Dokʉ̈ Pîêre 3:18 - Mbëtï Ndjapä: TÄFO MADƗ̈

¹⁸ Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Pîêre 3:18 Iomraidhean Croise

Matiyə̈ 27:19

Sə̂nə̈ ndə̂ Pïlâte sə̂ bhâlə̂ nda ngbanga, ɛ̈chë ndə̂ yê wân tchô sə̈ tchë päkëdə̂: «Amö yiabô tə̂ zə̈ yî lə̂ pö ndə̂ djîrə̂ akrə lâme-ê, bëte më wün küma mê lə̂ bütchî âtə, tchə̂lə̂ küma mê djîngɨli tə̂ pö ndə̂ yê.»

Matiyə̈ 27:24

Ndə̂ Pïlâte âsə̈ wun rə̂ pä anyë mbô rə̂ nə̂ tʉrʉ-ê, ânyë azü nə̈ âlafô la pö tə̂ gbölösə̂nə̈, tche zâ ngû kə̈ djûtu könô yê tchâtchu kpûlû azü nə̈ lakə̂ to rə̂ päkëdə̂: «Pö ndə̂ jï köchë âtə wâbo lə̂ küma mê-a, äwün kütû nyê.»

Jâan 16:10

Âdə andə̂ pö ndə̂kə̂ mbo djîrə̂ rə, tchê nyiadje sə̂nə̈ päkëdə̂: Më âgu atə̂ndə̂ Bha mê, ânyë nyê kä wun bata mê tee-a.

Abadjângele 22:14

Tche tô rə̂ sə̈ mê päkëdə̂: ‹Ndjapä ndə̂ araâta azə̂ zä mö ngbî ndə̂kə̂ pa mo wunsə̂ rə ndə̂ tche nyîndə̂ nə̈, mo wun Jezü, ndə̂ tche wâtə̂ gbokôngô djîrə̂ akrə, ânyë kə̂ dje ndjë pö ndə̂ tche to rə̂ sə̈ mö la mama yê.

Abadjângele 3:14

Nyë kösə̂ akrə ndə̂ tche wâ ngbî bëte Ndjapä, kə̈ wätə̂ djîrə̂ akrə, ânyë kə̈ yûkû nə̈ sə̈ Pïlâte ndə̂kə̂ pa tche ji ngâ earə̂ kə̂ won azü.

Rômo 1:4

Lə̂ köbosə̂ Kpɨ̂ki Yingö, kə̂ jo ndə̂ yê lə̂ kuzü nyïsə̂ nə̈ la gbôgbô lə̂ la azü pä tche də̈ Modô ndə̂ Ndjapä, Jezü Krîsiti Gbölö Gbïɛ̈ ndə̂ azə̂.

Rômo 4:25

Bëte ngbongbo rə ndə̂ azə̂ kä ndə̂ Ndjapä gbôtə̂ yê tchânə̂ azü ânyë andjë wôn tchë. Tche jö lə̂ kuzü ndə̂kə̂ mbo rə̂ ânyë azə̈ watə̂ adjîrə̂ azü lə̂ la Ndjapä.

Rômo 5:2

Lə̂ köbosə̂ Jezü lâme kä ndə̂ azə̈ zâ su azə̂ sə̈ Ndjapä ânyë Ndjapä mbô tchôtchô su tə̂ azə̂. Gbô azə̂ kä lə̂ köbosə̂ tchôtchô su ndə̂ yê angêta. Bëte rə̂ kä ndə̂ su azə̂ wâ la mômô bëte kə̂ wa gbölö ndə̂ Ndjapä ndə̂ azə̈ zâ su azə̂ ndə̂kə̂ krʉ bëte rə̂.

Rômo 8:11

Âdə Kpɨ̂ki Yingö ndə̂ tche jô Jezü lə̂ kuzü âsə lə̂ su nyê, käko Ndjapä ndə̂ tche jô Krîsiti lə̂ kuzü lâme, tchê zadje ndjë tchîsûwu sə̈ tə̂ nyê ndə̂ âwâ ndə̂kə̂ tchûtchü lâme, lə̂ köbosə̂ Yingö ndə̂ yê ndə̂ âsə̂ lə̂ su nyê.

Rômo 8:3

Ndïɛ̈ ndə̂ Möyîze wâbo ndə̂kə̂ mbo rə̂ alême-a, bëte gbôgbô ndə̂ azü wâbô wâ la rə̂ kä ndə̂ âkîtə̂ köbo tə̂ ndïɛ̈ ndə̂kə̂ mbo rə̂. Rə ndə̂ ndïɛ̈ wâbô wâ ndə̂kə̂ mbo rə̂, Ndjapä mbö rə̂: Tche mbö rə̂ käko kə̈ wân Modô ndə̂ yê la tə̂ yê ânyë tche zâ tə̂ akrə ndə̂ âwâ batə̂ tə̂ a-earə̂ ngbongbo rə. Tche jï azə̂ tchâtchâ ngbongbo rə. Käko Ndjapä wä ngbanga pâ ngbongbo rə ndə̂ âmbo rə lə̂ tə̂ azü.

