Dokʉ̈ Pîêre 2:25 - Mbëtï Ndjapä: TÄFO MADƗ̈

²⁵ Bëte nyë yû alême nə̂ batə̂ aɛ̈bro-ngbaga, praâbalë angaâtə, nyë kâ nə̂ pu Krîsiti ndə̂ tche wâ batə̂ earə̂ kə̂ batə̂ aɛ̈bro-ngbaga, ndjë la earə̂ kə̂ bata vrö nyê.

Dokʉ̈ Pîêre 2:25 Iomraidhean Croise

Matiyə̈ 18:12

«Pö bhâlə̂ su nyê wä atöko? Âdə ngâ akrə lə̂ gbâtə̂ nyê âwâ la aɛ̈bro-ngbaga ngbangbo balë, ânyë ngânə̈ balë lə̂ gûtə̂ andjê yû, tchê gboabô tə̂ adɨ̂ nə̈ tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ voanə̈ (99) lə̂ küma aga, kə̂ e kə̂ pu tchanə̈ balë ndə̂ tche yû lâme?

Matiyə̈ 9:36

Ndə̂ Jezü wûn kpûlû azü nə̈, nyonyo andjê mbô tchë bëte gbâdâ kâ tə̂ andjê nə̂ gbɛ̂, ânyë andjë mômo gbɛ̂ batə̂ aɛ̈bro-ngbaga ndə̂ earə̂ kə̂ bata andjê wâbô wâ tâ-ê.

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Aheborö 5:2

Angâ arə kä ndjë tâ ndə̂ âropâ a-earə̂ kə̂ wa ngela sə̈ Ndjapä. Tə̂ pö ndə̂nə̈ kä ndə̂ andjë wâ ndjë ndə̂kə̂ wun nyonyo azü ndə̂ andjë wûn-âbô sə̂ rə wûn la andjanə̈ ndə̂ andjë tchâ köbo.

Dokʉ̈ Pîêre 3:20

Andjanə̈ ndə̂ andjë kôsə̂ pö ma Ndjapä alême, sə̂nə̈ ndə̂ tche rʉ̂âtə̂ su yê ndə̂kə̂ krʉ bëte andjê pä andjë ka pu tchë tə̂ lo nə̈ ndə̂ Nowë mbô âreche. Kütû kpîɛ̂kpîɛ̂ kə̂ ngba ndə̂ azü mïndûu manə̈ vötaâ kä ndə̂ âlî lə̂nə̈, ânyë Ndjapä tchâ andjê lə̂ köbosə̂ ngû.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.