Dokʉ̈ Pîêre 3:15 - Mbëtï Ndjapä: TÄFO MADƗ̈

¹⁵ Praâbalë äwäpä nyë lusə̂ Krîsiti bhâlə̂ su nyê batə̂ Gbölö Gbïɛ̈ ndə̂ nyê. Nyë sə̈ tchêtchêtchê logbɛ̂ ndə̂kə̂ to pö sə̈ azü ndə̂ andjë yu nyê tə̂ rə ndə̂ nyë zâ su nyê ndə̂kə̂ krʉ bëte rə̂.

Dokʉ̈ Pîêre 3:15 Iomraidhean Croise

Abadjângele 21:39

Pôlo tô rə̂ ndə̂nə̈ sə̈ tchë päkëdə̂: «Më də̈ juîfu, a zɨ̈ mê bhâ Târese, pâ cho ndə̂ Silisï. Më də̈ akrə ndə̂ ngâ gbölö gö. Më zä da zə̈, gbotə̂ köbo sə̈ mê më tô pö sə̈ azü nə̈.»

Abadjângele 24:25

Praâbalë ndə̂ Pôlo sə̂ lakə̂ to pö pâ kə̂ mbo rə djîrə̂, lakə̂ kitə̂ gʉ su, la pö ndə̂kə̂ wa ngbanga ndə̂ Ndjapä ndə̂ ânəadje tə̂ngâlo, wawa mbô Fëlîkese ânyë tche tô rə̂ sə̈ Pôlo päkëdə̂: «Andə̂ tchô angêta wä käko, âdə mê âgbo ngâ lö ânyë kə̂ kä eadje mö.»

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.

Kölôse 1:5

Bëte sə̂nə̈ ndə̂ lëge pö ndə̂ âdə̂ Tchôtchô Pö wûtu tə̂ dokʉ̈ nə̈ lə̂ gbâtə̂ nyê, nyë zä su nyê pâ rə ndə̂ Ndjapä nyîkrə rə̂ bëte nyê bhâ lafô. Rə ndə̂ nyë zâ su nyê pânə̈ lâme mbö rə̂ ânyë nyë zâ su nyê sə̈ Krîsiti ânyë kə̈ nyîndə̂ azü ndə̂ Ndjapä.

Kölôse 4:6

Äwäpä pö ma nyê tcho batə̂ ngbro, kə̂ mbo dâkâ tə̂ azü, kə̂ wunsə̂ kə̂ to tchêngbâ pö sə̈ akrə lə̂ köbo nə̈.

Tîte 1:2

ndə̂kə̂ pa su andjê wa pâ tchîsûwu ndə̂ logbɛ̂ logbɛ̂, ndə̂ Ndjapä zâ bâlâ nə̈ alême, dokʉ̈tchê ndə̂kə̂ pa tche mbo arə gbɛ̂. Ndjapä ndə̂ tche tô pö lâme, tche môâbo yepa-a.

Aheborö 3:6

Praâbalë Krîsiti mbö kua nə̈ lə̂ köbo nə̈ batə̂ Modô ndə̂ a zâ tchë tə̂ küma nda Ndjapä nə̈. Azə̈ kä ndə̂ âwâtə̂ nda nə̈, âdə azə̂ âbata su azə̂ gbɛ̂ pâ rə ndə̂ su azə̈ krʉ̂ bëte rə̂ la mômô.

Aheborö 6:1

Käko äwäpä azə̈ dje tchêngbâ azə̂ tə̂ adokʉ̈ apö ndə̂ azə̈ mânda rə̂ alême pâ Krîsiti, kə̂ manda pö ndə̂ âwâ bëte anênegbe azü. Azə̈ kä kâbô kâ pâ dokʉ̈ kə̂ nyisə̂ rə ndə̂ âtô pö ndə̂kə̂ gbotə̂ bəndɨ kə̂ mbo rə ndə̂ âe la azə̂ pu kuzü, la pö ndə̂kə̂ za su sə̈ Ndjapä,

Dokʉ̈ Pîêre 1:17

Ndjapä wä ngbanga ndə̂ akrə gundə̂sə̂ rə ndə̂ tche mbo rə̂, kə̈ sə̂âbo dəndə̂ ngâ akrə balë-a. Käko âdə nyë âsə lakə̂ to pö sə̈ Ndjapä ânyë kə̂ e rə̂ tə̂ yê pä Bha, äwäpä nyë mbo rə lakə̂ kpe wawa yê sə̂nə̈ ndə̂ gbô nyê ndə̂po pâ cho âtə.

Dokʉ̈ Pîêre 3:2

Aköchë nə̈ wun-adje kə̂ mbotə̂ nyê ndə̂ âdâka gbɛ̂, la rə̂ ndə̂ nyê lusə̂ andjê.

Dokʉ̈ Pîêre 3:4

Praâbalë nyë pü köbo ndə̂kə̂ fu dələ̂ su nyê. Arə ndə̂ âfû ânyë kə̂ ndɨabô ndɨ̂-î də̈ su ndə̂ âwa gii-ï, kə̂ wa zɨtɨ; ârə̂ kä âkə̈ fû lə̂ la Ndjapä.