Dokʉ̈ Pîêre 2:9 - Mbëtï Ndjapä: TÄFO MADƗ̈

⁹ Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.

Dokʉ̈ Pîêre 2:9 Iomraidhean Croise

Matiyə̈ 4:16

Azü ndə̂ andjë sə̂ lə̂ bübü tchô, andjê wun-adje gbölö ngbänga! Andə̂ andjanə̈ ndə̂ andjë sə̂ lə̂ bübü tchô lə̂ gö ndə̂ akuzü, ngbänga âwutuadje tə̂ andjê.»

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Lûke 1:79

Ânyë ngbänga nə̈ ta pâ azü ndə̂ andjë sə̂ lə̂ bübü tchô, ndjë lə̂ bübü tchô ndə̂ kuzü, ndə̂kə̂ nyisə̂ köbo sə̈ azə̂ ânyë azə̈ nə tâ la zɨtɨ su.»

Jâan 17:19

Më zätə̂ mê la tə̂ mê ngbî sə̈ mö bëte andjê, ndə̂kə̂ pa andjë za ndjë tə̂ andjê ngbî sə̈ mö lə̂ köbosə̂ lëge pö.

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Abadjângele 26:28

Agripä tô rə̂ sə̈ tchë päkëdə̂: «Mo wüntî pä mo âmbo mê tə̂ akrə ndə̂ Krîsiti gasa käko-ë?»

Rômo 9:24

Azü nə̈ lâme də̈ azə̂. Âdə̂âbô kütû lə̂ gbâtə̂ ajuîfu kä ndə̂ tche ê azə̂-a, praâbalë tche ë ndjë azə̂ lə̂ gbâtə̂ andjanə̈ ndə̂ andjë wâbô wâtə̂ ajuîfu-î.

Dokʉ̈ Körɛ̂nte 3:17

Âdə ngâ akrə ândɨ gbölö nda Ndjapä, Ndjapä ândɨadje ndjë tchë. Tə̂ lëge nə̈, gbölö nda Ndjapä wä ngbî bëte Ndjapä, ânyë nyënyê kä ndə̂ âwâtə̂ gbölö nda Ndjapä nə̈.

Ëfêze 1:14

Kpɨ̂ki Yingö nə̈ də̈ dokʉ̈ tchâkalâ tchôtchô rə ndə̂ azə̈ gboadje rə̂ tchânə̂ Ndjapä. Azə̂ gboadje rə̂ gbɛ̂ tə̂ lo nə̈ ndə̂ a ji azə̂ lə̂ ngbongbo rə tratralë. Azə̈ vöga Ndjapä ndə̂ tche wâ gbölö.

Ëfêze 1:6

Azə̈ vöga Ndjapä ndə̂ tche wâ gbölö, ndə̂ tche mbô tchôtchô su tə̂ azə̂ lə̂ köbosə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Ëfêze 3:21

Äwäpä azə̈ voga tchë lə̂ Egilîze, lə̂ köbosə̂ Jezü Krîsiti, azü ndə̂ tchô dokʉ̈tchê la azü ndə̂ tchô angêta gbɛ̂, ndə̂ logbɛ̂ logbɛ̂! Amin.

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Kölôse 1:13

Ndjapä jï azə̂ tchâtchâ gbôgbô ndə̂ makündji ndə̂ tchə̂lə̂ bütchî kə̈ kʉ̂ azə̂ bhâlə̂ Gbölö gö-gbïɛ̈ ndə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 2:5

Nyënyê ndjë gbɛ̂, nyë sə̈ batə̂ atäme ndə̂ âwâ la tchîsûwu, ndə̂kə̂ pa a kʉ nyê kə̂ mbo nyê la gbölö nda Ndjapä ndə̂ Yingö mbô rə̂. Käko nyê wadje tə̂ kpûlû ndə̂ a-earə̂ kə̂ wa ngela sə̈ Ndjapä ndə̂ andjë dâka gbɛ̂ lə̂ la Ndjapä, ânyë kə̂ wa ngela ndə̂ Yingö nyisə̂ nə̈ sə̈ nyê, ndə̂ âfû lə̂ la Ndjapä lə̂ köbosə̂ Jezü Krîsiti.

Dokʉ̈ Pîêre 4:11

Âdə ngâ akrə âsə lakə̂ to pö, äwäpä tche to apö ndə̂ Ndjapä. Âdə ngâ akrə âsə lakə̂ mbo kua sə̈ angâ yê, äwäpä tche mbo rə̂ la gbôgbô ndə̂ Ndjapä zâ rə̂ sə̈ tchë, käko ânyë lə̂ köbosə̂ Jezü Krîsiti, azü voga Ndjapä lə̂ arə gbɛ̂. Gbölö la gbôgbô wätə̂ andə̂ Ndjapä tə̂ logbɛ̂ logbɛ̂! Amin.

Apökälîbïchi 1:6

kə̈ mbô rə̂ pä azə̈ watə̂ azü ndə̂ Gbölö gö-gbïɛ̈ ndə̂ Ndjapä, a-earə̂ kə̂ wa ngela sə̈ Ndjapä ndə̂kə̂ mbo kua ndə̂ Bha nə̈ Ndjapä. Voga la gbôgbô wätə̂ andə̂ ye nə̈ ndə̂ logbɛ̂ logbɛ̂! Amin!

Apökälîbïchi 20:6

Mômô kä tə̂ azü ndə̂ andjë jô tə̂ dokʉ̈ kə̂ jo ndə̂ akuzü! Andjë wätə̂ azü ndə̂ Ndjapä, ânyë bïchuû kuzü wâbo la kümändëmä pâ andjê-a. Andjê wadje tə̂ a-earə̂ kə̂ wa ngela ndə̂ Ndjapä la andə̂ Krîsiti, andjê mboadje kümändëmä la Krîsiti lə̂ ngû sâke balë.

Apökälîbïchi 5:10

Mo mbö rə̂ ânyë andjë wâtə̂ a-earə̂ kə̂ wa ngela sə̈ Ndjapä ndə̂ gbölö gö-gbïɛ̈ ndə̂ Ndjapä ndə̂ azə̂. Andjê mboadje kümändëmä pâ cho.»