Dokʉ̈ Pîêre 2:24 - Mbëtï Ndjapä: TÄFO MADƗ̈

²⁴ Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 2:24 Iomraidhean Croise

Matiyə̈ 27:26

Käko Pïlâte jî Bäräbâse sə̈ andjê. Andə̂ Jezü, tche zâma ndə̂kə̂ pa a bhi tchë la föröngbö, ânyë tche gbôtə̂ yê sə̈ andjê ndə̂kə̂ pa andjë won tchë tə̂ yö ndə̂ gba.

Matiyə̈ 5:20

Më tö rə̂ sə̈ nyê päkëdə̂: Âdə nyê âmboabô djîrə̂ rə mbô âro andə̂ a-earə̂ kə̂ nyisə̂ ndïɛ̈ la afarizïɛ̈n nyɛ̂-ɛn, nyê liabô atə̂lə̂ Gbölö gö-gbïɛ̈ ndə̂ tchêlafô tee-a.»

Matiyə̈ 8:17

Jezü mbö rə̂ käko ndə̂kə̂ pa pö ndə̂ Ezayï earə̂ ndə̂ma Ndjapä mbo gundə̂sə̂ nə̈. Tche tö rə̂ alême päkëdə̂: «Tche zä yûkü ndə̂ azə̂, ânyë kə̈ zâ tə̂kömbô ndə̂ azə̂ ëpâ yê.»

Mâreke 15:15

Pïlâte nyîndə̂ kə̂ za mômô tə̂ su kpûlû azü nə̈, kə̈ jî Bäräbâse sə̈ andjê. Pânə̈ tche zâma ndə̂kə̂ pa a bhi Jezü la föröngbö, kə̂ gbotə̂ yê ndə̂kə̂ pa a e la tchë kə̂ bhi tchë tə̂ yö ndə̂ gba.

Lûke 4:18

«Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 19:1

Käko Pïlâte zâma ndə̂kə̂ pa a e la Jezü kə̈ bhî tchë la djapra.

Abadjângele 10:35

Âdə ngâ akrə âkpe wa Ndjapä, ânyë kə̈ wâtə̂ djîrə̂ akrə, âdəndjë rə̂ ndə̂ tche də̂ akrə ndə̂ ngâ gö ngbî, tche dâka tchâtchu Ndjapä nə̂.

Abadjângele 10:39

Ârâ kä sə̂ arə gbɛ̂ ndə̂ tche mbô rə̂ lə̂ gö ndə̂ ajuîfu, ndjë la andə̂ Jerûzalêmo. Tchetchë ndə̂ a î tchë ânyë kə̈ wôn tchë bhâtə̂ yö ndə̂ gba.

Abadjângele 13:29

Pânə̈ ndə̂ andjë mbô rə gbɛ̂ ndə̂ Mbëtï Ndjapä tô rə̂ tə̂ pö ndə̂ yê, andjë zû tchë tə̂ yö ndə̂ gba nə̈ ânyë kə̈ chî tchë lə̂ ngâ cho akuzü.

Abadjângele 5:30

Nyënyê kä ndə̂ âwôn Jezü bhâtə̂ yö ndə̂ gba, praâbalë Ndjapä ndə̂ araâta azə̂ jô tchë lə̂ kuzü.

Rômo 6:11

Käko nyënyê ndjë gbɛ̂, äwäpä nyë wuntə̂ nyê batə̂ azü ndə̂ andjë tchû nə̂ ndə̂kə̂ sə tʉ̂rʉ tə̂ ngbongbo rə, ânyë lə̂ köbosə̂ kə̂ wa balë ndə̂ nyê la Jezü Krîsiti, nyê wa la tchîsûwu bëte Ndjapä.

