Dokʉ̈ Pîêre 2:7 - Mbëtï Ndjapä: TÄFO MADƗ̈

⁷ Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Dokʉ̈ Pîêre 2:7 Iomraidhean Croise

Matiyə̈ 21:42

Jezü tô rə̂ sə̈ andjê päkëdə̂: «Nyë dɨ̂âbo pö lâme balë lə̂ Mbëtï Ndjapä? ‹Täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈. Rə lâme tö bhândə̂ Gbölö Gbïɛ̈. Rə nə̈ wätə̂ ngâ gbölö rə lə̂ la azə̂.›

Lûke 2:32

Tche wätə̂ ngbänga ndə̂kə̂ nyisə̂ zə̈ sə̈ azü pâ cho âtə gbɛ̂, ânyë a lusə̂ Isarayële, azü ndə̂ zə̈.»

Lûke 2:34

Simeyön ê tchôtchô pö pâ andjê, kə̈ tô rə̂ sə̈ Malê anyï Jezü päkëdə̂: «Ndjapä zä bechë âtə ndə̂kə̂ pa lə̂ köbosə̂ yê angbängbä azü ndə̂ Isarayële te, ânyë angânə̈ alafô. Tche âwa me tə̂ ngâ sɨ̂nyî rə ndə̂ Ndjapä, praâbalë azü koadje sə̂nə̈,

Lûke 20:17

Praâbalë Jezü wûn andjê zoo kə̈ tô rə̂ päkëdə̂: «Pö lə̂ Mbëtï Ndjapä âtə nyïndə̂ kə̂ to rə̂ atöko? Pö nə̈ to rə̂ päkëdə̂: ‹Täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈!›

Jâan 4:42

Azü nə̈ tô rə̂ sə̈ ɛ̈chë lâme päkëdə̂: «Âdə̂âbo kütû bëte pö lə̂ ma zə̈ kä ndə̂ ârâ zâ su ârâ sə̈ Jezü-a, praâbalë ârâ djë rə̂ la tü ârâ, kə̈ wûnsə̂ nə̈ pä tche wätə̂ lëge earə̂ kə̂ tcha azü tchêbêche âtə.»

Abadjângele 26:19

«Gbïɛ̈ Agripä, bëte rə̂ kä, më kʉ̂âbo sə̂kə̂ kosə̂ tchêngbâ lü ndə̂ âtô bhâ lafô ânyë kə̈ nə̂ lâme-a.

Rômo 10:21

Praâbalë pâ pö ndə̂ azü gö ndə̂ Isarayële, Ndjapä tö rə̂ päkëdə̂: «Logbɛ̂, më yï könô mê sə̈ azü gö ndə̂kə̂ pa andjë nə, praâbalë azü nə̈ wätə̂ a-earə̂ kə̂ kosə̂ pö, kə̈ wâ ndjë tə̂ azü ndə̂ küma andjê kpô.»

Rômo 15:31

Nyë tö pö sə̈ Ndjapä ndə̂kə̂ pa ajuîfu ndə̂ andjë sə̂ bhâ Judë, ndə̂ andjë kôsə̂ Ndjapä, andjë mboabô ngbongbo rə mbô tə̂ mê. Käko ânyë rə ndə̂ mê ro la rə̂ atə̂ Jerûzalêmo, azü ndə̂ Ndjapä ndə̂ andjë sə̂ bhâye gbo rə̂ la mômô.

Bïchuû Körɛ̂nte 2:16

Andə̂ andjanə̈ ndə̂ köbo yû tə̂ andjê, tchâfo yömbö nə̈ də̈ tchâfo kuzü ndə̂ âe la andjê pu kuzü. Andə̂ andjanə̈ ndə̂ andjë wâ ndə̂kə̂ gbo tchîsûwu, tchâfo yömbö ndə̂ tchîsûwu kä ndə̂ âe la andjê ndə̂kə̂ gbo tchîsûwu. Praâbalë tchabâ kä ndə̂ âwâ la gbôgbô ndə̂kə̂ mbo rə̂?

Kölôse 2:10

Nyë wâ la tchîsûwu ndə̂ âsɨ̂sɨ̈ gbɛ̂ lə̂ köbosə̂ Krîsiti ndə̂ tche wâtə̂ küma angbongbo atchozö ndə̂ andjë wâ la gbôgbô.

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Aheborö 11:31

Lə̂ köbosə̂ kə̂ za su sə̈ Ndjapä, Rahâbo, ɛ̈chë ndə̂ kua ndə̂ yê wâ ndə̂kə̂ pu aköchë tchûâbo la azü ndə̂ andjë kôsə̂ Ndjapä-a, bëte azü ndə̂ a wân andjê tchâkabû ndə̂kə̂ wun gö nə̈, tche kʉ̈ andjê bhândə̂ yê tə̂ tchôtchô nə̈.

Aheborö 4:11

Bëte rə̂ kä, äwäpä azə̈ pu köbo gbɛ̂ ndə̂kə̂ li bhâsə̂ tchô ndə̂kə̂ yatə̂ nə̈ lâme, kə̂ mbo rə̂ pä ngâ akrə balë lə̂ gbâtə̂ azə̂ teabô tê-ê lakə̂ kosə̂ pö batə̂ araâta azə̂ lâme-ê.

Dokʉ̈ Pîêre 1:8

Tchetchë ndə̂ nyë wûn-âbô tchë wûn, praâbalë nyë nyîndə̂ yê, tchetchë ndə̂ nyë wûn-âbô tchë wûn, praâbalë nyë zâ su nyê sə̈ tchë, bëte rə̂ kä ndə̂ su nyê sɨ̂sɨ̈ la gbölö mômô, ndə̂ a wûn-âbo sə̂ pö ndə̂ a to rə̂ pânə̈-a.

Dokʉ̈ Pîêre 2:4

Nyë gïtə̂ nyê pu Gbölö Gbïɛ̈, tchetchë ndə̂ tche wâtə̂ täme ndə̂ âwâ la tchîsûwu; ndə̂ azü kôsə̂ nə̈, praâbalë Ndjapä zâ rə̂ lə̂ adɨ̂ nə̈ kə̈ wûn rə̂ pä ädäka gbɛ̂ lə̂ la yê.

Dokʉ̈ Pîêre 2:8

Mbëtï nə̈ kä tô rə̂ päkëdə̂: «Ädə̈ ngâ täme ndə̂ azü gʉte da andjê tâ, gbölö täme ndə̂ âmbo rə̂ pä akrə te.» Azü lâme gʉ̈te da andjê tâ bëte andjë kosə̂ kə̂ dje ma Ndjapä, rə ndə̂ Ndjapä nyîkrə rə̂ bëte andjê kä lâme.