Dokʉ̈ Pîêre 3:14 - Mbëtï Ndjapä: TÄFO MADƗ̈

¹⁴ Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Dokʉ̈ Pîêre 3:14 Iomraidhean Croise

Matiyə̈ 10:28

Nyë mböäbô wa azü ndə̂ andjë won tə̂ azü lâme mbô-ê, praâbalë andjë wâbo ndə̂kə̂ won vrö-a, nyë kpë wa Ndjapä ndə̂ tche wâ ndə̂kə̂ won vrö la tə̂ nyê bhâlə̂ wo ndə̂ âju pïï etə̂.

Matiyə̈ 10:31

Nyë mböäbô wa mbô-ê; nyë rö ayɛ̈yɛ̈ anyïɛ̈nə̈ lâme tə̂ gbölösə̂nə̈.»

Matiyə̈ 10:39

Akrə ndə̂ tche nyîndə̂ kə̂ tcha tchîsûwu ndə̂ yê la tə̂ yê, âyuadje tə̂ yê. Akrə ndə̂ tchîsûwu ndə̂ yê yû bëte mê, tchê gboadje rə̂.»

Matiyə̈ 16:25

Bëte akrə ndə̂ tche nyîndə̂ kə̂ tcha tchîsûwu ndə̂ yê, ârə̂ âyuadje tə̂ yê. Praâbalë akrə ndə̂ tchîsûwu ndə̂ yê yû bëte mê, tchê gboadje rə̂.

Matiyə̈ 19:29

Azü gbɛ̂ ndə̂ andjë gbôtə̂ nda ndə̂ andjê, ayîngâ andjê, anyînə̂ andjê, araabha andjê, araanyï andjê, abechë ndə̂ andjê la kɨ̈ndɨ̈ ndə̂ andjê bëte mê, andjê âkä gbo rə lâme sûsunə̈ ngbangbo balë, kə̂ gbo ndjë tchîsûwu ndə̂ logbɛ̂ logbɛ̂.

Mâreke 10:29

Jezü tô rə̂ ndə̂nə̈ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche gbôtə̂ nda ndə̂ yê la ayîngâ yê la anyînə̂ nə̈ la bha nə̈ la anyï nə̈ la abechë âdəndjë akɨ̈ndɨ̈ ndə̂ yê bëte mê, ndjë bëte Tchôtchô Pö,

Mâreke 8:35

Bëte akrə ndə̂ tche nyîndə̂ kə̂ tcha tchîsûwu ndə̂ yê, tchîsûwu ndə̂ yê nə̈ yuadje tə̂ yê. Praâbalë akrə ndə̂ tchîsûwu ndə̂ yê yû bëte mê ndjë tə̂ pö ndə̂ Tchôtchô Pö ndə̂ mê, tchê tchadje tchîsûwu ndə̂ yê.

Jâan 14:1

Jezü tö rə̂ päkëdə̂: «Su nyê djïngɨliabô djîngɨli-î! Nyë zä su nyê sə̈ Ndjapä, kə̂ za ndjë su nyê sə̈ mê.

Jâan 14:27

«Më gbötə̂ zɨtɨ su sə̈ nyê, zɨtɨ su ndə̂ më wâ la rə̂ kä ndə̂ më zâ rə̂ sə̈ nyê. Më zâbo rə̂ sə̈ nyê batə̂ rə̂ ndə̂ tchêbêche za rə̂ sə̈ nyê-a. Âwâbo pä tchə̂lə̂ küma nyê djingɨli-a, ânyë su nyê wäbô ndjë wâ la wawa-ê.

Abadjângele 9:16

Mê nyiadje sə̂nə̈ sə̈ tchë la tə̂ mê, yûkü ndə̂ tche wun-adje rə̂ bëte rə̈ mê.»

Bïchuû Körɛ̂nte 12:10

Bëte rə̂ kä ndə̂ më wâ la mômô sə̂nə̈ ndə̂ më wâbô wâ la gbôgbô, ndjë, sə̂nə̈ ndə̂ azü drô mê, âdəndjë lə̂ agbôgbô arə ndə̂ âpu mê katchôgbɛ̂, âdəndjë rə̂ ndə̂ azü mbo gbôgbô tə̂ mê bëte Krîsiti, ndjë la arə nyonyo. Bëte sə̂nə̈ ndə̂ më wâbô wâ la gbôgbô, dëkë sə̂nə̈ lâme kä ndə̂ më wâ la gbôgbô.

Fïlîpe 1:29

Bëte Ndjapä mbö tchôtchô su tə̂ nyê lə̂ köbosə̂ Krîsiti, âdə̂âbô kütû ndə̂kə̂ za su nyê sə̈ tchë-a, praâbalë ndə̂kə̂ wun ndjë yûkü bëte tchë.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Jâke 5:11

Nyë wünsaâ! Azə̈ gämba azü ndə̂ andjë kpôkpo tə̂ andjê lə̂ agbôgbô arə lâme. Nyë djê ndə̂ma pö pâ Jôbo ndə̂ tche rʉ̂âtə̂ su yê lâme nə̂, ânyë nyë wûnsə̂ rə ndə̂ Gbölö Gbïɛ̈ kʉ̂ rə̂ sə̈ tchë la tchêngbâ nə̈ nə̂. Bëte Gbölö Gbïɛ̈ wä la tchôtchô su tə̂ gbölösə̂nə̈, lakə̂ wun nyonyo azü.

Dokʉ̈ Pîêre 3:6

batə̂ Sarä ndə̂ tche djê ma Abrahâmo ânyë kə̈ ê tchë päkëdə̂: «Gbölö gbïɛ̈ ndə̂ mê.» Âdə nyë âmbo dâkâ, ânyë wawa ngâ rə balë mbôâbô nyê mbô-ê, dëkë nyë wâ nə̂ tə̂ aɛ̈wünrə ndə̂ Sarä.