Rômo 6:13

Nyë zäbô ngâ tchâme-tə̂ nyê zâ ndə̂kə̂ mbo ngbongbo rə batə̂ ngâ rə kʉ̈ʉ̈ ndə̂ ngbongbo rə-ê. Praâbalë äwäpä nyë zatə̂ nyê la tə̂ nyê bëte kua ndə̂ Ndjapä, batə̂ azü ndə̂ andjë jô lə̂ kuzü. Nyë zätə̂ nyê gbɛ̂ bëte kua ndə̂ Ndjapä, batə̂ ngâ rə kʉ̈ʉ̈ ndə̂kə̂ mbo rə ndə̂ âwâ djîrə̂.

Rômo 6:16

Nyë wûn-âbo sə̂nə̈? Âdə nyê âzatə̂ nyê la ngbâa tchâtchâ ngâ akrə ndə̂kə̂ dje pö ma yê, dëkë nyë wâ nə̂ tə̂ ngbâa ndə̂ akrə nə̈ lâme. Änyïndə̂ kə̂ to rə̂ päkëdə̂, âdə nyê âzatə̂ nyê sə̈ ngbongbo rə, nyë wâ nə̂ tə̂ angbâa ndə̂ ngbongbo rə ânyë ngbongbo rə nə̈ âe la nyê pu kuzü. Âdə nyê âzatə̂ nyê batə̂ angbâa ndə̂kə̂ dje pö ma Ndjapä, Ndjapä nə̈ âmbo rə̂ pä nyê watə̂ adjîrə̂ azü lə̂ la yê.

Rômo 6:2

Âdə̂âbo käko-a! Ndə̂ azə̈ tchû, ânyë tchə̂lə̂ tə̂ azə̂ krʉ̂ la ngbongbo rə lâme, atöko kä ndə̂ azə̈ ndəpo lakə̂ mbo ngbongbo rə etə̂?

Rômo 6:22

Praâbalë angaâtə, Ndjapä jî nyê tchâtchâ ngbâa ndə̂ ngbongbo rə nə̂ ânyë nyë wätə̂ a-earə̂ kua ndə̂ yê. Käko ndə̂ nyê mbo rə ndə̂ âdâka lə̂ la Ndjapä lâme, rə ndə̂ nyê gbo rə̂ ngbânə̈ wätə̂ tchîsûwu ndə̂ logbɛ̂ logbɛ̂.

Rômo 6:7

Bëte akrə ndə̂ tche tchû nə̂, tche wûtu tchâtchâ ngbâa ndə̂ ngbongbo rə nə̂.

Rômo 7:6

Praâbalë angaâtə, azə̈ wûtu tchâtchâ ndïɛ̈ nə̂. Azə̈ wätə̂ azü ndə̂ andjë tchû nə̂ ndə̂kə̂ wutu lə̂ kânga ndə̂ ndïɛ̈ ânyë azə̈ mbo rə̂ la Ndjapä lə̂ täfo köbo ndə̂ Yingö zâ rə̂ sə̈ azə̂. Azə̈ kä mbôâbô rə̂ mbô la Ndjapä batə̂ rə̂ ndə̂ azə̈ mbo rə̂ alême gundə̂sə̂ ndïɛ̈ ndə̂ Möyîze-ê.

Dokʉ̈ Körɛ̂nte 15:3

Dokʉ̈ rə ndə̂ më nyîsə̂ nə̈ sə̈ nyê də̈ pö ndə̂ mëmê la tə̂ mê më gbô rə̂: Krîsiti tchü bëte ngbongbo rə ndə̂ azə̂, batə̂ rə̂ ndə̂ Mbëtï Ndjapä tô rə̂,

Bïchuû Körɛ̂nte 6:17

Bëte rə̂ kä: «Nyë wütu lə̂ gbâtə̂ andjê, kə̂ sə̂ ngbî, nyë grʉ̈äbô ngbongbo rə grʉ̂-ê, mê kʉadje nyê ndrotə̂ mê.»

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Ëfêze 5:9

Bëte rə ndə̂ ngbänga nə la rə̂ də̈: Kə̂ mbo dâkâ, kə̂ mbo djîrə̂ rə la lëge pö.

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Kölôse 2:14

Mbëtï-ndïɛ̈ ndə̂ âzâ pö lə̂ küma azə̂, Ndjapä wrʉ̂ gbôgbô ndə̂nə̈ nə̂, kə̈ î rə̂ bhâtə̂ yö ndə̂ gba.

