Dokʉ̈ Pîêre 3:2 - Mbëtï Ndjapä: TÄFO MADƗ̈

² Aköchë nə̈ wun-adje kə̂ mbotə̂ nyê ndə̂ âdâka gbɛ̂, la rə̂ ndə̂ nyê lusə̂ andjê.

Dokʉ̈ Pîêre 3:2 Iomraidhean Croise

Ëfêze 5:33

Âdə andə̂ nye nə̈, äwäpä akrə balë balë nyində̂ ɛ̈chë ndə̂ yê batə̂ tə̂ yê la tə̂ yê, ânyë ɛ̈chë kpe wa köchë ndə̂ yê.

Ëfêze 6:5

Angbâa, nyë djë ma a-earə̂ nyê pâ cho âtə lakə̂ kpe wa andjê tə̂ gbölösə̂nə̈, la su nyê gbɛ̂ batə̂ rə̂ ndə̂ nyê dje ma Krîsiti.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 3:20

Âdə andə̂ azə̂ nə̈, gö ndə̂ azə̂ kä bhâ lafô, azə̈ krʉ̈ ndə̂kə̂ pa Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂ to bhâye kə̂ ka.

Kölôse 3:22

Angbâa, nyë djë ma a-earə̂ nyê bêche âtə lə̂ arə gbɛ̂. Nyë mböäbô kua nə̈ mbô gundə̂sə̂ la andjê âwûntî pä nyë nyïndə̂ kə̂ daka lə̂ la azü-î, praâbalë nyë mbö kua la su nyê balë, bëte nyë kpë wa Gbölö Gbïɛ̈.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Dokʉ̈ Pîêre 1:15

Praâbalë Ndjapä ndə̂ tche ê nyê, tche wä ngbî ânyë kə̈ dâka gbɛ̂. Käko äwäpä nyënyê ndjë gbɛ̂, nyë wätə̂ azü ndə̂ andjë wâ ngbî ânyë kə̈ dâka gbɛ̂ lə̂kə̂ mbo arə ndə̂ nyê gbɛ̂.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 3:1

Nyënyê ndjë, aɛ̈chë, nyë djë ma aköchë ndə̂ nyê, käko ânyë angânə̈ lə̂ gbâtə̂ aköchë nə̈ ndə̂ andjê kôsə̂ pö Ndjapä, andjê ka pu tchë lə̂ köbosə̂ kə̂ mbo rə ndə̂ aɛ̈chë ndə̂ andjê, âdə̂âbo tə̂ pö ndə̂ pö ndə̂ nyê to rə̂ sə̈ andjê-a.

Dokʉ̈ Pîêre 3:3

Âwâbo pä nyë pu köbo ndə̂kə̂ fu lə̂ la azü la arə ndə̂ nyê mbo rə̂ tə̂ nyê də sûwu-a, ndə̂ âdə̂: Kə̂ ngbo küma nyê, kə̂ yu arə ndə̂ âfû ndə̂ a mbô rə̂ la lôlo, kə̂ yu alə̂ba ndə̂ âfû tə̂ gbölösə̂nə̈.

Bïchuû Pîêre 3:11

Ndə̂ arə lâme gbɛ̂ wâ ndə̂kə̂ rôrö lâme, käko äwäpä nyë wunsə̂ rə ndə̂ nyë wâ ndə̂kə̂ mbo rə̂! Äwäpä nyë watə̂ azü ndə̂ andjë dâka gbɛ̂, kə̂ zatə̂ nyê gbɛ̂ sə̈ Ndjapä.