Bïchuû Körɛ̂nte 1:24

Ârâ wâbo ndə̂kə̂ za nyê la gbôgbô pâ su nyê ndə̂ nyë zâ rə̂ sə̈ Ndjapä lâme-a, bëte nyë kpôkpo tə̂ nyê lə̂kə̂ za su nyê sə̈ Ndjapä nə̂, praâbalë ârâ nyïndə̂ kə̂ mbo kua balë la nyê ndə̂kə̂ pa nyë wa la mômô.

Bïchuû Körɛ̂nte 13:4

Tə̂ lëge nə̈, a wön tchë pâ yö ndə̂ gba bëte tche wâbo la gbôgbô-a, praâbalë angaâtə tche wä la tchîsûwu lə̂ köbosə̂ gbôgbô ndə̂ Ndjapä. Azə̂ ndjë gbɛ̂, ndə̂ azə̈ wâ la tchë balë, azə̈ wâbo la gbôgbô-a, praâbalë ârâ nyïsə̂ nə̈ sə̈ nyê pä azə̂ wadje la tchîsûwu balë la tchë lə̂ köbosə̂ gbôgbô ndə̂ Ndjapä.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Ëfêze 3:12

Lə̂ köbosə̂ nə̈ ndə̂ azə̈ wâ balë la Krîsiti, la rə̂ ndə̂ azə̈ zâ su azə̂ gbɛ̂ sə̈ tchë, köbo jî sə̈ azə̂ nə̂ ndə̂kə̂ pa azə̈ nəabô nə̂ ndola Ndjapä la wa-ê.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 10:10

Jezü Krîsiti mbö rə ndə̂ su Ndjapä nyîndə̂ nə̈. Tche zätə̂ yê la ngela sûsunə̈ balë tratralë, ârə̂ kä ndə̂ âdjutu angbongbo rə ndə̂ azə̂.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Aheborö 9:26

Âdə Krîsiti âli bhâ lafô ndə̂kə̂ zatə̂ yê la tə̂ yê la ngela ëngbâ ngânə̈ ëngbâ ngânə̈, dëkë Krîsiti âwun yûkü tə̂ gbölösə̂nə̈ ëngbâ ngânə̈ ëngbâ ngânə̈, gasa alême ndə̂ a mbô tchîsûwu. Käko tche lï angaâtə sûsunə̈ balë tratralë, ndə̂kə̂ djutu ngbongbo rə lə̂ köbosə̂ kə̂ zatə̂ yê la tə̂ yê la ngela.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Jâke 5:6

Nyë wä ngbanga lə̂ küma azü, kə̈ wôn adjîrə̂ azü, andjë dâbo cho la nyê-a.

Dokʉ̈ Pîêre 3:19

Ädə̈ käko ânyë tche ê kə̈ mû Tchôtchô Pö sə̈ atchozö ndə̂ andjë sə̂ lə̂ kânga.

Dokʉ̈ Pîêre 4:1

Batə̂ rə̂ ndə̂ Krîsiti wûn yûkü lə̂ tə̂ yê ndə̂ akrə, käko nyënyê ndjë, äwäpä nyë za rə̂ lə̂ küma nyê pä nyê wun-adje ndjë yûkü, bëte tchanə̈ ndə̂ tche wûn yûkü lə̂ tə̂ yê ndə̂ akrə lâme, tche gbôtə̂ ngbongbo rə nə̂.

Dokʉ̈ Pîêre 4:6

Bëte rə̂ kä ndə̂ a mû ndjë Tchôtchô Pö sə̈ akuzü. Käko pânə̈ ndə̂ a wadje ngbanga lə̂ küma andjê batə̂ azü gbɛ̂, gundə̂sə̂ rə ndə̂ andjë mbô rə̂ lə̂ tə̂ andjê ndə̂ akrə, andjë sə batə̂ Ndjapä lə̂ köbosə̂ Yingö.

Dokʉ̈ Jâan 1:9

Praâbalë âdə azə̂ ânyisə̂ angbongbo rə ndə̂ azə̂ ësûwu, Ndjapä wä djîrə̂, kə̈ mbô rə gundə̂sə̂ pö ma yê: Tchê koadje apö lə̂ küma azə̂, kə̂ jiadje azə̂ lə̂ angbongbo rə gbɛ̂.