Kölôse 2:20

Ndə̂ nyë wâ balë la Krîsiti, a jî nyê tchâtchâ gbôgbô ndə̂ angbongbo atchozö ndə̂ tchîsûwu âtə nə̂. Bëte giamâ kä ndə̂ gbô nyê sə̂ lakə̂ mbo rə batə̂ azü tchêbêche âtə? Bëte giamâ kä ndə̂ nyë nyîndə̂ nə̈ ndə̂kə̂ pa ngâ akrə za nyê la gbôgbô ndə̂kə̂ gamba ngâ ndïɛ̈ kâkë-ê?

Kölôse 3:3

Bëte nyë tchû nə̂ ânyë tchîsûwu ndə̂ nyê wâ nə̂ wü balë la andə̂ Krîsiti ndrotə̂ Ndjapä.

Aheborö 10:10

Jezü Krîsiti mbö rə ndə̂ su Ndjapä nyîndə̂ nə̈. Tche zätə̂ yê la ngela sûsunə̈ balë tratralë, ârə̂ kä ndə̂ âdjutu angbongbo rə ndə̂ azə̂.

Aheborö 10:5

Bëte rə̂ kä, tə̂ lo nə̈ ndə̂ Krîsiti nə̂ atə̂ bêche, tche to rə̂ sə̈ Ndjapä päkëdə̂: «Mo nyîâbo ndə̂ ngela âdəndjë ngâ rə ndə̂ akrə za rə̂ sə̈ mö-a, praâbalë momö kä âkə̈ mbô rə̂ pä më wa la tə̂ akrə.

Aheborö 12:13

Nyê nyïkrə köbo nyê ngbêwôn ânyë kə̂ ro tâ, ndə̂kə̂ pa azü ndə̂ da andjê ndɨ̂ âkä ndɨabô ndɨ̂ tratralë-ê, praâbalë ndə̂kə̂ pa ätcha.

Aheborö 7:26

Gbölö earə̂ kə̂ wa ngela sə̈ Ndjapä ndə̂ tche wâ ndə̂kə̂ mbo rə̂ la azə̂ kä lâme. Tche wä ngbî ânyë kə̈ dâka gbɛ̂, pö balë wâbo lə̂ küma yê-a, tche mbôâbo ngbongbo rə balë-a, kə̈ krʉ̂ tchə̂lə̂ tə̂ yê la a-earə̂ ngbongbo rə, Ndjapä zâ tchë bhâ lafô pâ arə gbɛ̂.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Jâke 5:16

Äwäpä nyë tosə̂ angbongbo rə ndə̂ nyê lə̂ gbâtə̂ nyê la angâ nyê, kə̂ to pö sə̈ Ndjapä bëte angâ nyê lə̂ gbâtə̂ nyê, ânyë Ndjapä tcha nyê lə̂ tə̂kömbô ndə̂ nyê. Akrə ndə̂ tche wâ djîrə̂ lə̂ la Ndjapä, ânyë kə̈ tô pö sə̈ tchë, pö nə̈ ndə̂ tche to rə̂ sə̈ Ndjapä nə̈ lâme âwa la gbôgbô ndə̂kə̂ mbo rə tə̂ gbölösə̂nə̈.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Apökälîbïchi 22:2

Ngû nə̈ sə̈ lakə̂ kpe kulə̂ gbâtə̂ gbölö köbo ndə̂ gö nə̈. Ngâ da yö ndə̂ âza tchîsûwu sə̈ azü kä tə̂ maga gbölö ngû nə̈ dəkalâ dəkalâ. Da yö nə̈ lâme lë lə̂ ngû balë sûsunə̈ lə̂ könô gbɛ̂ tchêpâ nə̈ bïchuû. Lə̂ nyîpï balë älë sûsunə̈ balë. Akʉ̈kʉ̂ yö nə̈ wä ndə̂kə̂ tcha atə̂kömbô tə̂ azü pâ cho.