Dokʉ̈ Pîêre 2:4 - Mbëtï Ndjapä: TÄFO MADƗ̈

⁴ Nyë gïtə̂ nyê pu Gbölö Gbïɛ̈, tchetchë ndə̂ tche wâtə̂ täme ndə̂ âwâ la tchîsûwu; ndə̂ azü kôsə̂ nə̈, praâbalë Ndjapä zâ rə̂ lə̂ adɨ̂ nə̈ kə̈ wûn rə̂ pä ädäka gbɛ̂ lə̂ la yê.

Dokʉ̈ Pîêre 2:4 Iomraidhean Croise

Matiyə̈ 11:28

«Nyë nə̈ pu mê, nyënyê gbɛ̂ ndə̂ nyë mô lakə̂ kʉ arə ndə̂ âlû, mê zadje kə̂ yatə̂ sə̈ nyê.

Matiyə̈ 12:18

«Nyë wünsa earə̂ kua ndə̂ mê, ndə̂ më dɨ̂ tchë, tchanə̈ ndə̂ më nyîndə̂ yê tə̂ gbölösə̂nə̈, ndə̂ su mê fû la tchë gbɛ̂. Mê gboadje tə̂ Yingö ndə̂ mê pâ yê, ndə̂kə̂ pa tche nyisə̂ djîrə̂ kə̂ wa ngbanga sə̈ azü gö ndə̂ andjë wâbô wâtə̂ ajuîfu.

Matiyə̈ 21:42

Jezü tô rə̂ sə̈ andjê päkëdə̂: «Nyë dɨ̂âbo pö lâme balë lə̂ Mbëtï Ndjapä? ‹Täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈. Rə lâme tö bhândə̂ Gbölö Gbïɛ̈. Rə nə̈ wätə̂ ngâ gbölö rə lə̂ la azə̂.›

Jâan 14:19

Lə̂ kpîɛ̂kpîɛ̂ lö, azü tchêbêche kä wun-abô mê tee-a. Praâbalë andə̂ nye nə̈, nyê wun-adje mê. Bëte më kä la tchîsûwu, nyënyê ndjë gbɛ̂, nyê wadje la tchîsûwu.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 5:26

Käko batə̂ rə̂ ndə̂ Bha wâ la tchîsûwu lə̂ yê la tə̂ yê, käko ndjë tche zä köbo sə̈ Modô nə̈ ndə̂kə̂ wa la tchîsûwu lə̂ yê la tə̂ yê.

Jâan 5:40

Praâbalë nyë nyîâbo ndə̂kə̂ nə pu mê ndə̂kə̂ gbo tchîsûwu ndə̂ logbɛ̂ logbɛ̂-a.

Jâan 6:37

Azü gbɛ̂ ndə̂ Bha kʉ̂ andjê sə̈ mê, andjë ânə pu mê. Ânyë akrə ndə̂ tche nə̂ pu mê, mê groabô tchë atə̂ sûwu balë tee-a.

Jâan 6:57

Bha mê ndə̂ tche wân mê kä la tchîsûwu, ânyë më kä la tchîsûwu lə̂ köbosə̂ yê. Käko ndjë, akrə ndə̂ tche zɨ̂ mbë mê, tche kä la tchîsûwu lə̂ köbosə̂ mê.

Rômo 5:10

Ndə̂ azə̈ kôsə̂ Ndjapä alême, tche mbö rə̂ pä tchôtchô kə̂ sə kângbâ yê lə̂ gbâtə̂ azə̂ la Ndjapä lə̂ köbosə̂ kuzü Modô ndə̂ yê. Ndə̂ tchôtchô kə̂ sə kângbâ yê lə̂ gbâtə̂ azə̂ la tchë lâme, lə̂ köbosə̂ Modô ndə̂ yê ndə̂ tche wâ la tchîsûwu, ngâ rə balë wâbo ndə̂kə̂ kitə̂ köbo tə̂ yê ndə̂kə̂ tcha azə̂ lə̂ kuzü-a.

Dokʉ̈ Körɛ̂nte 3:11

Bëte ngâ akrə ndə̂ tche wâ ndə̂kə̂ mbo ngâ da nda ngbî tə̂ anə̈ ndə̂ a mbô rə̂ dokʉ̈tchê lâme sə̂âbo-a, da nda nə̈ də̈ Jezü Krîsiti.

Kölôse 3:4

Krîsiti wätə̂ tchîsûwu ndə̂ nyê. Tə̂ lo nə̈ ndə̂ tche ka, nyê wutuadje la tchë balë ndə̂kə̂ sə la tchë lə̂kə̂ wa gbölö ndə̂ yê.

Dokʉ̈ Pîêre 1:19

Praâbalë tche jï nyê lə̂ köbosə̂ jï Krîsiti ndə̂ âwâ la gbölö ngîrî. Krîsiti wä batə̂ ngbavö ɛ̈bro-ngbaga ndə̂ ngâ tchâme-tə̂ yê balë ndɨ̂âbô ndɨ̂-î, ânyë ngâ ngbongbo rə balë wâbo ndjë tə̂ yê-a.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 2:7

Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Bïchuû Pîêre 1:4

Lə̂ köbosə̂ arə nə̈ lâme kä ndə̂ Ndjapä kʉ̂ atchôtchô arə ndə̂ gbölö ngîrî sə̈ azə̂ ndə̂ tche zâ bâlâ tə̂ pö ndə̂nə̈ alême. Käko ndə̂ nyê âsə̈ gbo rə̂, âmbo rə̂ pä nyë kpe tə̂ köbo agʉ arə tchêbêche âtə ndə̂ ândɨ azü. Käko kä ndə̂, kə̂ sə ndə̂ nyê kʉtə̂ yê la andə̂ Ndjapä.