛ̂me, tchê tchadje lə̂ kuzü. Praâbalë akrə ndə̂ tche kôsə̂ kə̂ za su yê sə̈ mê, a âwadje ngbanga kuzü lə̂ küma yê.

Jâan 13:9

Chemôn-Pîêre tô rə̂ sə̈ tchë päkëdə̂: «Gbölö Gbïɛ̈, ârə̂ âdə käko, amö djutuabô kütû da mê djûtu-î, praâbalë amö djutu ndjë akönô mê la küma mê!»

Abadjângele 16:33

Tə̂ dalo nə̈ lâme, lə̂ agrʉ̂mi, earə̂ kə̂ bata manda kânga nə̈ gû la andjê ndə̂kə̂ djutu ku tə̂ andjê. Kpro la tchêngbâ nə̈, tche gbô batɛ̂me, tchetchë la azü tchâalê ndə̂ yê.

Abadjângele 2:38

Pîêre tô rə̂ ndə̂nə̈ sə̈ andjê päkëdə̂: «Nyë gbötə̂ bəndɨ kə̂ mbo rə ndə̂ nyê, äwäpä akrə balë balë lə̂ gûtə̂ nyê gbo batɛ̂me la rə̈ Jezü Krîsiti, ânyë Ndjapä ko pö lə̂ küma yê, käko nyê gboadje arə ndə̂ Kpɨ̂ki Yingö.

Abadjângele 22:16

Giamâ kä ndə̂ mo kâ krʉ̂ bëte rə̂? Alafô kə̈ gbô batɛ̂me, ânyë a ko pö lə̂ küma zə̈, lə̂ köbosə̂ nə̈ ndə̂ mo ê rə̈ Jezü.›»

Abadjângele 8:36

Ndə̂ gbô andjê sə̂ po lə̂ köbo, andjë wûtu pâ ngâ ngû. Akrə gö ndə̂ Etchiopï nə̈ tô rə̂ päkëdə̂: «Ngû kä âtə, giamâ kä âkə̈ kîtə̂ köbo tə̂ mê ndə̂kə̂ gbo batɛ̂me?» [

Abadjângele 8:37

Fïlîpe tô rə̂ sə̈ tchë päkëdə̂: «Âdə mo âgamba rə̂ la su zə̈ gbɛ̂, mo wä ndə̂kə̂ gbo batɛ̂me ämbänə̈.» Akrə gö ndə̂ Etchiopï ndə̂ a wôn tchâtchâ yê lâme tô rə̂ päkëdə̂: «Më gâmba rə̂ nə̂, Jezü Krîsiti də̈ Modô ndə̂ Ndjapä.»]

Rômo 5:14

Ndə̂ âtô tə̂ Adâme ndjoa ëtə̂ Möyîze, kuzü wä la kümändëmä pâ azü gbɛ̂ ndjë pâ andjanə̈ ndə̂ andjë mbôâbô ngbongbo rə mbô batə̂ Adâme ndə̂ tche kôsə̂ ndïɛ̈ ndə̂ Ndjapä. Adâme də̈ nyîsɨ̂ akrə ndə̂ tchê nəadje.

Dokʉ̈ Körɛ̂nte 12:13

Bëte azə̈ gbɛ̂ gbö batɛ̂me lə̂ köbosə̂ Yingö balë, ndə̂kə̂ watə̂ tə̂ akrə balë. Ajuîfu la azü ndə̂ andjë wâbô wâtə̂ ajuîfu, angbâa la azü ndə̂ andjë wâbô wâtə̂ angbâa, azü gbɛ̂ gbö kütû Yingö balë lâme.

Dokʉ̈ Körɛ̂nte 4:6

Arə̂mä, tə̂ pö ndə̂ nyê kä ndə̂ më tô pö ndə̂ Äpölôse ndjë la andə̂ me nə̈ la tə̂ mê, ndə̂kə̂ nyisə̂ nə̈ sə̈ nyê lə̂ köbosə̂ kə̂ mbo rə ndə̂ ârâ. Nyë djë tchə̂lə̂ ndoka âtə: «Äwäpä akrə balë balë krʉ kütû pâ pö ndə̂ a mbô rə̂ lə̂ mbëtï.» Käko ânyë ngâ akrə balë bhiabô gogo yê bhî ndə̂kə̂ sə dəndə̂ ngâ akrə ânyë kə̂ kosə̂ ngânə̈.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Gälâte 3:27

Tə̂ lëge nə̈, nyënyê gbɛ̂ ndə̂ nyë gbô batɛ̂me lə̂kə̂ wa balë la Jezü Krîsiti lâme, nyë wâ nə̂ batə̂ Krîsiti.

Ëfêze 5:26

Ndə̂kə̂ pa Egilîze nə̈ wa ngbî kə̂ daka gbɛ̂, tche djutu rə̂ la ngû lə̂ köbosə̂ pö ndə̂ yê. Rə ndə̂ tche nyîndə̂ nə̈ kä lâme.

Kölôse 2:12

Lə̂ köbosə̂ batɛ̂me ndə̂ nyë gbô rə̂, a chî nyê la Krîsiti nə̂, ânyë nyë jô lə̂ kuzü balë la tchë nə̂, bëte rə̂ ndə̂ nyë zâ su nyê pâ gbôgbô ndə̂ Ndjapä ndə̂ tche jô Krîsiti lə̂ kuzü.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 11:19

Praâbalë Abrahâmo tô rə̂ bhâtə̂ su yê päkëdə̂: Ndjapä kä la gbôgbô ndə̂kə̂ jo Izâke lə̂ kuzü, bëte rə̂ kä ndə̂ Ndjapä kâ la modô ndə̂ yê sə̈ tchë batə̂ rə̂ ndə̂ akrə jô lə̂ kuzü.

Aheborö 13:18

Nyê to pö sə̈ Ndjapä tə̂ pö ndə̂ ârâ, bëte ârâ wünsə̂ nə̈ bhâlə̂ kə̂ rɨ tchə̂lə̂ su ârâ pä ngâ ngbongbo rə wâbo tə̂ su ârâ-a, ârâ nyïndə̂ nə̈ pä kə̂ mbo rə ndə̂ ârâ daka lə̂ arə gbɛ̂.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Aheborö 9:24

Bëte Krîsiti lîâbo bhâlə̂ ngâ nda Ndjapä ndə̂ könô akrə mbô rə̂-a, ndə̂ âwâtə̂ nyîsɨ̂ lëge tchô-a. Tchetchë la tə̂ yê, tche lï bhâ lafô sə̂ tchô ndə̂ tche krʉ̂ tâ angaâtə tchâtchu Ndjapä bëte azə̂.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Pîêre 3:16

Praâbalë nyë tö pö nə̈ sə̈ andjê nyima-ë lakə̂ lusə̂ andjê, äwäpä kə̂ rɨ tchə̂lə̂ su nyê wabô wâ la ngâ ngbongbo rə-ê, käko ânyë ganô mbo azü ndə̂ andjë to angbongbo apö tə̂ nyê tə̂ pö ndə̂ tchôtchô kə̂ sə ndə̂ nyê balë la Krîsiti.