Dokʉ̈ Pîêre 3:11 - Mbëtï Ndjapä: TÄFO MADƗ̈

¹¹ kə̂ dje tchêngbâ yê tə̂ ngbongbo rə, kə̂ mbo tchôtchô rə, nyë pü köbo zɨtɨ su kə̂ pi kpôtâ.

Dokʉ̈ Pîêre 3:11 Iomraidhean Croise

Matiyə̈ 5:45

Käko-ë, nyê wadje tə̂ abechë ndə̂ Bha nyê ndə̂ tche sə̂ bhâ lafô. Bha nyê nə̈ kä ndə̂ âmbo rə̂ ânyë lo ndə̂ yê ta pâ angbongbo azü ndjë pâ atchôtchô azü. Tche wän nyïvrö pâ adjîrə̂ azü ndjë pâ a-earə̂ mbə̈lï.

Matiyə̈ 5:9

Nyë wä la mômô, nyënyê ndə̂ nyê mbo rə̂ pä zɨtɨ su wa lə̂ gbâtə̂ azü, bëte Ndjapä eadje nyê tə̂ abechë ndə̂ yê!

Matiyə̈ 6:13

Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î. Praâbalë amö ji ârâ tchânə̂ Ngbongbo akrə. [Bëte kümändëmä la gbôgbô lakə̂ lusə̂tə̂ də̈ andə̂ zə nə̈ ndə̂ logbɛ̂ logbɛ̂! Amin.›]

Mâreke 14:7

Bëte a-earə̂ yûkü kä lə̂ gbâtə̂ nyê logbɛ̂, nyë wä ndə̂kə̂ mbo dâkâ tə̂ andjê logbɛ̂ batə̂ su nyê nyîndə̂ nə̈, praâbalë mëmê, më sə̂âbo lə̂ gbâtə̂ nyê logbɛ̂-a.

Lûke 1:79

Ânyë ngbänga nə̈ ta pâ azü ndə̂ andjë sə̂ lə̂ bübü tchô, ndjë lə̂ bübü tchô ndə̂ kuzü, ndə̂kə̂ nyisə̂ köbo sə̈ azə̂ ânyë azə̈ nə tâ la zɨtɨ su.»

Lûke 6:35

Praâbalë awäpä nyë nyində̂ azü ndə̂ andjë kôsə̂ nyê, nyë mbö dâkâ, nyë mbö geda, kə̂ yuabô kû nə̈ yû-î pä a gi rə̂ sə̈ nyê ëngbânə̈-ê. Nyê gboadje ngâ gbölö tchôtchô rə ngbânə̈, kə̂ wadje tə̂ abechë ndə̂ Ndjapä ndə̂ tche sə̂ bhâ lafô. Bëte Ndjapä mbö dâkâ tə̂ azü ndə̂ andjë wûn-âbo sə̂kə̂ za ayîabâ wûn-î, la angbongbo azü.

Lûke 6:9

Pânə̈ Jezü tô rə̂ sə̈ andjê päkëdə̂: «Më yü nyê: Ndïɛ̈ ndə̂ azə̂ tö rə̂ atöko? Äwä ndə̂kə̂ mbo tchôtchô rə? Ndə̂kə̂ mbo ngbongbo rə lə̂ lö sabäa? Ndə̂kə̂ tcha akrə? Ndə̂kə̂ won akrə?»

Jâan 17:15

Më yûâbo kû nə̈ sə̈ mö ndə̂kə̂ pa mo ji andjê pâ cho âtə-a, praâbalë ndə̂kə̂ pa mo bata andjê tə̂ Ngbongbo akrə.

Rômo 12:18

Âdə köbo âwa tâ, lə̂ köbosə̂ gbôgbô ndə̂ nyë wâ la rə̂, äwäpä nyë wa la zɨtɨ su la azü gbɛ̂.

Rômo 14:17

Gbölö gö-gbïɛ̈ ndə̂ Ndjapä wâbo ndə̂kə̂ zɨ kɨ̈zɨ̂ âdəndjë ndə̂kə̂ ndjo rə-a, praâbalë äwä ndə̂kə̂ mbo rə djîrə̂, ndə̂kə̂ sə la zɨtɨ su la mômô ndə̂ Kpɨ̂ki Yingö za rə̂ sə̈ akrə.

