Dokʉ̈ Pîêre 2:6 - Mbëtï Ndjapä: TÄFO MADƗ̈

⁶ Bëte a mbö rə̂ lə̂ Mbëtï Ndjapä päkëdə̂: «Më dɨ̈ ngâ täme, ndə̂ âwâ la gbölö ngîrî ânyë kə̈ zâ rə̂ lə̂ gö ndə̂ Siyön, batə̂ gbôgbô täme da nda. Akrə ndə̂ tche zâ su yê pâ täme nə̈, ganô mboabô tchë tee-a.»

Dokʉ̈ Pîêre 2:6 Iomraidhean Croise

Matiyə̈ 12:18

«Nyë wünsa earə̂ kua ndə̂ mê, ndə̂ më dɨ̂ tchë, tchanə̈ ndə̂ më nyîndə̂ yê tə̂ gbölösə̂nə̈, ndə̂ su mê fû la tchë gbɛ̂. Mê gboadje tə̂ Yingö ndə̂ mê pâ yê, ndə̂kə̂ pa tche nyisə̂ djîrə̂ kə̂ wa ngbanga sə̈ azü gö ndə̂ andjë wâbô wâtə̂ ajuîfu.

Mâreke 12:10

Nyë dɨ̂âbo pö ndə̂ a mbô rə̂ lə̂ Mbëtï Ndjapä lâme? Pö nə̈ tö rə̂ päkëdə̂: ‹Täme ndə̂ a-earə̂ kə̂ mbo nda gbôtâ, ârə̂ kä ndə̂ âmbôtə̂ yê tə̂ gbôgbô täme da nda nə̈.

Lûke 20:17

Praâbalë Jezü wûn andjê zoo kə̈ tô rə̂ päkëdə̂: «Pö lə̂ Mbëtï Ndjapä âtə nyïndə̂ kə̂ to rə̂ atöko? Pö nə̈ to rə̂ päkëdə̂: ‹Täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈!›

Lûke 23:35

Azü gö nə̈ krʉ̂ ndjë tchâme lakə̂ wun rə ndə̂ âmbo. Amakündji gö ndə̂ ajuîfu sə̂ lakə̂ mo tchë lakə̂ to rə̂ päkëdə̂: «Tche tchä angâ azü lə̂ kuzü, âdə tche âwâtə̂ Krîsiti, tchanə̈ ndə̂ Ndjapä dɨ̂ tchë, äwäpä tche tcha tə̂ yê la tə̂ yê!»

Jâan 7:38

‹Akrə ndə̂ tche zâ su yê sə̈ mê, ngû ndə̂ âza tchîsûwu sə̈ akrə toadje bhâtə̂ su yê ânyë kə̂ bro› batə̂ rə̂ ndə̂ Mbëtï Ndjapä tô rə̂.»

Abadjângele 1:16

«Arə̂mä, äwäpä rə ndə̂ Kpɨ̂ki Yingö tô pö ndə̂nə̈ lə̂ Mbëtï Ndjapä lə̂ ma Davîdi mbo gundə̂sə̂ nə̈. Kpɨ̂ki Yingö nə̈ tö pö pâ Jüdâse, earə̂ kə̂ nyisə̂ köbo sə̈ azü ndə̂ andjë zâ Jezü.

Rômo 10:11

Mbëtï Ndjapä tö rə̂ päkëdə̂: «Akrə balë balë ndə̂ tche zâ su yê sə̈ tchë, ganô mboabô tchë tee-a.»

Ëfêze 1:4

Dokʉ̈tchê ndə̂kə̂ pa a mbo tchîsûwu, Ndjapä dɨ̈ azə̂ ndə̂kə̂ pa azə̈ wa balë la tchë ânyë azə̈ watə̂ azü ndə̂ andjë wâ ngbî ânyë kə̈ dâka gbɛ̂, ndə̂ pö wâbô wâ lə̂ küma andjê lə̂ la yê. Lə̂ köbosə̂ nə̈ ndə̂ Ndjapä nyîndə̂ azə̂,

Ëfêze 2:20

Nyë wä batə̂ nda ndə̂ a mbô rə̂, ndə̂ da nda nə̈ də̂ abadjângele la a-earə̂ ndə̂ma Ndjapä. Jezü Krîsiti la tə̂ yê kä ndə̂ âwâtə̂ gbôgbô täme ndə̂ da nda nə̈.

Bïchuû Timotë 3:16

Apö gbɛ̂ lə̂ Mbëtï Ndjapä tö lə̂ ma Ndjapä. Pö nə̈ däka ndə̂kə̂ nyisə̂ rə, ndə̂kə̂ nyisə̂ ngbongbo rə ndə̂ akrə sə̈ tchë, ndə̂kə̂ ka la akrə pâ tchôtchô köbo, ndə̂kə̂ nyisə̂ köbo ndə̂kə̂ mbo djîrə̂ rə tə̂ akrə,

Dokʉ̈ Pîêre 2:4

Nyë gïtə̂ nyê pu Gbölö Gbïɛ̈, tchetchë ndə̂ tche wâtə̂ täme ndə̂ âwâ la tchîsûwu; ndə̂ azü kôsə̂ nə̈, praâbalë Ndjapä zâ rə̂ lə̂ adɨ̂ nə̈ kə̈ wûn rə̂ pä ädäka gbɛ̂ lə̂ la yê.

Dokʉ̈ Pîêre 2:8

Mbëtï nə̈ kä tô rə̂ päkëdə̂: «Ädə̈ ngâ täme ndə̂ azü gʉte da andjê tâ, gbölö täme ndə̂ âmbo rə̂ pä akrə te.» Azü lâme gʉ̈te da andjê tâ bëte andjë kosə̂ kə̂ dje ma Ndjapä, rə ndə̂ Ndjapä nyîkrə rə̂ bëte andjê kä lâme.

Bïchuû Pîêre 1:20

Tə̂ dokʉ̈ nə̈, rə ndə̂ nyë wâ ndə̂kə̂ wunsə̂ nə̈ wä kâkë: Ngâ earə̂ ndə̂ma Ndjapä balë ndə̂ tche mbô apö tə̂ su yê la tə̂ yê lə̂ Mbëtï Ndjapä sə̂âbo-a.

Bïchuû Pîêre 3:16

Lə̂ ambëtï gbɛ̂ ndə̂ Pôlo mbô rə̂, kütû apö lâme kä ndə̂ tche to tchê rə̂. Lə̂ angâ amawû pö nə̈, angâ apö nə̈ kpôkpö tə̂ angâ azü ndə̂kə̂ dje tchə̂lə̂ nə̈, käko azü ndə̂ andjë wûn-âbô sə̂ rə wûn ânyë kə̈ mândabo rə mânda-ê, andjë dödo tchə̂lə̂ apö nə̈ batə̂ rə̂ ndə̂ andjë mbo rə̂ tə̂ angâ apö lə̂ Mbëtï Ndjapä gbɛ̂. Köbo andjê yû la rə ndə̂ andjë mbo rə̂ lâme nə̂.