Rômo 14:19

Käko äwäpä azə̈ pü köbo rə ndə̂ ânə la zɨtɨ su la rə ndə̂ âmbo rə̂ pä azə̈ kpokpo tə̂ azə̂ lə̂ gbâtə̂ azə̂ lə̂ köbosə̂ kə̂ za su azə̂ sə̈ Ndjapä.

Rômo 5:1

Käko-ë, ndə̂ azə̈ wâtə̂ adjîrə̂ azü lə̂ köbosə̂ kə̂ za su azə̂ sə̈ Ndjapä, azə̈ wä la zɨtɨ su lə̂ gbâtə̂ azə̂ la Ndjapä lə̂ köbosə̂ Gbölö Gbïɛ̈ ndə̂ azə̂ Jezü Krîsiti.

Rômo 7:19

Tchôtchô rə ndə̂ më nyîndə̂ nə̈, më mbôâbo rə̂-a, ânyë ngbongbo rə ndə̂ më kôsə̂ nə̈, ârə̂ kä ndə̂ mê mbo rə̂.

Rômo 7:21

Käko rə ndə̂ më wûn rə̂ tə̂ mê logbɛ̂ wä kâkë: Tchôtchô rə ndə̂ më nyîndə̂ kə̂ mbo rə̂, ngbongbo rə kä ndə̂ âsə̂ bëte mê ndə̂kə̂ pa më mbo rə̂.

Rômo 8:6

Angbongbo gʉ su akrə ë la tchë pu kuzü. Akrə ndə̂ su yê wâ kütû pâ arə ndə̂ Yingö nyîndə̂ nə̈, tchê wadje la tchîsûwu ndjë la zɨtɨ su.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Gälâte 6:10

Käko âdə azə̈ âgbo köbo ndə̂kə̂ mbo dâkâ, äwäpä azə̈ mbo rə̂ tə̂ azü gbɛ̂, kə̂ mbo rə̂ tə̂ gbogbôsə̂nə̈ tə̂ andjanə̈ ndə̂ azə̈ wâ la andjê balë lə̂kə̂ za su sə̈ Jezü.

Kölôse 3:15

Äwäpä zɨtɨ su ndə̂ âtô bhândə̂ Krîsiti nyisə̂ köbo sə̈ nyê lə̂ apö tə̂ su nyê! Tə̂ pö ndə̂ zɨtɨ su lâme kä ndə̂ Ndjapä ê nyê ndə̂kə̂ watə̂ tə̂ akrə balë. Nyë zä ayîabâ sə̈ Ndjapä.

Dokʉ̈ Timotë 6:18

Amö to rə̂ sə̈ andjê ndə̂kə̂ pa andjë mbo dâkâ, kə̂ mbo atchôtchô kua tə̂ gbölösə̂nə̈, kə̂ kʉ rə la su andjê balë, kə̂ krʉ tchə̂lə̂ rə ndə̂ andjê la angâ andjê.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Aheborö 13:16

Sə̂nə̈ yüäbô yû tə̂ nyê ndə̂kə̂ mbo dâkâ tə̂ azü, lakə̂ za könô lə̂ gbâtə̂ nyê la angâ nyê-ê, bëte kə̂ wa ngela käko lâme kä ndə̂ âfû tə̂ Ndjapä.

Jâke 4:17

Akrə ndə̂ tche wûnsə̂ kə̂ mbo tchôtchô rə, ânyë kə̈ mbôâbô rə̂ mbô-ê, dëkë tche mbô ngbongbo rə nə̂.

Dokʉ̈ Pîêre 3:12

Bëte la Gbölö Gbïɛ̈ kä pâ adjîrə̂ azü, ânyë tche kä lakə̂ dje pö ndə̂ andjë to rə̂ sə̈ tchë, praâbalë Ndjapä kösə̂ azü ndə̂ andjë mbo ngbongbo rə.»

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.